സൗ​ദി-​ഖ​ത്ത​ർ: അ​തി​ർ​ത്തി​ക​ൾ തു​റ​ന്ന​ത്​ ഹൃ​ദ​യ​ങ്ങ​ളി​ലേ​ക്ക്​

ദോ​ഹ: നാ​ലു​ വ​ർ​ഷ​മാ​യി തു​ട​രു​ന്ന ഖ​ത്ത​ർ ഉ​പ​രോ​ധ​ത്തി​ന്​ അ​റു​തി​യാ​യി ഖ​ത്ത​റി​െൻറ​യും സൗ​ദി​യു​ടെ​യും അ​തി​ർ​ത്തി​ക​ൾ തു​റ​ന്ന​ത്​ ഹൃ​ദ​യ​ങ്ങ​ളി​ലേ​ക്കു കൂ​ടി​യാ​ണ്. ഇ​രു​രാ​ജ്യ​ങ്ങ​ളു​ടെ​യും ഏ​ക ക​ര അ​തി​ർ​ത്തി​യാ​യ അ​ബൂ​സം​റ ആ​ണ്​ ചൊ​വ്വാ​ഴ്​​ച ദോ​ഹ സ​മ​യം രാ​ത്രി 10​ മ​ണി​യോ​ടെ തു​റ​ന്നി​രി​ക്കു​ന്ന​ത്. വി​വി​ധ ഗ​ൾ​ഫ്​ രാ​ജ്യ​ങ്ങ​ളി​ലാ​യി പ​ര​ന്നു​കി​ട​ക്കു​ന്ന കു​ടും​ബ ബ​ന്ധ​ങ്ങ​ൾ ഉ​പ​രോ​ധം​മൂ​ലം മു​റി​ഞ്ഞ​ത്​ ഏ​റെ വേ​ദ​ന​ാജ​ന​ക​മാ​യി​രു​ന്നു.

കു​ടും​ബ​ബ​ന്ധ​ങ്ങ​ൾ​ക്ക്​ ഏ​റെ വി​ല​മ​തി​ക്കു​ന്ന അ​റ​ബ്​ സ​മൂ​ഹ​ത്തി​ന്​ ബ​ന്ധ​ങ്ങ​ൾ പ​ഴ​യ​പ​ടി ആ​വു​ക​കൂ​ടി​യാ​ണ്​ ഉ​പ​രോ​ധം പി​ൻ​വ​ലി​ക്ക​പ്പെ​ട്ട​തി​ലൂ​ടെ സാ​ധ്യ​മാ​കു​ന്ന​ത്. ക​ര, വ്യോ​മ, ജ​ല​പാ​ത​ക​ൾ തു​റ​ന്നു​കൊ​ടു​ക്കാ​നാ​ണ്​ സൗ​ദി​യി​ലെ അ​ൽ​ഉ​ല​യി​ൽ ന​ട​ന്ന ജി.​സി.​സി ഉ​ച്ച​കോ​ടി​യി​ൽ അ​ന്തി​മ തീ​രു​മാ​ന​മാ​യി​രി​ക്കു​ന്ന​ത്. ഐ​ക്യ​ദാ​ര്‍ഢ്യ​വും സ്​​ഥി​ര​ത​യു​മു​ള്ള ക​രാ​റാ​ണ്​ ഗ​ൾ​ഫ്​ നേ​താ​ക്ക​ൾ ഒ​പ്പി​ട്ടി​രി​ക്കു​ന്ന​തെ​ന്നാ​ണ്​ സൗ​ദി കി​രീ​ടാ​വ​കാ​ശി ശൈ​ഖ്​ മു​ഹ​മ്മ​ദ്​ ബി​ൻ സ​ൽ​മാ​ൻ പ​റ​ഞ്ഞി​രി​ക്കു​ന്ന​ത്. ദോ​ഹ​യി​ൽ​നി​ന്ന്​ 95 കി​ലോ​മീ​റ്റ​ർ അ​ക​ല​ത്തി​ലാ​ണ്​ അ​ബൂ​സം​റ അ​തി​ർ​ത്തി​യു​ള്ള​ത്. 2017 ജൂ​ൺ അ​ഞ്ചി​നാ​ണ്​​ സൗ​ദി, യു.​എ.​ഇ, ബ​ഹ്​​റൈ​ൻ, ഈ​ജി​പ്​​ത്​ രാ​ജ്യ​ങ്ങ​ൾ ഖ​ത്ത​റി​നെ​തി​രെ ഉ​പ​രോ​ധം പ്ര​ഖ്യാ​പി​ക്കു​ന്ന​ത്. ഇ​തി​ന്​ തൊ​ട്ടു​മു​മ്പു​വ​രെ ഇൗ ​അ​തി​ർ​ത്തി​യി​ലൂ​ടെ​യാ​ണ്​ മ​റ്റു രാ​ജ്യ​ങ്ങ​ളി​ൽ​നി​ന്ന്​ അ​വ​ശ്യ​വ​സ്​​തു​ക്ക​ൾ ഖ​ത്ത​റി​ലേ​ക്ക്​ എ​ത്തി​യി​രു​ന്ന​ത്.

ആ​യി​ര​ക്ക​ണ​ക്കി​ന്​ ആ​ളു​ക​ൾ ദി​നേ​ന സൗ​ദി​യി​ലേ​ക്കും മ​റ്റ്​ ഗ​ൾ​ഫ്​ രാ​ജ്യ​ങ്ങ​ളി​ലേ​ക്കും ഇ​തു​വ​ഴി പോ​യി​രു​ന്നു. വി​വി​ധ ഗ​ൾ​ഫ്​ രാ​ജ്യ​ങ്ങ​ളി​ലെ പൗ​ര​ന്മാ​ർ അ​വ​ധി ദി​ന​ങ്ങ​ളി​ൽ കു​ടും​ബാം​ഗ​ങ്ങ​ളെ സ​ന്ദ​ർ​ശി​ക്കാ​നും മ​റ്റും ഉ​പ​യോ​ഗി​ച്ച പാ​ത​കൂ​ടി​യാ​ണി​ത്. ഉ​പ​രോ​ധം വ​ന്ന​യു​ട​ൻ ഈ ​അ​തി​ർ​ത്തി അ​ട​ച്ച​തോ​ടെ ദൈ​നം​ദി​ന ജീ​വി​തം​ത​ന്നെ പ്ര​തി​സ​ന്ധി​യി​ലാ​കു​ക​യാ​യി​രു​ന്നു. ഇ​റാ​​െൻറ​യും തു​ർ​ക്കി​യു​ടെ​യും സ​ഹാ​യ​ത്തോ​ടെ ആ​കാ​ശ​മാ​ർ​ഗ​മാ​ണ്​ പി​ന്നീ​ട്​ ഖ​ത്ത​റി​ലേ​ക്ക്​ അ​വ​ശ്യ​വ​സ്​​തു​ക്ക​ൾ എ​ത്തി​യി​രു​ന്ന​ത്.

സൗ​ദി എം​ബ​സി അ​ട​ക്കം അ​ട​ച്ചു​പൂ​ട്ടി​യ​തോ​ടെ നാ​ലു വ​ർ​ഷ​മാ​യി ഖ​ത്ത​റി​ലു​ള്ള​വ​ർ​ക്ക്​ ഹ​ജ്ജ്, ഉം​റ തീ​ർ​ഥാ​ട​ന​വും ത​ട​സ്സ​പ്പെ​ട്ടി​രു​ന്നു. അ​ബൂ​സം​റ അ​തി​ർ​ത്തി​യി​ലെ എ​മി​ഗ്രേ​ഷ​ൻ ഓ​ഫി​സു​ക​ള​ട​ക്ക​മു​ള്ള​വ തു​റ​ക്കു​ന്ന​തോ​ടെ ച​ര​ക്കു​നീ​ക്ക​മ​ട​ക്കം പ​ഴ​യ​പ​ടി​യാ​കും. സാ​മ്പ​ത്തി​ക മേ​ഖ​ല​യി​ല​ട​ക്കം ഉ​പ​രോ​ധം തീ​ർ​ത്ത പ്ര​തി​സ​ന്ധി​ക​ൾ​ക്കു​കൂ​ടി​യാ​ണ്​ പ​രി​ഹാ​ര​മാ​കു​ന്ന​ത്. 2022ൽ ​ഖ​ത്ത​റി​ൽ ന​ട​ക്കു​ന്ന ഫി​ഫ ലോ​ക​ക​പ്പ്​ നേ​രി​ട്ട്​ കാ​ണാ​ൻ​ ഗ​ൾ​ഫി​ലെ ഫു​ട്​​ബാ​ൾ ആ​രാ​ധ​ക​ർ​ക്ക്​ കൂ​ടു​ത​ൽ സൗ​ക​ര്യ​വു​മാ​ണ്​ തു​റ​ന്നു​കി​ട്ടു​ന്ന​ത്.