സുപ്രീം കൗൺസിൽ യോഗം; അമീർ അധ്യക്ഷതവഹിച്ചു
text_fieldsഅമീരി ദിവാനിൽ ചേർന്ന സാമ്പത്തിക, നിക്ഷേപകാര്യ സുപ്രീം കൗൺസിൽ യോഗത്തിൽ അമീർ ശൈഖ് തമീം ബിൻ ഹമദ്
ആൽഥാനി അധ്യക്ഷത വഹിക്കുന്നു
ദോഹ: സാമ്പത്തിക, നിക്ഷേപകാര്യ സുപ്രീം കൗൺലിന്റെ ഈ വർഷത്തെ രണ്ടാമത് യോഗം ചെയർമാൻകൂടിയായ അമീർ ശൈഖ് തമീം ബിൻ ഹമദ് ആൽഥാനിയുടെ അധ്യക്ഷതയിൽ ചേർന്നു.
അമിരി ദിവാനിൽ നടന്ന യോഗത്തിൽ കൗൺസിൽ ഡെപ്യൂട്ടി ചെയർമാനും ഡെപ്യൂട്ടി അമീറുമായ ശൈഖ് അബ്ദുല്ല ബിൻ ഹമദ് അൽഥാനി, പ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിൻ അബ്ദുൽറഹ്മാൻ ബിൻ ജാസിം ആൽഥാനി എന്നിവർ ഉൾപ്പെടെ അംഗങ്ങൾ പങ്കെടുത്തു.
ഈ വർഷം ആദ്യത്തിൽ ചേർന്ന സുപ്രീം കൗൺസിലിന്റെ യോഗ നിർദേശങ്ങളുടെ തുടർച്ച അവലോകനം ചെയ്തു.
രാജ്യത്തിന്റെ സാമ്പത്തിക റിപ്പോർട്ടും മുൻഗണനാ വിഷയങ്ങളും വിശദീകരിച്ചു. ആഗോള വ്യാപാര-കസ്റ്റംസ് താരിഫുകളുമായി ബന്ധപ്പെട്ട സംഭവവികാസങ്ങളും ആരോഗ്യ സംരക്ഷണ- സാമൂഹിക സേവന മേഖലയെക്കുറിച്ചുള്ള പൊതുജനാരോഗ്യ മന്ത്രാലയത്തിന്റെ അവതരണവും വിവരസാങ്കേതിക മേഖലയിലെ വികസനങ്ങളെക്കുറിച്ചുള്ള മന്ത്രാലയത്തിന്റെ റിപ്പോർട്ടുകളും കൗൺസിലിൽ അവതരിപ്പിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

