ബാലവേലയുടെ അകക്കാഴ്​ചകൾ പറഞ്ഞ്​ 'ശൃംഗാർ' അജ്​യാൽ ചലചിത്രമേളയിൽ

ദോഹ: സൗന്ദര്യത്താൽ മുഖംമിനുക്കി അണിഞ്ഞൊരുങ്ങിപ്പോകു​േമ്പാൾ നമ്മൾ അറിയുന്നുണ്ടോ അതിന്​ പിന്നിലെ വിയർപ്പിൻെറ കദനകഥകൾ? സൗന്ദര്യവർധകവസ്​തുക്കളുടെ നിർമാണമേഖലയിൽ ഇന്ത്യയിൽ പണിയെടുക്കുന്നത്​ ആയിരക്കണക്കിന്​ കുട്ടികളാണ്​. ഇവരുടെ ദൈന്യതയുടെ പേടിപ്പെടുത്തുന്ന കഥ പറയുകയാണ്​​ മലപ്പുറം പെരിന്തൽമണ്ണ സ്വദേശിയായ സംവിധായകൻ മുഹമ്മദ്​ നൗഫൽ (നൗഫു സ്​റ്റാമ്പ്​ഡ്​). നൗഫലിൻെറ ഹ്രസ്വചിത്രമായ 'ശൃംഗാർ' ദോഹ അജ്​യാൽ അന്താരാഷ്​ട്ര ചലചിത്രമേള തുടങ്ങുംമു​േമ്പ ചർച്ചയാവുകയാണ്​. മേളയിലെ 'മെയ്​ഡ്​ ഇൻ ഖത്തർ' വിഭാഗത്തിൽ 'ശൃംഗാർ' തെരഞ്ഞെടുക്കപ്പെട്ടിട്ടുണ്ട്​. അണിയറയിലും അരങ്ങത്തും പൂർണമായും മലയാളികൾ പ്രവർത്തിച്ച ഒരു ചിത്രം ആദ്യമായാണ്​ അജ്​യാലിലേക്ക്​ തെരഞ്ഞെടുക്കപ്പെടുന്നത്​. 11 മിനുട്ടാണ്​ ദൈർഘ്യം. പൂർണമായും ഖത്തറിലാണ്​ ചിത്രീകരിച്ചിരിക്കുന്നത്​.

'ശൃംഗാർ' എന്ന ഹിന്ദി വാക്കിൻെറ അർഥം 'മേക്ക്​അപ്പ്​' എന്നാണ്​. ഇന്ത്യയിലെ മൈക്ക മേഖലയിൽ നടക്കുന്ന ബാലവേലയാണ്​ വിഷയം. മകൾക്ക്​​ ഒരമ്മ പറഞ്ഞുകൊടുക്കുന്ന കഥകളിലൂടെ അവൾക്കുണ്ടാകുന്ന പേടിസ്വപ്​ നത്തിലൂടെയാണ്​ സംവിധായകൻ ബാലവേലയുടെ ദൈന്യത പ്രേക്ഷകൻെറ മുന്നിലെത്തിക്കുന്നത്​​. സൗന്ദര്യവർധകവസ്​ തുക്കളുമായി ബന്ധപ്പെട്ട വൻവ്യവസായമാണ്​ ഇന്ത്യയിലെ മൈക്ക ഖനന മേഖല. കഥക്​, നിഴൽക്കൂത്ത്​, ഹിന്ദുസ്​താനി സംഗീതം തുടങ്ങിയ വിവിധ ഇന്ത്യൻ കലാരൂപങ്ങളിലൂടെയാണ്​ ചിത്രം വികസിക്കുന്നത്​.

നവംബർ 18 മുതൽ 23 വരെയാണ്​ കതാറയിൽ അജ്​യാൽ ചലചിത്രമേള നടക്കുന്നത്​. ​മേയ്​ഡ്​ഇൻ ഖത്തർ വിഭാഗത്തിൽ നവംബർ 21ന്​ ലുസൈൽ ​ൈഡ്രവ്​ ഇൻ സിനിമയിൽ വൈകുന്നേരം 6.30നും 22ന്​ ​ൈവകുന്നേരം 5.30ന്​ ഫെസ്​റ്റിവെൽ സിറ്റിയിലെ വോക്​സ്​ സിനിമയിലും 'ശൃംഗാർ' പ്രദർശിപ്പിക്കും. ഛായാഗ്രാഹകൻ ജിൻഷാദ്​ ഗുരുവായൂർ. നിർമാണം: വിമൽ കുമാർ മണി. അബ്​ദുൽഷുക്കൂർ, നിത്യ, അഷ്​മിത മഹേഷ്​ എന്നിവരാണ്​ വേഷമിട്ടത്​.

എട്ടുവർഷമായി ഖത്തർ പ്രവാസിയായ മുഹമ്മദ്​ നൗഫൽ ഖത്തർ പ്ലാസ്​റ്റിക്​ പ്രൊഡക്ഷൻ കമ്പനിയിൽ ഫിനാൻസ്​ അസിസ്​റ്റൻറ്​ ആണ്​.

'ബോർഡർ', 'റോഡ്​സൈഡ്​', 'ലൗഡർ വോയ്​സ്'​ എന്നീ നൗഫലിൻെറ ചിത്രങ്ങൾ മുമ്പ്​ വിവിധ പുരസ്​കാരങ്ങൾ നേടിയിട്ടുണ്ട്​. 'ദി അൺജസ്​റ്റ്' ചിത്രം ദോഹ ഫിലിം ഇൻസ്​റ്റിറ്റ്യൂട്ടിൻെറ ഒരുമിനിട്ട്​ ചലചിത്രവിഭാഗത്തിൽ അംഗീകാരം നേടിയിട്ടുണ്ട്​.