സ്കിൽസ് ഡവലപ്മെൻറ് സെൻറർ നവരാത്രി ആഘോഷം
text_fieldsദോഹ: സ്കിൽസ് ഡെവലപ്മെൻറ് സെൻറർ നവരാത്രി ആഘോഷങ്ങളുടെ ഭാഗമായി വിവിധ പരിപാടികൾ സംഘടിപ്പിച്ചു. വെള്ളിയാഴ്ച രാവിലെ നടന്ന എഴുത്തിനിരുത്തൽ ചടങ്ങിൽ നിരവധി കുഞ്ഞുങ്ങൾ ആദ്യാക്ഷരം കുറിച്ചു. സംസ്കൃത പണ്ഡിതനായ നന്ദു കെൽക്കെർ, അധ്യാപകനായ രാധാകൃഷ്ണൻ എന്നിവർ വിദ്യാരംഭത്തിന് നേതൃത്വം കൊടുത്തു. വൈകുന്നേരം ആറ് മുതൽ നടന്ന നവരാത്രി ഡാൻസ് ആൻറ് മ്യൂസിക് ഫെസ്റ്റിവലിൽ വിദ്യാർഥികളും അധ്യാപകരും ചേർന്ന് നൃത്തം, സംഗീതം, തബല, വയലിൻ തുടങ്ങിയവ അവതരിപ്പിച്ചു. വയലിനിസ്റ്റ് ബാലഭാസ്കറെ അനുസ്മരിച്ച് ആരംഭിച്ച പരിപാടിയിൽ ഇന്ത്യൻ എംബസി അപ്പെക്സ് ബോഡി ഐ. ബി.പി.എൻ പ്രസിഡൻറ് കെ.എം. വർഗീസ് മുഖ്യാതിഥി ആയിരുന്നു. നോർക്ക ഡയറക്ടർ ബോർഡ് അംഗം കെ.കെ. ശങ്കരൻ, എസ്.ഡി.സി മാനേജിങ് ഡയറക്ടർ പി.എൻ ബാബുരാജൻ, രമ ബാബുരാജൻ, ഡയറക്ടർ പി. വിജയകുമാർ തുടങ്ങിയവർ സംബന്ധിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.