Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightലോകകപ്പ് ലോഗോയും...

ലോകകപ്പ് ലോഗോയും വർണവും നിറഞ്ഞ ആദ്യ വിമാനം പുറത്തിറക്കി ഖത്തർ എയർവേസ്​​

text_fields
bookmark_border
ലോകകപ്പ് ലോഗോയും വർണവും നിറഞ്ഞ ആദ്യ വിമാനം പുറത്തിറക്കി ഖത്തർ എയർവേസ്​​
cancel
camera_alt

2022ലെ ലോകകപ്പ് ലോഗോ പതിച്ച ഖത്തർ എയർവേസ്​​ വിമാനം

ദോഹ: 2022ലെ ലോകകപ്പ് ഫുട്ബാൾ ടൂർണമെൻറിന് പന്തുരുളാൻ കൃത്യം രണ്ട് വർഷം മാത്രം ദൂരമിരിക്കെ, ഫിഫയുടെ ഔദ്യോഗിക എയർലൈൻ പാർട്ട്ണർമാരായ ഖത്തർ എയർവേസ്​​ 2022ലെ ലോകകപ്പ് ലോഗോ പതിച്ച തങ്ങളുടെ ആദ്യ വിമാനം പുറത്തിറക്കി. ബോയിങ് 777 വിമാനത്തിന് പുറത്താണ് ഖത്തറിെൻറ മെറൂൺ വർണവും ലോകകപ്പ് ലോഗോയും പതിച്ചിരിക്കുന്നത്. വിമാനം ദോഹക്കും സൂറിച്ചിനുമിടയിൽ ശനിയാഴ്ച മുതൽ സർവിസ്​ ആരംഭിക്കും. ഫിഫയുമായുള്ള പ്രതിബദ്ധതയുടെ ഭാഗമായാണ് വിമാനത്തിെൻറ ആദ്യ സർവിസ്​ തന്നെ ഫിഫയുടെ ആസ്​ഥാനം സ്​ഥിതിചെയ്യുന്ന സ്വിറ്റ്സർലൻഡിലെ സൂറിച്ചിലേക്ക് പറക്കുന്നത്.

വരും ദിവസങ്ങളിൽ കൂടുതൽ വിമാനങ്ങൾ ഇത്തരത്തിലേക്ക്​ മാറ്റാനുള്ള തയാറെടുപ്പിലാണ് ഖത്തറിെൻറ ദേശീയ വിമാന കമ്പനി. 2022 ലോകകപ്പിലേക്കുള്ള ഖത്തറിെൻറ തയാറെടുപ്പിനെയാണ് ലോകകപ്പ്​ വിമാനം സൂചിപ്പിക്കുന്നതെന്നും ഫിഫയുടെ ഔദ്യോഗിക വൈമാനിക പങ്കാളികളാകാൻ സാധിച്ചതിൽ ഏറെ സന്തോഷമുണ്ടെന്നും ഖത്തർ എയർവേസ്​​ സി.ഇ.ഒ അക്ബർ അൽ ബാകിർ പറഞ്ഞു. അടുത്ത വർഷം മാർച്ച് മാസത്തോടെ 125 കേന്ദ്രങ്ങളിലേക്ക് വിമാന സർവിസുകൾ നടത്താനാണ് പദ്ധതിയിടുന്നത്​. ഫിഫയുടെ ഔദ്യോഗിക വിമാനത്താവള പങ്കാളികളായ ഹമദ് രാജ്യാന്തര വിമാനത്താവളത്തിെൻറ വിപുലീകരണ പ്രവർത്തനങ്ങൾ പുരോഗമിക്കുകയാണ്​.

പുതിയ വിമാനം പുറത്തിറക്കിയത് ലോകകപ്പിെൻറ യാത്രയിൽ പുതിയ നാഴികക്കല്ലാണെന്ന് ഫിഫ മാർക്കറ്റിങ്​ മേധാവി യാങ് ഫ്രാങ്കോയിസ്​ പാത്തി പറഞ്ഞു.2022 ലോകകപ്പ് ടൂർണമെൻറിനായുള്ള ട്രാവൽ പാക്കേജുകൾ ഖത്തർ എയർവേസ്​​ ഹോളിഡേയ്സ്​ ഉടൻതന്നെ പുറത്തിറക്കുമെന്നാണ് പ്രതീക്ഷിക്കുന്നത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:qatar airways2022 World Cup
Next Story