പു​ക​വ​ലി നി​യ​ന്ത്ര​ണം; അ​റ​ബ്നാ​ട്ടി​ൽ ഖ​ത്ത​ർ ബെ​സ്റ്റാ​ണ്

ദോ​ഹ: പു​ക​വ​ലി​ച്ചു​ത​ള്ളു​ന്ന കാ​ര്യ​ത്തി​ൽ അ​റ​ബ് രാ​ജ്യ​ങ്ങ​ളി​ൽ ഖ​ത്ത​ർ മ​റ്റു​ള്ള​വ​രേ​ക്കാ​ൾ പി​ന്നി​ലെ​ന്ന് റി​പ്പോ​ർ​ട്ട്. ലോ​കം അ​ന്താ​രാ​ഷ്ട്ര പു​ക​വ​ലി​വി​രു​ദ്ധ ദി​നം ആ​ച​രി​ക്കു​ന്ന വേ​ള​യി​ൽ ഫി​ച്ച് സൊ​ലൂ​ഷ​ൻ​സ് പു​റ​ത്തു​വി​ട്ട റി​പ്പോ​ർ​ട്ടു​പ്ര​കാ​രം ഓ​രോ വ​ർ​ഷ​വും മ​റ്റ് അ​റ​ബ് രാ​ജ്യ​ങ്ങ​ൾ പു​ക​വ​ലി​ക്കാ​യി ചെ​ല​വ​ഴി​ക്കു​ന്ന​ത് ഖ​ത്ത​റി​നേ​ക്കാ​ൾ വ​ലി​യ തു​ക​ക​ൾ.

ജോ​ർ​ഡ​ൻ പ്ര​തി​വ​ർ​ഷം 120.5 ദ​ശ​ല​ക്ഷം ഡോ​ള​റാ​ണ് പു​ക​യി​ല ഉ​ൽ​പ​ന്ന​ങ്ങ​ൾ​ക്കാ​യി ചെ​ല​വ​ഴി​ക്കു​ന്ന​ത്. ഈ​ജി​പ്ത് 86.7 ദ​ശ​ല​ക്ഷം ഡോ​ള​റും സൗ​ദി 68.1 ദ​ശ​ല​ക്ഷം ഡോ​ള​റും യു.​എ.​ഇ 43 ദ​ശ​ല​ക്ഷം ഡോ​ള​റും ചെ​ല​വ​ഴി​ക്കു​ന്നു. കു​വൈ​ത്തി​ൽ ഇ​ത് 31.3 ദ​ശ​ല​ക്ഷം ഡോ​ള​റാ​ണ് പു​ക​വ​ലി​ക്കാ​യി ത​ള്ളു​ന്ന​ത്. എ​ന്നാ​ൽ, പ​ട്ടി​ക​യി​ൽ ഏ​റെ പി​ന്നി​ലു​ള്ള ഖ​ത്ത​റി​ൽ 22.6 ദ​ശ​ല​ക്ഷം ഡോ​ള​റാ​ണെ​ന്ന് ക​ണ​ക്കു​ക​ൾ പ​റ​യു​ന്നു.

പു​ക​വ​ലി നി​യ​ന്ത്ര​ണ​ത്തി​നാ​യി നി​ര​വ​ധി ന​ട​പ​ടി​ക​ൾ സ്വീ​ക​രി​ക്കു​ന്ന രാ​ജ്യം എ​ന്ന നി​ല​യി​ൽ ഖ​ത്ത​റി​ന് അ​ഭി​മാ​നം ന​ൽ​കു​ന്ന​താ​ണ് ‘ഫി​ച്ച് സൊ​ലൂ​ഷ​ൻ​സി​​ന്റെ’ റി​പ്പോ​ർ​ട്ട്. ലോ​ക​ക​പ്പ് വേ​ള​യി​ൽ ക​ളി​യി​ട​വും ഫാ​ൻ​സോ​ണും പു​ക​വ​ലി​ര​ഹി​ത​മാ​ക്കി മാ​റ്റാ​നു​ള്ള ഖ​ത്ത​റി​ന്റെ പ​ദ്ധ​തി​ക​ൾ​ക്ക് അ​ന്താ​രാ​ഷ്ട്ര അം​ഗീ​കാ​രം ല​ഭി​ച്ചി​രു​ന്നു.

പു​ക​യി​ല ഉ​ൽ​പ​ന്ന​ങ്ങ​ളു​ടെ നി​ർ​മാ​ണ​ത്തി​നോ ഉ​ൽ​പാ​ദ​ന​ത്തി​നോ ഒ​രു​ത​ര​ത്തി​ലും പ്രോ​ത്സാ​ഹ​നം ന​ൽ​കാ​ത്ത രാ​ജ്യം​കൂ​ടി​യാ​ണ് ഖ​ത്ത​ർ. ഇ​ക്കാ​ര്യം, ക​ഴി​ഞ്ഞ ദി​വ​സം ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ പു​ക​വ​ലി നി​യ​ന്ത്ര​ണ കേ​ന്ദ്രം ഡ​യ​റ​ക്ട​ർ ഡോ. ​അ​ഹ​മ്മ​ദ് അ​ൽ മു​ല്ല​യും വ്യ​ക്ത​മാ​ക്കി. പു​ക​വ​ലി ഒ​ഴി​വാ​ക്കാ​ൻ പ്ര​ത്യേ​ക ക്ലി​നി​ക്കു​ക​ൾ സ​ജീ​വ​മാ​ക്കു​ക​യും, അ​ന്താ​രാ​ഷ്ട്ര ക​രാ​റു​ക​ളി​ൽ ഇ​തി​ന് പ്രോ​ത്സാ​ഹ​നം ന​ൽ​കാ​നും ഖ​ത്ത​ർ പ​രി​ശ്ര​മി​ക്കു​ന്നു​ണ്ട്.

ക​ഴി​ഞ്ഞ വ​ർ​ഷ​മാ​യി​രു​ന്നു ഡി​ജി​റ്റ​ൽ ടാ​ക്സ് സ്റ്റാ​മ്പി​ല്ലാ​ത്ത പു​ക​യി​ല ഉ​ൽ​പ​ന്ന​ങ്ങ​ൾ ഷോ​പ്പു​ക​ളി​ൽ വി​ൽ​ക്ക​രു​തെ​ന്ന് ജ​ന​റ​ൽ ടാ​ക്സ് അ​തോ​റി​റ്റി ഉ​ത്ത​ര​വി​റ​ക്കി​യ​ത്. 2019ലെ ​പൊ​തു ബ​ജ​റ്റി​ൽ ആ​രോ​ഗ്യ​ത്തി​ന് ഹാ​നി​ക​ര​മാ​യ ഉ​ൽ​പ​ന്നം എ​ന്ന നി​ല​യി​ൽ സെ​ല​ക്ടീ​വ് ടാ​ക്സും പു​ക​യി​ല ഉ​ൽ​പ​ന്ന​ങ്ങ​ൾ​ക്ക് ചു​മ​ത്തി​യി​രു​ന്നു. 100 ശ​ത​മാ​ന​മാ​ണ് പു​ക​യി​ല ഉ​ൽ​പ​ന്ന​ങ്ങ​ൾ​ക്കു​ള്ള ടാ​ക്സ് ചു​മ​ത്തി​യ​ത്.