റ​മ​ദാ​നി​​ലെ രാ​ത്രി​ക​ളി​ൽ കാ​യി​കാ​വേ​ശ​മാ​യി സ്​​പോ​ർ​ട്സ് ഫെ​സ്റ്റ്

ദോ​ഹ: വ്ര​ത​വും പ്രാ​ർ​ഥ​ന​ക​ളു​മാ​യി ക​ഴി​യു​ന്ന റ​മ​ദാ​നി​ൽ ആ​രോ​ഗ്യ​ക​ര​മാ​യ ജീ​വി​ത​ശൈ​ലി​യും ബോ​ധ്യ​പ്പെ​ടു​ത്തി ആ​സ്പ​യ​റി​ൽ കാ​യി​ക​മേ​ള. ​വൈ​കീ​ട്ട് നോ​മ്പും തു​റ​ന്ന്, പ്രാ​ർ​ഥ​ന​ക​ളും ക​ഴി​ഞ്ഞ് വി​ശ്വാ​സി​ക​ൾ​ക്കും കാ​യി​ക​പ്രേ​മി​ക​ൾ​ക്കു​മെ​ല്ലാം ആ​സ്വ​ദി​ക്കാ​നും പ​​ങ്കെ​ടു​ക്കാ​നു​മു​ള്ള അ​വ​സ​ര​മാ​യി പ​ത്താ​മ​ത് ആ​സ്പ​യ​ർ റ​മ​ദാ​ൻ കാ​യി​ക​മേ​ള​ക്ക് തു​ട​ക്കം​കു​റി​ച്ചു. ആ​സ്പ​യ​ർ സോ​ൺ ഫൗ​ണ്ടേ​ഷ​നി​ൽ ചൊ​വ്വാ​ഴ്ച ആ​രം​ഭി​ച്ച കാ​യി​ക​മേ​ള 12 ദി​വ​സം നീ​ണ്ടു​നി​ൽ​ക്കും. മാ​ർ​ച്ച് 28ന് ​ആ​രം​ഭി​ച്ച് ഏ​പ്രി​ൽ എ​ട്ടു​വ​രെ നീ​ണ്ടു​നി​ൽ​ക്കു​ന്ന റ​മ​ദാ​ൻ കാ​യി​ക​മേ​ള, എ​ല്ലാ ദി​വ​സ​വും രാ​ത്രി ഒ​മ്പ​തു മു​ത​ൽ പു​ല​ർ​ച്ച 12 വ​രെ​യാ​ണ് ന​ട​ക്കു​ക. ആ​വേ​ശ​ക​ര​വും ആ​സ്വാ​ദ്യ​ക​ര​വു​മാ​യ എ​ട്ടു കാ​യി​ക ഇ​ന​ങ്ങ​ളി​ലാ​ണ് വി​ഭി​ന്ന വി​ഭാ​ഗ​ങ്ങ​ളി​ൽ​നി​ന്നു​ള്ള​വ​ർ മാ​റ്റു​ര​ക്കു​ന്ന മ​ത്സ​ര​ങ്ങ​ൾ അ​ര​ങ്ങേ​റു​ന്ന​ത്.

പു​രു​ഷ​ന്മാ​ർ, വ​നി​ത​ക​ൾ, ഭി​ന്ന​ശേ​ഷി​ക്കാ​ർ എ​ന്നി​ങ്ങ​നെ മൂ​ന്നു വി​ഭാ​ഗ​മാ​ക്കി​യാ​ണ് മ​ത്സ​ര​ങ്ങ​ൾ പു​രോ​ഗ​മി​ക്കു​ന്ന​ത്. ഫു​ട്‌​ബാ​ൾ, ബാ​സ്‌​ക​റ്റ്‌​ബാ​ൾ മ​ത്സ​ര​ങ്ങ​ൾ പു​രു​ഷ​ന്മാ​ർ​ക്കും വോ​ളി​ബാ​ൾ, ഫു​ട്‌​സാ​ൽ, ബാ​സ്‌​ക​റ്റ്‌​ബാ​ൾ, പാ​ഡ​ൽ എ​ന്നീ മ​ത്സ​ര​ങ്ങ​ൾ സ്ത്രീ​ക​ൾ​ക്കു​മാ​യി ന​ട​ത്തു​മ്പോ​ൾ ഖ​ത്ത​ർ പാ​രാ​ലി​മ്പി​ക്‌​സ് ക​മ്മി​റ്റി​യു​ടെ സ​ഹ​ക​ര​ണ​ത്തോ​ടെ ഭി​ന്ന​ശേ​ഷി​ക്കാ​ർ​ക്കാ​യി ടേ​ബ്ൾ ടെ​ന്നി​സ് മ​ത്സ​ര​മാ​ണ് ന​ട​ത്തു​ന്ന​ത്.

പു​രു​ഷ ഫു​ട്‌​ബാ​ൾ മ​ത്സ​ര​ങ്ങ​ൾ അ​ൽ ബെ​യ്ത് സ്റ്റേ​ഡി​യ​ത്തി​ലാ​ണ് സം​ഘ​ടി​പ്പി​ക്കു​ന്ന​ത്. ബാ​ക്കി മ​ത്സ​ര​ങ്ങ​ൾ​ക്കെ​ല്ലാം ആ​സ്പ​യ​ർ സോ​ൺ ത​ന്നെ​യാ​ണ് വേ​ദി​യാ​കു​ക. ആ​സ്പ​യ​ർ സോ​ൺ ഫൗ​ണ്ടേ​ഷ​ൻ അം​ഗ​മാ​യ അ​സ്പ​താ​ർ, റ​മ​ദാ​ൻ നോ​മ്പി​നെ​യും വ്യാ​യാ​മ​ത്തെ​യും​കു​റി​ച്ച ക്ലി​നി​ക്ക​ൽ മാ​ർ​ഗ​നി​ർ​ദേ​ശ​ങ്ങ​ൾ ത​ങ്ങ​ളു​ടെ വെ​ബ്‌​സൈ​റ്റി​ൽ ല​ഭ്യ​മാ​ക്കി​യി​ട്ടു​ണ്ട്. കാ​യി​ക​മേ​ഖ​ല​ക​ളി​ൽ ക​ഴി​വു​ള്ള വ്യ​ക്തി​ക​ളെ ക​ണ്ടെ​ത്തു​ന്ന​തി​നും ആ​സ്പ​യ​റി​ന്റെ സൗ​ക​ര്യ​ങ്ങ​ൾ​ക്കു​ള്ളി​ൽ കാ​യി​ക​പ്ര​വ​ർ​ത്ത​ന​ങ്ങ​ൾ​ക്ക് അ​നു​യോ​ജ്യ​മാ​യ അ​ന്ത​രീ​ക്ഷം സൃ​ഷ്ടി​ക്കു​ക​യും ചെ​യ്യു​ക​യാ​ണ് ആ​സ്പ​യ​ർ റ​മ​ദാ​ൻ ടൂ​ർ​ണ​മെ​ന്റു​ക​ളു​ടെ ല​ക്ഷ്യ​മെ​ന്ന് ഫൗ​ണ്ടേ​ഷ​ൻ ക​മ്യൂ​ണി​ക്കേ​ഷ​ൻ ആ​ൻ​ഡ് പ​ബ്ലി​ക് റി​ലേ​ഷ​ൻ​സ് വി​ഭാ​ഗം മേ​ധാ​വി നാ​സ​ർ അ​ബ്ദു​ല്ല അ​ൽ ഹാ​ജി​രി പ​റ​ഞ്ഞു.