വിമാനത്തിൽ ദേഹാസ്വാസ്ഥ്യം; യാത്രക്കാരനായ പൈലറ്റ് മരിച്ചു

ദോഹ: ന്യൂഡൽഹിയിൽ നിന്നും ദോഹയിലേക്ക് പറന്ന വിമാനത്തിലെ യാത്രക്കാരനായ പൈലറ്റ്​ അന്തരിച്ചു. ഇന്ത്യൻ വ്യോമയാന രംഗത്ത്​ ഏറെ വർഷത്തെ പരിചയ സമ്പത്തുള്ള പൈലറ്റാണ്​ ഖത്തർ എയർവേസ് വിമാനത്തിന്റെ ദില്ലി-ദോഹ യാത്രക്കിടെ ദു​ബായിൽ വെച്ച്​ മരണപ്പെട്ടത്​. ​

ഇദ്ദേഹത്തിൻെറ പേരു വിവരങ്ങൾ പുറത്തു വിട്ടിട്ടില്ല. ബുധരാഴ്​ച രാവിലെയായിരുന്നു സംഭവം. യാത്രക്കിടെ ദേഹാസ്വാസ്​ഥ്യമുണ്ടായതിനെ തുടർന്ന്​ വിമാനം ദുബൈയിൽ അടിയന്തിരമായി നിലത്തിറക്കുകയായിരുന്നു. എങ്കിലും ജീവൻ രക്ഷിക്കാൻ കഴിഞ്ഞില്ല.

സ്​പൈസ്​ ജെറ്റിൽ 17 വർഷത്തോളം സേവനം ചെയ്ത ഇദ്ദേഹമായിരുന്നു 2005 മേയ്​ 23ൻെറ​ ഡൽഹി-അഹമ്മദാബാദ്​ ഉദ്ഘാടന യാത്രയിലെ പൈലറ്റ്. പിന്നീട്​, അയലൻസ്​ എയർ,സഹാറ എന്നിവയിലും പ്രവർത്തിച്ച ശേഷം കഴിഞ്ഞ വർഷമാണ്​ ഖത്തർഎയർ വേസിൻെറ ഭാഗമായത്​.