Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightഅറിവും ആത്​മവിശ്വാസവും...

അറിവും ആത്​മവിശ്വാസവും മാറ്റുരച്ച 'സ്​പീക്ക്​ അപ്​ ഖത്തർ'

text_fields
bookmark_border
അറിവും ആത്​മവിശ്വാസവും മാറ്റുരച്ച സ്​പീക്ക്​ അപ്​ ഖത്തർ
cancel
camera_alt

ഗൾഫ്​ മാധ്യമം ‘സ്​പീക്ക്​ അപ്​ ഖത്തറിൽ’ പ​ങ്കെടുക്കുന്ന വിദ്യാർഥികൾ 

ദോഹ: അറിവും വാക്​ചാതുര്യവും ചടുലമായ അവതരണങ്ങളുമായി ഗൾഫ്​ മാധ്യമം സംഘടിപ്പിച്ച 'സ്​പീക്ക്​ അപ്പ്​ ഖത്തർ' പ്രസംഗ മത്സരത്തി‍െൻറ പ്രാഥമിക റൗണ്ട്​. ഇംഗ്ലീഷ്​, മലയാളം വിഭാഗങ്ങളിലായി ജൂനിയർ സീനിയർ തലത്തിൽനിന്ന്​ 60ഓളം വിദ്യാർഥികളാണ്​ 'സ്​പീക്ക്​ അപ്പ്​ ഖത്തറി‍െൻറ' ആദ്യ റൗണ്ടിൽ മാറ്റുരച്ചത്​. ​രാജ്യത്തെ വിവിധ സ്​കൂളുകളിൽനിന്നുള്ള വിദ്യാർഥികൾ പ​ങ്കെടുത്തു.

'സ്​പീക്ക്​ അപ്​ ഖത്തർ' മത്സരത്തി‍െൻറ ജഡ്​ജസ്

കണ്ടുശീലിച്ച പ്രസംഗ മത്സരങ്ങളുടെ രൂപഭാവങ്ങളൊന്നുമില്ലാതെ കോവിഡ്​ കാലം മാറ്റിപ്പണിത പുതു ശൈലികളിലായിരുന്നു മത്സരം. ഓൺലൈൻ പ്ലാറ്റ്​ഫോമായ സൂമിൽ മത്സരാർഥികൾ തങ്ങളുടെ സമയത്ത്​ ചേർന്നപ്പോൾ ജഡ്​ജിങ്​ പാനൽ മറ്റൊരിടത്തുനിന്നും മത്സരത്തി‍െൻറ വിധി നിർണയിച്ചു. ആറുമുതൽ എട്ട്​ വരെ ക്ലാസുകളിലുള്ളവർ സ്​ട്രീം ഒന്ന്​ വിഭാഗത്തിലും ഒമ്പത്​ മുതൽ 12 വരെ ക്ലാസുകളിലുള്ളവർ സ്​ട്രീം രണ്ട്​ വിഭാഗത്തിലുമാണ് മത്സരിച്ചത്​. രാവിലെ മലയാള വിഭാഗവും ഉച്ചകഴിഞ്ഞ്​ ഇംഗ്ലീഷ്​ വിഭാഗത്തിലുമായി മത്സരം നടന്നു.

മാതാപിതാക്കൾ, സമൂഹ മാധ്യമങ്ങൾ: സാധ്യതകളും വെല്ലുവിളികളും, എന്തുകൊണ്ട്​ ഞാൻ ഖത്തർ ഇഷ്​ടപ്പെടുന്നു, കോവിഡ്​ കാലത്ത്​ കുട്ടികൾ നേരിടുന്ന വെല്ലുവിളികൾ തുടങ്ങി വിവിധ വിഷയങ്ങളിലാണ്​ മത്സരം നടന്നത്​. ഫൈനൽ റൗണ്ടിലേക്ക്​ തിരഞ്ഞെടുക്കപ്പെട്ടവരെ പിന്നീട്​​ അറിയിക്കും. അഞ്ഞൂറോളം അപേക്ഷകളിൽനിന്നാണ്​ പ്രാഥമിക റൗണ്ടിലേക്ക്​ 60 പേരെ തിരഞ്ഞെടുത്തത്​. ഇവരാണ്​ വെള്ളിയാഴ്​ച നടന്ന മത്സരത്തിൽ പ​ങ്കെടുത്തത്​.

വിധികർത്താക്കൾ പറയുന്നു

'മത്സരത്തിൽ പ​ങ്കെടുത്തവരെല്ലാം മികച്ച നിലവാരം പുലർത്തി. ഓരോ മത്സരാർഥിയും തങ്ങളുടെ വിഷയത്തെ ചുരുങ്ങിയ സമയത്തിനുള്ളിൽ ഗഹനമായി തന്നെ അവതരിപ്പിച്ചപ്പോൾ വിധികർത്താവ്​ എന്ന നിലയിൽ ഏറ്റവും മികച്ചവരെ തിരഞ്ഞെടുക്കൽ ബുദ്ധിമുട്ടായിരുന്നു.

അനിൽ പ്രകാശ്​ ​(ടോസ്​റ്റ്​ മാസ്​റ്റേഴ്​സ്​ ഇൻറർനാഷനൽ മുൻ ഏരിയ ഡയറക്​ടർ)

മുൻനിരയിലെത്തുന്ന ഏതാനും പേർ മാത്രമാണ്​ ഫൈനൽ റൗണ്ടിലേക്ക്​ തിരഞ്ഞെടുക്കപ്പെടുകയുള്ളൂ എങ്കിലും, പ്രാഥമിക റൗണ്ടിൽ എല്ലാവരും നന്നായി തന്നെ പ​ങ്കെടുത്തു. എല്ലാവർക്കും നല്ല ഭാവി ആശംസിക്കുന്നു. പുതുതലമുറക്ക്​ നല്ലൊരു അവസരമൊരുക്കിയ 'ഗൾഫ്​ മാധ്യമത്തിനും' അഭിനന്ദനങ്ങൾ'


'നല്ല ആത്​മവിശ്വാസവും ധൈര്യവുമുള്ളവരാണ്​ പുതു തലമുറ. അവതരണത്തിലും അവർ മിടുക്കരാണ്​. 'സ്​പീക്ക്​ അപ്​ ഖത്തർ' മത്സരവും വിദ്യാർഥികളുടെ പങ്കാളിത്തവും ശ്രദ്ധേയമായിരുന്നു.വിഷയാധിഷ്​ഠിതമായി തന്നെ കുട്ടികൾ മത്സരത്തെ സമീപിച്ചപ്പോൾ വിധിനിർണയവും വിഷമകരമായി.

എ.പി. മുഹമ്മദ്​ അഫ്​സൽ (മാധ്യമ പ്രവർത്തകൻ)

ഹോംവർക്ക്​ ചെയ്​തുതന്നെയാണ്​ ഏറെ പേരും മത്സരത്തിൽ പ​ങ്കെടുത്തത്​. ഇത്തരം മത്സരങ്ങൾ പുതുതലമുറക്ക്​ പ്രചോദനവും പ്രോത്സാഹനവുമായി മാറും. എല്ലാവർക്കും വിജയാശംസകൾ'


'ഭാവിതലമുറയിലെ പ്രഭാഷകരുടെ മത്സരം വിലയിരുത്താനായത്​ നല്ലൊരു അനുഭവമായിരുന്നു.മത്സരത്തിന്​ തിരഞ്ഞെടുത്ത വിഷയങ്ങൾ കാലികപ്രധാന്യമുള്ളവയായിരുന്നു. പ്രതീക്ഷകൾക്കപ്പുറത്തെ പ്രകടനവുമായി വിദ്യാർഥികളും ഞെട്ടിച്ചു.


ജസീം മുഹമ്മദ്​ (ബിസിനസ്​ ഡെവലപ്​മെൻറ്​ മാനേജർ, സീമൻസ്​ എനർജി)

ആത്​ മവിശ്വാസത്തോടെയാണ്​ ഓരോരുത്തരും വേദിയിലെത്തിയത്​. ഭാഷാശേഷിയും നിലവാരം പുലർത്തി. ജൂനിയർ വിഭാഗം വിദ്യാർഥികളുടെ പ്രകടനവും ​ശ്രദ്ധേയമായിരുന്നു. ​പ​ങ്കെടുത്തവർക്കെല്ലാം അഭിനന്ദനങ്ങൾ'

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:confidenceSpeak up Qatar
News Summary - 'Speak up Qatar' with knowledge and confidence
Next Story