‘ഷോപ് ആൻഡ് ഡൊണേറ്റ്’ കാമ്പയിൻ; ലുലു ഗ്രൂപ് 2.5 ലക്ഷം റിയാൽ നൽകി

ദോ​ഹ: ഷോ​പ് ആ​ൻ​ഡ് ഡൊ​ണേ​റ്റ് കാ​മ്പ​യി​നി​ലൂ​ടെ ഖ​ത്ത​ർ ചാ​രി​റ്റി​യി​ലേ​ക്ക് ര​ണ്ട​ര ല​ക്ഷം റി​യാ​ൽ സം​ഭാ​വ​ന ന​ൽ​കി ലു​ലു ഹൈ​പ്പ​ർ​മാ​ർ​ക്ക​റ്റ്. ക​ഴി​ഞ്ഞ റ​മ​ദാ​ൻ കാ​ല​യ​ള​വി​ൽ ലു​ലു ഗ്രൂ​പ്പി​ന്റെ ഹൈ​പ്പ​ർ​മാ​ർ​ക്ക​റ്റു​ക​ളി​ൽ ന​ട​ന്ന ഷോ​പ് ആ​ൻ​ഡ് ഡൊ​ണേ​റ്റ് പ​ദ്ധ​തി​യി​ലൂ​ടെ​യാ​യി​രു​ന്നു ഖ​ത്ത​ർ ചാ​രി​റ്റി​യു​ടെ വി​വി​ധ ദു​രി​താ​ശ്വാ​സ, ക്ഷേ​മ പ​ദ്ധ​തി​ക​ളി​ലേ​ക്ക് വ​ൻ​തു​ക ല​ഭ്യ​മാ​ക്കി​യ​ത്. ഡി ​റി​ങ് റോ​ഡ് ലു​ലു റീ​ജ​ന​ൽ ഓ​ഫി​സി​ൽ ന​ട​ന്ന ച​ട​ങ്ങി​ൽ ലു​ലു ഹൈ​പ്പ​ർ​മാ​ർ​ക്ക​റ്റ് റീ​ജ​ന​ൽ ഡ​യ​റ​ക്ട​ർ എം.​ഒ. ഷൈ​ജാ​ൻ ഖ​ത്ത​ർ ചാ​രി​റ്റി പ്രോ​ഗ്രാം​സ് ആ​ൻ​ഡ് ഇ​ന്റ​ർ​നാ​ഷ​ന​ൽ ഡെ​വ​ല​പ്മെ​ന്റ് ഡ​യ​റ​ക്ട​ർ അ​ബ്ദു​ൽ അ​സീ​സ് ജാ​സിം ഹി​ജ്ജി ഏ​റ്റു​വാ​ങ്ങി.

ഖ​ത്ത​ർ ചാ​രി​റ്റി​യു​ടെ സാ​മൂ​ഹി​ക ഉ​ത്ത​ര​വാ​ദി​ത്ത നി​ർ​വ​ഹ​ണ മേ​ഖ​ല​യി​ലെ പ്ര​ധാ​ന പ​ദ്ധ​തി​യാ​യ ചാ​രി​റ്റി പാ​ർ​ട്ണ​റി​ന്റെ സ​ജീ​വ പ​ങ്കാ​ളി കൂ​ടി​യാ​ണ് ലു​ലു ഹൈ​പ്പ​ർ​മാ​ർ​ക്ക​റ്റ്. പ്രാ​ദേ​ശി​ക​വും ആ​ഗോ​ള​വു​മാ​യ വി​വി​ധ ക്ഷേ​മ, ദു​രി​താ​ശ്വാ​സ പ​ദ്ധ​തി​ക​ളി​ലെ പ​ങ്കാ​ളി​ത്ത​ത്തി​ന് ലു​ലു ഹൈ​പ്പ​ർ​മാ​ർ​ക്ക​റ്റി​നെ അ​ബ്ദു​ൽ അ​സീ​സ് ജാ​സിം അ​ഭി​ന​ന്ദി​ച്ചു.

രാ​ജ്യ​ത്തെ പൊ​തു-​സ്വ​കാ​ര്യ മേ​ഖ​ല​ക​ളി​ലെ എ​ല്ലാ ക​മ്പ​നി​ക​ളോ​ടും സ്ഥാ​പ​ന​ങ്ങ​ളോ​ടും സാ​മൂ​ഹി​ക ഉ​ത്ത​ര​വാ​ദി​ത്ത​ങ്ങ​ൾ നി​റ​വേ​റ്റാ​നും സാ​മൂ​ഹി​ക സേ​വ​ന​ത്തി​ൽ സ​ജീ​വ​മാ​യി ഇ​ട​പെ​ടാ​നും മാ​നു​ഷി​ക പ​ദ്ധ​തി​ക​ളെ പി​ന്തു​ണ​ക്കാ​നും അ​ദ്ദേ​ഹം ആ​ഹ്വാ​നം ചെ​യ്തു. ഖ​ത്ത​ർ ചാ​രി​റ്റി​യു​മാ​യി സാ​മൂ​ഹി​ക സേ​വ​ന, ക്ഷേ​മ മേ​ഖ​ല​ക​ളി​ൽ പ​ങ്കാ​ളി​ത്തം വ​ഹി​ക്കാ​നു​ള്ള അ​വ​സ​ര​ത്തി​ന് സ​ന്തോ​ഷ​വും ന​ന്ദി​യും അ​റി​യി​ക്കു​ന്ന​താ​യി ലു​ലു ഗ്രൂ​പ് ഇ​ന്റ​ർ​നാ​ഷ​ന​ൽ ഡ​യ​റ​ക്ട​ർ ഡോ. ​മു​ഹ​മ്മ​ദ് അ​ൽ​താ​ഫ് പ​റ​ഞ്ഞു. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി അ​വ​ശ​രും ഏ​റ്റ​വും അ​ർ​ഹ​രു​മാ​യ വ്യ​ക്തി​ക​ളി​ലേ​ക്കാ​ണ് ഖ​ത്ത​ർ ചാ​രി​റ്റി വ​ഴി സ​ഹാ​യം എ​ത്തു​ന്ന​തെ​ന്നും ഉ​പ​ഭോ​ക്താ​ക്ക​ളു​ടെ പി​ന്തു​ണ​ക്ക് ന​ന്ദി അ​റി​യി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.

ക​ഴി​ഞ്ഞ അ​ഞ്ചു​വ​ർ​ഷ​മാ​യി ഇ​രു​സ്ഥാ​പ​ന​ങ്ങ​ളും ഈ ​മേ​ഖ​ല​യി​ൽ സ​ഹ​ക​രി​ച്ചു പ്ര​വ​ർ​ത്തി​ക്കു​ന്നു​ണ്ട്. ഈ ​കാ​മ്പ​യി​നി​ലൂ​ടെ ലു​ലു ഗ്രൂ​പ്പി​ൽ​നി​ന്ന് ഷോ​പ്പി​ങ് ന​ട​ത്തി ബി​ൽ അ​ട​ക്കു​ന്ന​തു​വ​ഴി ഖ​ത്ത​ർ ചാ​രി​റ്റി​യു​ടെ ആ​ഗോ​ള ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളി​ൽ ഭാ​ഗ​മാ​കാ​നു​ള്ള അ​വ​സ​ര​മാ​ണ് ന​ൽ​കു​ന്ന​ത്.