തു​റ​മു​ഖ ച​ര​ക്കു​നീ​ക്ക​ത്തി​ൽ ഗ​ണ്യ​മാ​യ വ​ർ​ധ​ന

ദോ​ഹ: ക​ഴി​ഞ്ഞ മാ​സ​ത്തി​ൽ ഖ​ത്ത​റി​ലെ തു​റ​മു​ഖ​ങ്ങ​ൾ വ​ഴി​യു​ള്ള ച​ര​ക്കു​നീ​ക്ക​ത്തി​ൽ ഗ​ണ്യ​മാ​യ വ​ർ​ധ​ന രേ​ഖ​പ്പെ​ടു​ത്തി. മു​ൻ വ​ർ​ഷ​ത്തെ ക​ണ​ക്കു​ക​ളെ അ​പേ​ക്ഷി​ച്ച് 22 ശ​ത​മാ​നം വ​ർ​ധ​ന​വാ​ണ് ച​ര​ക്ക് നീ​ക്ക​ത്തി​ലു​ണ്ടാ​യി​രി​ക്കു​ന്ന​ത്.മാ​ർ​ച്ച് മാ​സ​ത്തി​ൽ മാ​ത്രം 137,737 ടി.​ഇ.​യു ക​ണ്ടെ​യ്ന​റു​ക​ളാ​ണ് ഹ​മ​ദ് തു​റ​മു​ഖം, റു​വൈ​സ്​ തു​റ​മു​ഖം, ദോ​ഹ തു​റ​മു​ഖം എ​ന്നി​വി​ട​ങ്ങ​ളി​ലെ​ത്തി​യ​ത്.ഇ​തി​ൽ 134320 ട​ൺ ജ​ന​റ​ൽ കാ​ർ​ഗോ, 25638 കാ​ലി​ക​ൾ, 48924 ട​ൺ കെ​ട്ടി​ട നി​ർ​മാ​ണ സാ​ധ​ന​ങ്ങ​ൾ, 6669 യൂ​നി​റ്റ് വാ​ഹ​ന​ങ്ങ​ൾ എ​ന്നി​വ ഉ​ൾ​പ്പെ​ടു​മെ​ന്നും 250 ക​പ്പ​ലു​ക​ളാ​ണ് തു​റ​മു​ഖ​ങ്ങ​ളി​ൽ ന​ങ്കൂ​ര​മി​ട്ട​തെ​ന്നും മ​വാ​നി ഖ​ത്ത​ർ അ​റി​യി​ച്ചു.

ജ​ന​റ​ൽ കാ​ർ​ഗോ, കെ​ട്ടി​ട നി​ർ​മാ​ണ സാ​ധ​ന​ങ്ങ​ൾ തു​ട​ങ്ങി എ​ല്ലാ​വി​ധ ച​ര​ക്കു​ക​ളു​ടെ അ​ള​വി​ലും വ​ലി​യ വ​ർ​ധ​ന​വാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത്. ക​ഴി​ഞ്ഞ വ​ർ​ഷം മാ​ർ​ച്ചി​ൽ മൂ​ന്ന് തു​റ​മു​ഖ​ങ്ങ​ളി​ലു​മാ​യി 112730 ടി.​ഇ.​യു ക​ണ്ടെ​യ്ന​റു​ക​ളാ​ണ് എ​ത്തി​യി​രു​ന്ന​ത്. ആ​കെ 225 ച​ര​ക്ക് ക​പ്പ​ലു​ക​ളാ​ണ് ഇ​ക്കാ​ല​യ​ള​വി​ൽ ന​ങ്കൂ​ര​മി​ട്ട​ത്.

കോ​വി​ഡ്-19 ഉ​യ​ർ​ത്തി​യ വെ​ല്ലു​വി​ളി​ക​ൾ​ക്കി​ട​യി​ലും 2020ൽ ​ഹ​മ​ദ് തു​റ​മു​ഖം സ​ജീ​വ​മാ​യി​രു​ന്നു​വെ​ന്നും വ​ലി​യ പു​രോ​ഗ​തി​യാ​ണ് ച​ര​ക്ക് നീ​ക്ക​ങ്ങ​ളി​ലു​ണ്ടാ​യി​രി​ക്കു​ന്ന​തെ​ന്നും മ​വാ​നി ഖ​ത്ത​ർ വ്യ​ക്ത​മാ​ക്കി.അ​തേ​സ​മ​യം, ക​ഴി​ഞ്ഞ വ​ർ​ഷം ഹ​മ​ദ് തു​റ​മു​ഖ​ത്തെ​ത്തി​യ ക​പ്പ​ലു​ക​ളു​ടെ എ​ണ്ണ​ത്തി​ൽ വ​ലി​യ വ​ർ​ധ​ന​വു​ണ്ടാ​യ​താ​യി മ​വാ​നി ഖ​ത്ത​ർ ചൂ​ണ്ടി​ക്കാ​ട്ടി. 1600 ക​പ്പ​ലു​ക​ളി​ലാ​യി 1.4 ദ​ശ​ല​ക്ഷം ടി.​ഇ.​യു ക​ണ്ടെ​യ്ന​റു​ക​ളാ​ണ് തു​റ​മു​ഖ​ത്ത് ക​ഴി​ഞ്ഞ​വ​ർ​ഷം കൈ​കാ​ര്യം ചെ​യ്ത​ത്.

കോ​വി​ഡ്-19 ഉ​യ​ർ​ത്തു​ന്ന വെ​ല്ലു​വി​ളി​ക​ൾ​ക്കി​ട​യി​ലും ക​ഴി​ഞ്ഞ ആ​ഗ​സ്​​റ്റ് മാ​സ​ത്തി​ലും തു​റ​മു​ഖ​ങ്ങ​ളി​ലൂ​ടെ​യു​ള്ള ച​ര​ക്കു​നീ​ക്ക​ത്തി​ൽ വ​ർ​ധ​ന​വു​ണ്ടാ​യി​രു​ന്നു. അ​തി​ന്​ മു​മ്പു​ള്ള മു​ൻ മാ​സ​ത്തെ അ​പേ​ക്ഷി​ച്ച് ആ​ഗ​സ്​​റ്റി​ൽ തു​റ​മു​ഖ​ങ്ങ​ളി​ലൂ​ടെ​യു​ള്ള വാ​ഹ​ന​ങ്ങ​ളു​ടെ നീ​ക്ക​ത്തി​ൽ 18 ശ​ത​മാ​നം വ​ർ​ധ​ന​വാ​ണ്​ രേ​ഖ​പ്പെ​ടു​ത്തി​യി​രു​ന്ന​ത്. ആ​ഗ​സ്​​റ്റ് മാ​സ​ത്തി​ൽ 4091 വാ​ഹ​ന​ങ്ങ​ളാ​ണ് തു​റ​മു​ഖ​ങ്ങ​ളി​ൽ കൈ​കാ​ര്യം ചെ​യ്തി​രു​ന്ന​തെ​ങ്കി​ൽ ജൂ​ലൈ മാ​സ​ത്തി​ൽ ഇ​ത് 3496 വാ​ഹ​ന​ങ്ങ​ളാ​യി​രു​ന്നു.

2019 ആ​ഗ​സ്​​റ്റ് മാ​സ​ത്തെ അ​പേ​ക്ഷി​ച്ച് 2020 ആ​ഗ​സ്​​റ്റി​ൽ തു​റ​മു​ഖ​ങ്ങ​ളി​ലെ ക​ണ്ടെ​യ്ന​ർ നീ​ക്ക​ത്തി​ലും നാ​ലു ശ​ത​മാ​നം വ​ർ​ധ​ന രേ​ഖ​പ്പെ​ടു​ത്തി​യ​താ​യും മ​വാ​നി ഖ​ത്ത​ർ ട്വീ​റ്റ് ചെ​യ്തു.തു​റ​മു​ഖ​ങ്ങ​ളി​ൽ 113,795 ടി.​ഇ.​യു (ട്വ​ൻ​റി ഫൂ​ട്ട് ഇ​ക്വാ​ല​ൻ​റ് യൂ​നി​റ്റ്സ്)​ക​ണ്ടെ​യ്ന​റു​ക​ളാ​ണ് ആ ​മാ​സം കൈ​കാ​ര്യം ചെ​യ്യ​പ്പെ​ട്ട​ത്. ജ​ന​റ​ൽ കാ​ർ​ഗോ ഇ​ന​ത്തി​ൽ 51450 ട​ണ്ണും ബി​ൽ​ഡി​ങ്​ മെ​റ്റീ​രി​യ​ൽ വി​ഭാ​ഗ​ത്തി​ൽ 27833 ട​ണ്ണും ക​ഴി​ഞ്ഞ മാ​സം തു​റ​മു​ഖ​ങ്ങ​ളി​ലെ​ത്തി.ക​ഴി​ഞ്ഞ വ​ർ​ഷം ഡി​സം​ബ​റി​ൽ ഹ​മ​ദ് തു​റ​മു​ഖ​ത്തിെൻറ ക​ണ്ടെ​യ്ന​ർ ടെ​ർ​മി​ന​ൽ 2െൻ​റ പ്രാ​രം​ഭ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്കം​കു​റി​ച്ചി​രു​ന്നു. അ​ത്യാ​ധു​നി​ക പ​രി​സ്​​ഥി​തി സൗ​ഹൃ​ദ സാ​ങ്കേ​തി​ക​വി​ദ്യ​ക​ളാ​ണ് പു​തി​യ ടെ​ർ​മി​ന​ലി​ലും സ്​​ഥാ​പി​ച്ചി​രി​ക്കു​ന്ന​ത്.