ഇൻഡസ്​ട്രിയൽ ഏരിയയിലെ മൂന്ന് സ്​ട്രീറ്റുകൾ തുറന്നു

ദോഹ: കോവിഡ്–19 ഭീതിയിൽ പൂർണമായും അടച്ചുപൂട്ടിയ ഇൻഡസ്​ട്രിയൽ ഏരിയയിലെ സ്​ട്രീറ്റ് 1, 2, വകാലത് സ്​ട്രീറ്റ് എന് നിവ അധികൃതർ തുറന്നു കൊടുത്തു. 35 ദിവസങ്ങൾക്ക് ശേഷമാണ് ഭാഗികമായെങ്കിലും ഇൻഡസ്​ ട്രിയൽ ഏരിയയിൽ സ്​ട്രീറ്റുകൾ തു റന്നു കൊടുത്തത്. നൂറുകണക്കിന് പ്രവാസികളിൽ കോവിഡ്–19 സ്​ഥികരീകരിക്കപ്പെട്ടതിനെ തുടർന്ന് കഴിഞ്ഞ മാസമാണ് താമസക്കാരുടെയും തൊഴിലാളികളുടെയും സുരക്ഷ ഉറപ്പാക്കുന്നതിന് ഇൻഡസ്​ട്രിയൽ ഏരിയയിലെ വടക്ക് ഭാഗത്തെ സ്​ട്രീറ്റ് 1 മുതൽ തെക്ക് ഭാഗത്തെ സ്​ട്രീറ്റ് 32 വരെ അധികൃതർ അടച്ചുപൂട്ടിയത്. സ്​ഥിതിഗതികൾ വിലയിരുത്തിയതിന് ശേഷം അധികൃതരുമായി കൂടിയാലോചിച്ച് ഘട്ടം ഘട്ടമായി ഏരിയ തുറക്കുമെന്ന് ദുരന്തനിവാരണ ഉന്നതാധികാര സമിതി വക്താവ് ലുൽവ അൽ ഖാതിർ നേരത്തെ പ്രഖ്യാപിച്ചിരുന്നു.

അതിന് പിന്നാലെയാണ് സ്​ട്രീറ്റ് 1, 2, വകാലത് സ്​ട്രീറ്റ് എന്നിവ തുറന്നുകൊടുത്തിരിക്കുന്നത്. ഇവിടെയുള്ള സുരക്ഷാ ബാരിക്കേഡുകൾ നീക്കിയതോടെ ഗതാഗതം പുനസ്​ഥാപിക്കപ്പെടുകയും കമ്പനികളും ഷോപ്പുകളും തുറന്നുപ്രവർത്തനമാരംഭിക്കുകയും ചെയ്തു.അതേസമയം, ഇൻഡസ്​ട്രിയൽ ഏരിയ പൂർണമായും തുറന്നുകൊടുക്കുന്നത് വരെ ആഭ്യന്തര മന്ത്രാലയം, പൊതുജനാരോഗ്യ മന്ത്രാലയം, തൊഴിൽ മന്ത്രാലയം എന്നിവയുടെ നിരീക്ഷണം തുടരുമെന്ന് അധികൃതർ വ്യക്തമാക്കി.നേരത്തെ, സ്​ട്രീറ്റുകൾ തുറക്കുന്നതിന് മുമ്പ് വിവിധ ഏജൻസികളുമായി ചേർന്ന് മുനിസിപ്പാലിറ്റി പരിസ്​ഥിതി മന്ത്രാലയം മേഖലയിൽ അണുനശീകരണ, ശുചീകരണ പ്രവർത്തനങ്ങൾ നടത്തിയിരുന്നു.