കടലാഴങ്ങളുടെ നൊമ്പരം കലയിൽ സന്നിവേശിപ്പിച്ച്​ സ്വപ്​ന നമ്പൂതിരി

ദോഹ: ഒരു പ്ലാസ്​റ്റിക്​ കുപ്പിയെങ്കിലും കടലിൽ എത്താതിരിക്കുക. ഒരു കടൽ ജീവിയെ എങ്കിലും മരണത്തിൽ നിന്ന്​ രക്ഷിക്കുക. സ്വപ്​ന നമ്പൂതിരിയുടെ ആഗ്രഹമാണ്​. ഇൗ ആഗ്രഹത്തെ കലയിലേക്ക്​ ഉൾക്കൊളളിച്ചപ്പോൾ പിറന്നത്​ സമുദ്രങ്ങളുടെ നൊമ്പരമാണ്​. ഒക്​ടോബർ 23 മുതൽ നവംബർ രണ്ട്​ വരെ ഇൗ ചിത്ര^ ശിൽപങ്ങൾ കാണുന്നതിന്​ അവസരം ഒരുങ്ങുന്നു. കത്താറ കൾച്ചറൽ വി​േല്ലജിലാണ്​​ പാലക്കാട്​ സ്വദേശിനി സ്വപ്​ന നമ്പൂതിരി ആദ്യമായി ഒറ്റക്ക്​ പ്രദർശനം നടത്തുന്നത്​. വലിച്ചെറിയുന്ന വസ്​തുക്കളിൽ നിന്നാണ്​ സ്വപ്​ന നമ്പൂതിരി ഇൗ ചിത്ര ശിൽപങ്ങൾ സൃഷ്​ടിച്ചിരിക്കുന്നത്​. പ്ലാസ്​റ്റിക്​ കൊണ്ടുള്ള തിരമാലകൾ, പ്ലാസ്​റ്റിക്​ വലയിൽ കുടുങ്ങിയ മത്സ്യം, പവിഴപ്പുറ്റുകൾക്ക്​ പ്ലാസ്​റ്റിക്​ വരുത്തുന്ന നാശം തുടങ്ങിയവയെല്ലാം ത​​​െൻറ കലാസൃഷ്​ടിയിലുടെ സ്വപ്​ന പങ്കുവെക്കുന്നു. പ്ലാസ്​റ്റിക്​ കടലിനും കടൽ ജീവികൾക്കും വരുത്തുന്ന അപകടങ്ങൾ സമൂഹത്തിലേക്ക്​ എത്തിക്കുന്നതിനൊപ്പം വസ്​തുക്കൾ ലിച്ചെറിയുന്നതിന്​ പകരം പുനരുപയോഗിക്കാൻ സമൂഹത്തെ ശീലിപ്പിക്കുകയെന്ന ആശയവും സ്വപ്​ന ത​​​​െൻറ സൃഷ്​ടിയിലൂടെ പങ്കുവെക്കുന്നുണ്ട്​.

ചെറുപ്പത്തിൽ തന്നെ ചിത്രരചനയിൽ താൽപര്യമുണ്ടായിരുന്നുവെങ്കിലും ഗൗരവമായി കണ്ടിരുന്നില്ല. എൻജിനീയറിങ്​ പഠനത്തിന്​ ശേഷം ഇൻഫോസിസിൽ ​ജോലി ലഭിച്ച്​ ബംഗളൂരുവിലെത്തിയ ശേഷമാണ്​ വരച്ചുതുടങ്ങിയത്​. ജോലിക്കിടയിലുള്ള ഹോബി മാത്രമായിരുന്നു ആദ്യകാലത്ത്​ വരയെന്ന്​ സ്വപ്​ന പറയുന്നു. എന്നാൽ, കുറച്ചുകഴിഞ്ഞപ്പോഴേക്കും എല്ലാ ദിവസവും വരച്ചുതുടങ്ങി. ഗ്ലാസിലായിരുന്നു രചനകൾ. മണിക്കൂറുകൾ തുടർച്ചയായി വരച്ച​േതാടെ പതിയെ ചിത്രരചനയിലേക്ക്​ പൂർണമായി മാറുകയായിരുന്നു. ഇതോ​െട ജോലി കഴിഞ്ഞ്​ പൂർണസമയം കലാലോകത്തേക്ക്​ നീങ്ങി. ഇതിനിടെ, ഖത്തറിലേക്ക്​ വന്നു. ഭർത്താവിനൊപ്പം ദോഹയിൽ ജീവിക്കുന്നതിനിടെയാണ്​ ചിത്ര^ശിൽപ കലകളിൽ കൂടുതൽ ശ്രദ്ധയൂന്നുന്നത്​. വിവിധ ദേശങ്ങളിൽ നിന്നുള്ളവരായ കലാകാരൻമാരുടെ കൂട്ടായ്​മയായ ‘ഖത്ത്​ ആർട്ട്​’ ആണ്​ ശിൽപ നിർമാണത്തിൽ സജീവമാകാൻ സഹായിച്ചതെന്ന്​ സ്വപ്​ന പറഞ്ഞു. ഒാൺലൈനിലൂടെയും കത്താറയിലൂടെയും ചിത്രങ്ങൾ വിൽപനയായത്​ ആത്​മവിശ്വാസം പകർന്നു.

ഇതിനിടെ കഴിഞ്ഞ മേയ്​ മാസത്തിൽ വിവിധ രാജ്യക്കാരായ 150 കലാകാരൻമാർക്കൊപ്പം ടോക്കിയോ ഇൻറർനാഷനൽ ആർട്ട്​ഫെയറിൽ സൃഷ്​ടികൾ പ്രദർശിപ്പിക്കാൻ അവസരം ലഭിച്ചു. ഇതേതുടർന്നാണ്​ ആദ്യമായി ഒറ്റക്കുള്ള പ്രദർശനവുമായി കത്താറയിലേക്ക്​ എത്തുന്നത്​. ലോകത്തിലെ സമുദ്രങ്ങൾ സംരക്ഷിക്കേണ്ടതി​​​െൻറ ആവശ്യകത ചൂണ്ടിക്കാട്ടുന്ന 20ലധികം സൃഷ്​ടികളാണ്​ പത്ത്​ ദിവസം നീളുന്ന പ്രദർശനത്തില​ുണ്ടാകുക. ആലുവ സ്വദേശി മനോജ്​ ആണ്​ ഭർത്താവ്​. ശ്രദ്ധ, മാനവ്​ എന്നിവരാണ്​ മക്കൾ.