സബ്​ സ്​റ്റേഷനുകൾ: കഹ്റമയുടെ കരാർ സീമൻസ്​ കമ്പനിക്ക് 

ദോഹ: രാജ്യത്തെ വൈദ്യുതി വിതരണ ശൃംഖല വിപുലമാക്കുന്നതി​​​െൻറ ഭാഗമായി കഹ്റമ നടപ്പാക്കുന്ന പദ്ധതിയുടെ പതിമൂന്നാം ഘട്ടത്തി​​​െൻറ 310 കോടി റിയാലി​​​െൻറ കരാർ സീമൻസ്​ കമ്പനിക്ക് ലഭിച്ചു. സീമൻസി​​െൻറ പ്രവർത്തനത്തിൽ പ്രധാന നാഴികക്കല്ലാണ് കഹ്റമ പദ്ധതിയുടെ കരാറെന്ന് കമ്പനി പ്രസ്​താവനയിൽ പറഞ്ഞു. വൈദ്യുതി വിതരണ ശൃംഖല ശക്തമാക്കുന്നതിനായി  35 വൈദ്യുതി സബ്​സ്​റ്റേഷനുകളാണ് നിർമ്മിച്ച്​ നൽകുന്നത്​. ഖത്തർ പവർ ട്രാൻസ്​മിഷൻ സിസ്​റ്റം വികസന പദ്ധതിയുടെ തുടർവികസനമാണിത്​
.ഖത്തർ പവർ ട്രാൻസ്​മിഷൻ പദ്ധതിയുടെ നാലാം ഘട്ടം മുതൽ  പദ്ധതിയുമായി സഹകരിക്കുന്നുണ്ട്​. 
 പതിമൂന്നാം ഘട്ട കരാർ അടുത്ത രണ്ട്​ വർഷത്തിനുളളിൽ പ​ൂർത്തിയാക്കേണ്ടതുണ്ട്​. പുതിയ കരാർ കൂടി കണക്കാക്കു​േമ്പാൾ, കഹ്റമക്കു വേണ്ടി സീമൻസ്​ ഏറ്റെടുക്കുന്ന പദ്ധതികൾ ഏകദേശം 2.5 ബില്യൻ യൂറോയുടെതാകും എന്നതും പ്രത്യേകതയാണ്​. 400, 220, 132, 66, 11    കെവി വോൾട്ടേജ് ലെവവലിലുള്ള സബ്​സ്​റ്റേഷനുകളായിരിക്കും സീമൻസ്​ കമ്പനി നിർമ്മിക്കുക. ദോഹയിൽ ഇപ്പോഴുള്ള മൾട്ടിപ്പിൾ വോൾട്ടേജ് സെറ്റിംഗ്സ്​ സൗകര്യമുള്ള സൂപ്പർ സബ്സ്റ്റേഷൻ 400 കെവി/220 കെവി ഗ്യൂസ്​ ഇൻസുലേറ്റഡ് സ്വിച്ച്ഗിയർ സബ്​സ്​റ്റേഷനായി വികസിപ്പിക്കുന്നതടക്കമുള്ള പദ്ധതികളാണ്​ രൂപകൽപ്പന ചെയ്​തിരിക്കുന്നത്​. 
ഖത്തറിൽ 2005ൽ ആരംഭിച്ച വൈദ്യുതി വികസന പദ്ധതികളിൽ, 120ലധികം സബ് സ്​റ്റേഷനുകളും 1500 കിലോമീറ്റർ ഹൈ വോൾട്ടേജ് കേബിളുകളും രാജ്യത്ത് കമ്പനി യാഥാർത്ഥ്യമാക്കിയിട്ടുണ്ടെന്ന്​ സീമൻസ്​ എനർജി മാനേജ്മെൻ്റ് ഡിവിഷൻ സി ഇ ഒ റാഫ് ക്രിസ്​റ്റ്യൻ പറഞ്ഞു. 
വിദ്യാലയങ്ങൾ, ആതുരാലയങ്ങൾ,  വ്യവസായ പദ്ധതികൾ, പാർപ്പിട സമുച്ചയങ്ങൾ എന്നിവിടങ്ങളിലേക്ക് വൈദ്യുതി വിതരണം ചെയ്യുന്നതിനുള്ള സബ്​സ്​റ്റേഷനുകളും പദ്ധതിയുടെ അനുബന്​ധമായുണ്ട്​. പതിമൂന്നാം ഘട്ട വൈദ്യുതി വിതരണ പദ്ധതിക്കു പുറമേ 2,170 മീഡിയം വോൾട്ടേജ് സ്വിച്ച്ഗിയർ ബോർഡുകൾ സ്​ഥാപിക്കുന്നതിനുള്ള   മറ്റൊരു കരാറും കഹ്റമയിൽനിന്നും തങ്ങൾക്ക്​  ലഭിച്ചതായി സീമൻസ്​ കമ്പനി  അറിയിച്ചിട്ടുണ്ട്​.