ആറു കിലോ കഞ്ചാവ്​ പിടികൂടി

ദോഹ: ഇടവേളക്കു ശേഷം ലഹരിമരുന്ന്​ വേട്ടയുമായി ഖത്തർ ക്​സ്​റ്റംസ്​. കഴിഞ്ഞ ദിവസം, വാഹന സ്​പെയർ പാർട്​സിനുള്ളിൽ ഒളിപ്പിച്ചു കടത്തിയ 6.88 കിലോ വരുന്ന കഞ്ചാവാണ്​ പിടികൂടിയത്​.

ആഫ്രിക്കൻ രാജ്യത്തുനിന്നെത്തിയ കാർഗോയിലായിരുന്നു ഇത്രയും ഭാരം വരുന്ന കഞ്ചാവ്​ കടത്താൻ ശ്രമിച്ചത്​. ലഹരിമരുന്നുകൾ കടത്ത്​ കേസുകൾക്ക്​ കനത്ത ശിക്ഷ നിലനിൽക്കെയാണ്​ സർക്കാർ മുന്നറിയിപ്പുകൾ അവഗണിച്ചുകൊണ്ടുള്ള ഇത്തരം നടപടികൾ റിപ്പോർട്ട്​ ചെയ്യുന്നത്​.വ്യോമ-കടൽ മാർഗമുള്ള ലഹരിക്കടത്തു തടയാൻ വൻ സുരക്ഷ വിന്യാസങ്ങളാണ്​ എയർ-തുറമുഖ കസ്​റ്റംസിനുള്ളത്​.