ഷി ക്യു എക്സലന്സ് അവാർഡ്: വി​ജ​യ കി​രീ​ടം ചൂ​ടി പെൺതാരങ്ങൾ

ഖ​ത്ത​റി​ലെ പ്ര​വാ​സ ലോ​കം നെ​ഞ്ചി​ലേ​റ്റി​യ 30 പേ​ർ. 27 വ്യ​ക്തി​ക​ളും മൂ​ന്ന് സം​ഘ​ട​ന​ക​ളും ഉ​ൾ​പ്പെ​ടെ​യു​ള്ള ഫൈ​ന​ലി​സ്റ്റു​ക​ൾ. അ​വ​രെ​ല്ലാ​വ​രും ത​ന്നെ ജേ​താ​ക്ക​ളാ​യി​രു​ന്നു. പ്ര​തി​ഭ​യും പ്ര​വ​ർ​ത്ത​ന​വും കൊ​ണ്ട് കൊ​ടു​മു​ടി​ക​ൾ കീ​ഴ​ട​ക്കി​യ​വ​ർ. ഫൈ​ന​ൽ റൗ​ണ്ടി​ലെ ഇ​ഞ്ചോ​ടി​ഞ്ച് പോ​രാ​ട്ട​ത്തി​നൊ​ടു​വി​ൽ ത​ല​നാ​രി​ഴ വ്യ​ത്യാ​സ​ത്തി​ൽ വി​ജ​യ കി​രീ​ടം ചൂ​ടിയ പ​ത്തു​പേ​ർ ഇ​വ​രാ​ണ്...

ഫൈ​ൻ ക്യൂ (​ആ​ർ​ട്ട് ആ​ൻ​ഡ് ക​ൾ​ച​ർ)

‘ഊ​ദ്’ എ​ന്ന ത​ന്റെ ആ​ദ്യ നോ​വ​ൽ​കൊ​ണ്ടു​ത​ന്നെ മ​ല​യാ​ള സാ​ഹി​ത്യ​ലോ​ക​ത്തേ​ക്ക് വ​ര​വ​റി​യി​ച്ച പ്ര​വാ​സി എ​ഴു​ത്തു​കാ​രി​യാ​ണ് തൃ​ശൂ​ർ ഒ​രു​മ​ന​യൂ​ർ സ്വ​ദേ​ശി​നി​യാ​യ ഷാ​മി​ന ഹി​ഷാം. ഉ​ത്ത​ര​മ​ല​ബാ​റി​ലെ മു​സ്‍ലിം സ​മൂ​ഹ​ത്തി​ന്റെ പ​ശ്ചാ​ത്ത​ല​ത്തി​ൽ പ്ര​ണ​യ​വും, ഏ​കാ​ന്ത​ത​യും, പ്ര​കൃ​തി​യും, പ​രി​സ്ഥി​തി സം​ര​ക്ഷ​ണ​ത്തി​ന്റെ പ്രാ​ധാ​ന്യ​വു​മെ​ല്ലാം മ​നോ​ഹ​ര​മാ​യ ഭാ​ഷ​യും, ഭാ​വ​ന​യും ക​രു​ത്താ​ക്കി​മാ​റ്റി കു​റി​ച്ചി​ടു​ന്ന ‘ഊ​ദ്’ ഇ​തി​ന​കം​ത​ന്നെ വാ​യ​ന​ക്കാ​രു​ടെ​യും സാ​ഹി​ത്യ വി​മ​ർ​ശ​ക​രു​ടെ​യു​മെ​ല്ലാം പ്ര​ശം​സ പി​ടി​ച്ചു​പ​റ്റി​യ കൃ​തി​യാ​ണ്.

ആ​ദ്യ നോ​വ​ലി​ലൂ​ടെ ത​ന്നെ മ​ല​യാ​ള സാ​ഹി​ത്യ​ലോ​ക​ത്തെ ഭാ​വി​യു​ള്ള പു​തു​മു​ഖ എ​ഴു​ത്തു​കാ​രി​യെ​ന്ന നി​ല​യി​ൽ ഷാ​മി​ന ഹി​ഷാ​മി​ന്റെ അ​ര​ങ്ങേ​റ്റ​മാ​യി ‘ഊ​ദി’​നെ വി​ല​യി​രു​ത്തു​ന്നു. ഡി.​സി നോ​വ​ൽ മ​ത്സ​ര​ത്തി​ൽ തെ​ര​ഞ്ഞെ​ടു​ത്ത മൂ​ന്ന് നോ​വ​ലു​ക​ളി​ൽ ഒ​ന്നാ​യാ​ണ് ​‘ഊ​ദ്’ വാ​യ​ന​ക്കാ​രി​ലേ​ക്ക് എ​ത്തി​യ​ത്. ക​വി​ത​ക​ളും ക​ഥ​ക​ളു​മാ​യി എ​ഴു​ത്തി​ന്റെ ലോ​ക​ത്ത് നേ​ര​ത്തെ ത​ന്നെ ശ്ര​ദ്ധേ​യ​മാ​യി​രു​ന്നു ഇ​വ​ർ. സാ​ഹി​ത്യ അ​വ​ലോ​ക​ന​ങ്ങ​ൾ​ക്കൊ​പ്പം പു​സ്ത​ക വി​ശ​ക​ല​ന​ങ്ങ​ളു​മാ​യി സാ​മൂ​ഹി​ക മാ​ധ്യ​മ​ങ്ങ​ളി​ലും ശ്ര​ദ്ധേ​യ​മാ​യി. വാ​യി​ക്കു​ന്ന പു​സ്ത​ക​ങ്ങ​ളു​ടെ മ​നോ​ഹ​ര​മാ​യ അ​വ​ലോ​ക​ന​ങ്ങ​ളി​ലൂ​ടെ പ്ര​വാ​സി സാ​ഹി​ത്യ പ്രേ​മി​ക​ൾ​ക്കി​ട​യി​ൽ അം​ഗീ​കാ​ര​വും നേ​ടി​യി​രു​ന്നു.

എജ്യു ക‍്യൂ അവാർഡ് ( വിദ്യാഭ്യാസ മേഖലയിലെ മികവ് )

നി​ര​വ​ധി സ്കൂ​ളു​ക​ളും ആ​യി​ര​ത്തോ​ളം അ​ധ്യാ​പ​ക​രു​മു​ള്ള ഖ​ത്ത​റി​ലെ സ​മൂ​ഹ​ത്തി​ൽ നി​ന്നും മി​ക​ച്ച അ​ധ്യാ​പി​ക​ക്കു​ള്ള ‘എ​ജ്യൂ ക്യൂ’ ​അ​വാ​ർ​ഡ് തേ​ടി​യെ​ത്തു​ന്ന​ത് ഒ​രു സ്‍പെ​ഷ​ൽ സ്കൂ​ൾ അ​ധ്യാ​പി​ക​ക്ക് ആ​ണെ​ന്ന​ത് ആ ​മേ​ഖ​ല​ക്കു​കൂ​ടി​യു​ള്ള അം​ഗീ​കാ​ര​മാ​ണ്. ഖ​ത്ത​റി​ലെ ഭി​ന്ന​ശേ​ഷി​ക്കാ​ർ​ക്കു വേ​ണ്ടി​യു​ള്ള സ്‍പെ​ഷ​ൽ സ്കൂ​ളാ​യ ‘ഖി​ഷ്’ റീ​ഹാ​ബി​ലി​റ്റേ​ഷ​ൻ സെ​ന്റ​റി​ലെ അ​ധ്യാ​പി​ക​യാ​ണ് കോ​ട്ട​യം ച​ങ്ങ​നാ​ശ്ശേ​രി സ്വ​ദേ​ശി​നി​യാ​യ ഷെ​ർ​മി ഷാ​ജ​ഹാ​ൻ.

ക​ഴി​ഞ്ഞ നാ​ലു​വ​ർ​ഷ​മാ​യി ഖ​ത്ത​റി​ലു​ള്ള ഇ​വ​ർ ഒ​മ്പ​തു വ​ർ​ഷ​മാ​യി സ്‍പെ​ഷ​ൽ സ്കൂ​ൾ മേ​ഖ​ല​യി​ൽ പ്ര​വ​ർ​ത്തി​ക്കു​ന്നു. സാ​ധാ​ര​ണ അ​ധ്യാ​പ​ക​ർ വി​ദ്യാ​ർ​ഥി​ക​ളെ മി​ക​ച്ച ക​രി​യ​റു​ക​ളി​ലേ​ക്കും മ​റ്റു​മാ​ണ് ന​യി​ക്കു​ന്ന​തെ​ങ്കി​ൽ മാ​ന​സി​ക, ശാ​രീ​രി​ക വെ​ല്ലു​വി​ളി​ക​ൾ നേ​രി​ടു​ന്നു കൊ​ച്ചു​കു​ട്ടി​ക​ൾ​ക്ക് ജീ​വി​ത​ത്തി​ന്റെ അ​ടി​സ്ഥാ​ന പാ​ഠ​ങ്ങ​ൾ ക്ഷ​മാ​പൂ​ർ​വം പ​ക​ർ​ന്നു ന​ൽ​കു​ന്ന​വ​രാ​ണ് ഈ ​വി​ഭാ​ഗം അ​ധ്യാ​പ​ക​ർ. ഈ ​മേ​ഖ​ല​യി​ൽ പ്ര​വ​ർ​ത്തി​ക്കു​ന്ന നി​ര​വ​ധി പേ​ർ​ക്ക് കൂ​ടി​യു​ള്ള അം​ഗീ​കാ​ര​മാ​യാ​ണ് ഷെ​ർ​മി ഷാ​ജ​ഹാ​ന്റെ പു​ര​സ്കാ​ര​ല​ബ്ധി​യെ വി​ശേ​ഷി​പ്പി​ക്കു​ന്ന​ത്.

ജീ​വി​ത​ത്തി​ന്റെ അ​ടി​സ്ഥാ​ന കാ​ര്യ​ങ്ങ​ൾ പോ​ലു​മ​റി​യാ​തെ സ്കൂ​ളു​ക​ളി​ലെ​ത്തു​ന്ന വി​ദ്യാ​ർ​ഥി​ക​ൾ​ക്ക് ദൈ​നം​ദി​ന വൃ​ത്തി​ക​ളി​ലേ​ക്കും പ്ര​കൃ​തി-​പ​രി​സ​ര​ങ്ങ​ളി​ലേ​ക്കു​മെ​ല്ലാം ഇ​റ​ക്കു​ക​യാ​ണ് ഇ​വ​ർ. വി​ദ്യാ​ർ​ഥി​ക​ൾ​ക്ക് മാ​ത്ര​മ​ല്ല, ര​ക്ഷി​താ​ക്ക​ളു​ടെ​യും അ​ധ്യാ​പ​ക​രാ​യ ​സ​െ​പ​ഷ​ൽ സ്കൂ​ൾ ജീ​വ​ന​ക്കാ​ർ മാ​റു​ന്നു. ഹെ​ല​ൻ കെ​ല്ല​ർ എ​ന്ന അ​ന്ധ​യാ​യ വി​ദ്യാ​ർ​ഥി​നി​ക്ക് ലോ​ക​ത്തെ ഏ​റ്റ​വും വ​ലി​യ പ്ര​തി​ഭ​യാ​യി മാ​റാ​ൻ വെ​ളി​ച്ച​മാ​യി​നി​ന്ന ആ​നി സ​ള്ളി​വ​നാ​ണ് ത​നി​ക്ക് പ്ര​ചോ​ദ​ന​മാ​യ​തെ​ന്ന് ഷെ​ർ​മി സാ​ക്ഷ്യ​പ്പെ​ടു​ത്തു​ന്നു.

സ്​​പോ​ർ​ട്സ് ആ​ൻ​ഡ് അ​ഡ്വ​ഞ്ച​ർ ക്യൂ ​അ​വാ​ർ​ഡ് (കാ​യി​ക,സാ​ഹ​സി​ക മേ​ഖ​ല)

കു​ഞ്ഞു​പ്രാ​യ​ത്തി​ൽ​ത​ന്നെ മു​തി​ർ​ന്ന​വ​ർ​പോ​ലും പി​ന്തി​രി​യു​ന്ന സാ​ഹ​സി​ക​ത​കൊ​ണ്ട് അ​തി​ശ​യി​പ്പി​ച്ച വ്യ​ക്തി​യാ​യ 16കാ​രി​യാ​യ അ​ൻ​വി അ​മി​ത് ജോ​ഷി. ഒ​റി​ക്സ് ഇ​ന്റ​ർ​നാ​ഷ​ന​ൽ സ്കൂ​ൾ 11ാം ക്ലാ​സ് വി​ദ്യാ​ർ​ഥി​നി. പ​ർ​വ​താ​രോ​ഹ​ണ​ത്തി​ലും സാ​ഹ​സി​ക​യാ​ത്ര​ക​ളി​ലു​മാ​യി മി​ക​ച്ച നേ​ട്ട​ങ്ങ​ൾ കൊ​യ്തു. കി​ളി​മ​ഞ്ചാ​രോ, കാ​ങ് യാ​റ്റ്സെ കൊ​ടു​മു​ടി​ക​ൾ കീ​ഴ​ട​ക്കി.

മാ​ര​ത്ത​ണു​ക​ളി​ലും മ​റ്റും പ​ങ്കാ​ളി​ത്തം. ഏ​ഴാം വ​യ​സ്സി​ൽ ഹി​മാ​ല​യ​ൻ ട്ര​ക്കി​ങ്ങി​ലൂ​ടെ തു​ട​ങ്ങി​യ സാ​ഹ​സി​ക യാ​ത്ര​ക​ൾ ഏ​റ്റ​വും ഒ​ടു​വി​ൽ എ​ത്തി​നി​ൽ​ക്കു​ന്ന​ത് 6250 മീ​റ്റ​ർ ​ഉ​യ​രെ​യു​ള്ള ഹി​മാ​ല​യ​ത്തി​ലെ കാ​ങ് യാ​റ്റ്സെ കൊ​ടു​മു​ടി​യു​ടെ ഉ​യ​രെ. ക​ഴി​ഞ്ഞ വ​ർ​ഷം കി​ളി​മ​ഞ്ചാ​രോ കീ​ഴ​ട​ക്കി​യ അ​ൻ​വി, ഈ ​ക​ഴി​ഞ്ഞ ജൂ​ലൈ മാ​സ​ത്തി​ലാ​യി​രു​ന്നു നേ​പ്പാ​ളി​ൽ സ്ഥി​തി​ചെ​യ്യു​ന്ന കാ​ങ് യാ​റ്റ്സേ​യു​ടെ ഉ​യ​ര​ത്തി​ൽ മാ​താ​പി​താ​ക്ക​ൾ​ക്കൊ​പ്പ​മെ​ത്തി​യ​ത്.

മാ​സ​ങ്ങ​ൾ നീ​ണ്ട ത​യാ​റെ​ടു​പ്പി​നും പ​രി​ശീ​ല​ന​ത്തി​നു​മൊ​ടു​വി​ലാ​യി​രു​ന്നു കാ​ങ് യാ​റ്റ്സേ കീ​ഴ​ട​ക്കി​യ​ത്. 12 കി​ലോ ഭാ​ര​മു​ള്ള ബാ​ഗും ​വ​ഹി​ച്ച് മ​ണി​ക്കൂ​റു​ക​ൾ നീ​ണ്ട മ​ല​ക​യ​റ്റം, മൈ​ന​സ് ഡി​ഗ്രി​യി​ൽ, 75 ഡ്രി​ഗ്രി​വ​രെ ചെ​ങ്കു​ത്താ​യ മ​ല​യി​ടു​ക്കു​ക​ൾ താ​ണ്ടി​യു​ള്ള സാ​ഹ​സി​ക യാ​ത്ര പൂ​ർ​ത്തി​യാ​ക്കി​യാ​ണ് ഇ​വ​ർ തി​രി​കെ​യെ​ത്തി​യ​ത്. അ​ടു​ത്ത​ത് യൂ​റോ​പ്പി​ലെ വ​ലി​യ കൊ​ടു​മു​ടി​യാ​യ മൗ​ണ്ട് എ​​ൽ​ബ്ര​സും പി​ന്നെ എ​ല്ലാ​റ്റി​നു​മൊ​ടു​വി​ലാ​യി എ​വ​റ​സ്റ്റും കീ​ഴ​ട​ക്കാ​നു​ള്ള സ്വ​പ്ന​ത്തി​ലാ​ണ് കൗ​മാ​ര​ക്കാ​രി.

ബി​സ് ക്യു ​അ​വാ​ർ​ഡ് ( പ്ര​വാ​സി സം​രം​ഭ​ക​ർ)

ഷി ​ക്യു എ​ക്സ​ല​ൻ​സ് പു​ര​സ്കാ​ര​ത്തി​ൽ ‘സം​രം​ഭ​ക’ മേ​ഖ​ല​യി​ലെ ശ്ര​ദ്ധേ​യ​മാ​യ ഇ​ട​പെ​ട​ലി​നു​ള്ള അം​ഗീ​കാ​ര​മാ​യാ​ണ് റ​സി​യ അ​നീ​സി​നെ തേ​ടി പു​ര​സ്കാ​ര​മെ​ത്തു​ന്ന​ത്. നാ​ലു വ​ർ​ഷ​മാ​യി ഖ​ത്ത​ർ പ്ര​വാ​സി​യാ​യ റ​സി​യ അ​നീ​സ്, ആ​ർ​കി​ടെ​ക്ടും ഇ​ന്റീ​രി​യ​ർ ഡി​സൈ​ന​റു​മാ​യാ​ണ് പ്ര​വ​ർ​ത്തി​ക്കു​ന്ന​ത്.

ഇ​ന്ത്യ​യി​ലും ഖ​ത്ത​റി​ലു​മാ​യി ഇ​ന്റീ​രി​യ​ർ ഡി​സൈ​ന​ർ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന റ​സി​യ, സ്വ​ന്ത​മാ​യി സ്റ്റു​ഡി​യോ​യു​മാ​യി ഈ ​മേ​ഖ​ല​യി​ൽ ശ്ര​ദ്ധേ​യ​യാ​യി വ​ള​രു​ന്ന സം​രം​ഭ​ക​യാ​ണ്. ഖ​ത്ത​റി​ൽ ലെ​ഗോ സെ​ന്റ​ർ, ഷെ​ഫ് പി​ള്ളൈ റ​സ്റ്റാ​റ​ന്റ് തു​ട​ങ്ങി​യ പ്ര​മു​ഖ സ്ഥാ​പ​ന​ങ്ങ​ളു​ടെ രൂ​പ​ക​ൽ​പ​ന​യും മ​റ്റു​മാ​യി ഈ ​മേ​ഖ​ല​യി​ൽ നൂ​ത​ന കാ​ഴ്ച​പ്പാ​ടു​ക​ൾ അ​വ​ത​രി​പ്പി​ച്ചാ​ണ് റ​സി​യ അ​നീ​സ് ശ്ര​ദ്ധേ​യ​യാ​യി മാ​റു​ന്ന​ത്.

നാ​ച്വ​ർ ക്യൂ ​അ​വാ​ർ​ഡ് (പ​രി​സ്ഥി​തി പ്ര​വ​ർ​ത്ത​നം)

പു​തി​യ കാ​ല പ​രി​സ്ഥി​തി വെ​ല്ലു​വി​ളി​ക​ൾ​ക്കെ​തി​രാ​യ പോ​രാ​ട്ട​ത്തെ ന​യി​ക്കു​ന്ന വ്യ​ക്തി​യാ​ണ് ല​ക്ഷ്മി സൂ​ര്യ​ൻ. കാ​ലാ​വ​സ്ഥാ വ്യ​തി​യാ​നം, പ​രി​സ്ഥി​തി സൗ​ഹൃ​ദ ഊ​ർ​ജ പ​ദ്ധ​തി​ക​ൾ, കാ​ർ​ബ​ൺ ബ​ഹി​ർ​ഗ​മ​നം, സു​സ്ഥി​ര പ​ദ്ധ​തി​ക​ൾ തു​ട​ങ്ങി​യ മേ​ഖ​ല​ക​ളി​ൽ വി​ദ​ഗ്ധ. കാ​ർ​ബ​ൺ മാ​നേ​ജ്മെ​ന്റി​ൽ എ​ഡി​ൻ​ബ​റോ യൂ​നി​വേ​ഴ്സി​റ്റി​യി​ൽ​നി​ന്നും ബി​രു​ദാ​ന​ന്ത​ര ബി​രു​ദ​വും, മ​ദ്രാ​സ് യൂ​നി​വേ​ഴ്സി​റ്റി​യി​ൽ​നി​ന്നും ആ​ർ​കി​ടെ​ക്ച​ർ ബി​രു​ദ​വും നേ​ടി ഉ​ന്ന​ത യോ​ഗ്യ​ത.

ക​ഴി​ഞ്ഞ 26 വ​ർ​ഷ​മാ​യി ഖ​ത്ത​റി​ൽ പ്ര​വാ​സി​യാ​യി ഇ​വ​ർ പ​രി​സ്ഥി​തി സം​ര​ക്ഷ​ണ​ത്തി​ന് ശാ​സ്ത്രീ​യ മാ​ർ​ഗ​ങ്ങ​ൾ​ക്ക് നേ​തൃ​ത്വം ന​ൽ​കു​ന്ന ത​ല​മു​റ​യു​ടെ പ്ര​തി​നി​ധി കൂ​ടി​യാ​ണ്. ലോ​ക​ക​പ്പ് ഫു​ട്ബാ​ളി​ൽ പ​രി​സ്ഥി​തി സം​ര​ക്ഷ​ണ​വും, കാ​ർ​ബ​ൺ ബ​ഹി​ർ​ഗ​മ​നം കു​റ​ക്ക​ലു​മെ​ല്ലാം പ്ര​ധാ​ന അ​ജ​ണ്ട​യാ​ക്കി മാ​റ്റി​യ ഖ​ത്ത​റി​ന്റെ പ​ദ്ധ​തി​ക​ൾ​ക്കൊ​പ്പ​വും പ​രി​സ്ഥി​തി വി​ഗ​ദ്ധ എ​ന്ന നി​ല​യി​ൽ ല​ക്ഷ്മി സൂ​ര്യ​ൻ പ്ര​വ​ർ​ത്തി​ച്ചി​രു​ന്നു. പ്ലാ​സ്റ്റി​ക് മാ​ലി​ന്യ​ങ്ങ​ൾ കു​റ​ക്കു​ക എ​ന്ന ല​ക്ഷ്യ​വു​മാ​യാ​ണ് ലോ​ക​ക​പ്പി​നൊ​പ്പം ഇ​വ​ർ ​പ്ര​വ​ർ​ത്തി​ച്ച​ത്.

ഖ​ത്ത​റി​ലും മി​ഡി​ൽ ഈ​സ്റ്റ് രാ​ജ്യ​ങ്ങ​ളും ഉ​ൾ​പ്പെ​ടെ പ​രി​സ്ഥി​തി സൗ​ഹൃ​ദ-​സു​സ്ഥി​ര വി​ക​സ​ന പ​ദ്ധ​തി​ക​ൾ ന​ട​പ്പാ​ക്കാ​നാ​യി പ്ര​വ​ർ​ത്തി​ക്കു​ന്ന ക്ലീ​ൻ ഗ്ലോ​ബ് ക​ൺ​സ​ൾ​ട്ട​ൻ​സി സ്ഥാ​പ​ന​ത്തി​ന്റെ ഡ​യ​റ​ക്ട​റാ​ണ് ഇ​വ​ർ. ക​ട​ൽ​ത്തീ​ര​ങ്ങ​ളു​ടെ ശു​ചീ​ക​ര​ണം, പ​രി​സ്ഥി​തി ബോ​ധ​വ​ത്ക​ര​ണം, സ്കൂ​ളു​ക​ൾ കേ​ന്ദ്രീ​ക​രി​ച്ചു​ള്ള സ്കൂ​ളു​ക​ൾ കേ​ന്ദ്രീ​ക​രി​ച്ച് സെ​മി​നാ​ർ ഉ​ൾ​പ്പെ​ടെ കാ​ർ​ബ​ൺ ബ​ഹി​ർ​ഗ​മ​നം കു​റ​ക്കാ​നു​ള്ള പ​ദ്ധ​തി​ക​ൾ എ​ന്നി​വ​യു​മാ​യെ​ല്ലാം സ​ജീ​വ​മാ​ണ് ഇ​വ​ർ.

കെ​യ​ർ ക്യൂ (​ന​ഴ്സി​ങ്, സാ​ന്ത്വ​ന പ​രി​ച​ര​ണ പ്ര​വ​ർ​ത്ത​ന​ങ്ങ​ൾ)

ഖ​ത്ത​റി​ലെ ന​ഴ്സി​ങ് സ​മൂ​ഹ​ത്തി​ൽ മു​ഖ​വു​ര​ക​ളി​ല്ലാ​ത്ത വ്യ​ക്തി​ത്വ​മാ​ണ് സീ​നി​യ​ർ ന​ഴ്സ് കൂ​ടി​യാ​യ ലി​ല്ലി​ക്കു​ട്ടി ജോ​സ​ഫ്. 36 വ​ർ​ഷ​ത്തി​ലേ​റെ​യാ​യി ന​ഴ്സി​ങ് പ​രി​ച​യ സ​മ്പ​ത്തു​ള്ള ഇ​വ​ർ, ക​ഴി​ഞ്ഞ 31 വ​ർ​ഷ​മാ​യി ഖ​ത്ത​റി​ന്റെ ആ​രോ​ഗ്യ രം​ഗ​ത്തെ ന​യി​ക്കു​ന്ന ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ന്റെ ഭാ​ഗ​മാ​യു​ണ്ട്.

വി​വി​ധ മേ​ഖ​ല​ക​ളി​ൽ പ്ര​വ​ർ​ത്തി​ച്ച്, ​ഇ​പ്പോ​ൾ അ​ൽ വ​ക്റ അ​ൽ മ​ഹ സെ​ന്റ​റി​ൽ ഹെ​ഡ് ന​ഴ്സാ​യി ജോ​ലി​ചെ​യ്യു​ന്നു. ​തൊ​ഴി​ൽ രം​ഗ​ത്തും, ഒ​പ്പം സാ​മൂ​ഹി​ക സേ​വ​ന മേ​ഖ​ല​ക​ളി​ൽ നി​ശ്ശ​ബ്ദ സാ​ന്നി​ധ്യ​മാ​യും സ​ജീ​വ​മാ​ണ് ഇ​വ​ർ. ആ​ശു​പ​ത്രി വാ​സ​ത്തി​നി​ട​യി​ലും ചി​കി​ത്സ​വേ​ള​യി​ലു​മെ​ല്ലാം ലി​ല്ലി​ക്കു​ട്ടി ന​ഴ്സി​ന്റെ പ​രി​ച​ര​ണം ഏ​റ്റു​വാ​ങ്ങി​യ​വ​ർ​ക്ക് അ​വ​രെ ഓ​ർ​ക്കാ​ൻ നൂ​റു കാ​ര്യ​ങ്ങ​ളു​ണ്ടാ​കാ​റു​ണ്ട്. രോ​ഗി​ക​ളു​ടെ വി​ശേ​ഷ ദി​വ​സ​ങ്ങ​ൾ ആ​ഘോ​ഷ​മാ​ക്കി അ​വ​ർ​ക്ക് ​സ​ന്തോ​ഷം പ​ക​രു​ന്ന​വ​ർ, പു​റ​ത്തേ​ക്കു​ള്ള യാ​ത്ര​ക​ളും, ​വീ​ട്ടു സ​ന്ദ​ർ​ശ​ന​ങ്ങ​ളു​മെ​ല്ലാം ന​ട​ത്തി വേ​ദ​ന​ക​ൾ​ക്കി​ട​യി​ലും അ​വ​ർ​ക്ക് സ​ന്തോ​ഷം പ​ക​രു​ന്ന അ​നു​ഭ​വ​ങ്ങ​ൾ. ഖ​ത്ത​റി​ലെ ന​ഴ്സി​ങ് കൂ​ട്ടാ​യ്മ​യാ​യ ‘യു​നീ​ക്’ ന​ഴ്സ​സി​ന്റെ സ​ജീ​വ​പ്ര​വ​ർ​ത്ത​ക കൂ​ടി​യാ​ണ് ഇ​വ​ർ.

ഹീ​ൽ ക്യൂ ​അ​വാ​ർ​ഡ് (ആ​തു​ര സേ​വ​നം)

ഖ​ത്ത​റി​ലെ ഇ​ന്ത്യ​ൻ പ്ര​വാ​സി സ​മൂ​ഹ​ത്തി​ൽ ഏ​റെ സ്വീ​കാ​ര്യ​ത​യു​ള്ള ആ​രോ​ഗ്യ വി​ദ​ഗ്ധ​യാ​ണ് ഡോ. ​ഖു​ദ്സി​യ ബീ​ഗം. സ്വ​കാ​ര്യ​മേ​ഖ​ല​യി​ലെ ശ്ര​ദ്ധേ​യ​മാ​യ ഗൈ​ന​ക്കോ​ള​ജി​സ്റ്റ്. 30 വ​ർ​ഷ​മാ​യി ഖ​ത്ത​ർ പ്ര​വാ​സി​യാ​യ ഡോ​ക്ട​റു​ടെ ക്ലി​നി​ക്ക് സ്വ​ദേ​ശി​ക​ളും പ്ര​വാ​സി​ക​ളും ഉ​ൾ​പ്പെ​ടെ വ​ലി​യൊ​രു വി​ഭാ​ഗ​ത്തി​ന്റെ ചി​കി​ത്സ കേ​ന്ദ്രം കൂ​ടി​യാ​ണ്. ഡോ​ക്ട​റാ​യ പി​താ​വി​ന്റെ വ​ഴി തി​ര​ഞ്ഞെ​ടു​ത്താ​യി​രു​ന്നു ഡോ. ​ഖു​ദ്സി​യ​യും ആ​തു​ര സേ​വ​ന രം​ഗ​ത്തേ​ക്ക് പ്ര​വേ​ശി​ക്കു​ന്ന​ത്.

മെ​ഡി​ക്ക​ൽ പ​ഠ​ന​ത്തി​ൽ ഗൈ​ന​ക്കോ​ള​ജി​ത​ന്നെ സ്‍പെ​ഷ​ലൈ​സ് ചെ​യ്ത് ത​ന്റെ പ്ര​വ​ർ​ത്ത​ന ത​ട്ട​കം ഖ​ത്ത​റി​ലേ​ക്ക് മാ​റ്റി​യ ഇ​വ​ർ ചു​രു​ങ്ങി​യ കാ​ല​ത്തി​നു​ള്ളി​ൽ പ്ര​വാ​സി ഡോ​ക്ട​ർ എ​ന്ന​നി​ല​യി​ൽ ശ്ര​ദ്ധ​നേ​ടി. പ്ര​സ​വം, ഗ​ർ​ഭ​ധാ​ര​ണം ഉ​ൾ​പ്പെ​ടെ ചി​കി​ത്സ​ക​ളി​ലും മ​റ്റു സ്ത്രീ ​രോ​ഗ ചി​കി​ത്സ​ക​ളി​ലും വി​ദ​ഗ്ധ​യാ​യ ഡോ​ക്ട​ർ എ​ന്ന നി​ല​യി​ൽ പ്ര​ശം​സ പി​ടി​ച്ചു പ​റ്റി.

അ​ൽ വാ​ബ് സ്​​ട്രീ​റ്റി​ലെ ഡോ. ​ഖു​ദ്സി​യ ബീ​ഗം ക്ലി​നി​ക് ഇ​ന്ന് ഖ​ത്ത​റി​ലെ ആ​രോ​ഗ്യ പ​രി​ച​ര​ണ രം​ഗ​ത്തെ പ്ര​ധാ​ന കേ​ന്ദ്രം കൂ​ടി​യാ​ണ്. വി​ദ​ഗ്ധ​യാ​യ ഡോ​ക്ട​ർ എ​ന്ന​തി​നൊ​പ്പം, രോ​ഗി​ക​ൾ​ക്ക് ന​ൽ​കു​ന്ന സ്നേ​ഹ പ​രി​ച​ര​ണ​വും ക​രു​ത​ലും അ​വ​രെ കൂ​ടു​ത​ൽ ജ​ന​കീ​യ​മാ​ക്കി മാ​റ്റു​ന്നു. അ​ന്താ​രാ​ഷ്ട്ര മെ​ഡി​ക്ക​ൽ സ​മ്മേ​ള​ന​ങ്ങ​ൾ, പ്ര​ഭാ​ഷ​ണ​ങ്ങ​ൾ, സെ​മി​നാ​റു​ക​ൾ എ​ന്നി​വ​യി​ലും പ​ങ്കാ​ളി​ത്തം.

കൈ​ൻ​ഡ് ക്യൂ ​അ​വാ​ർ​ഡ് (പ്ര​വാ​സി സാ​മൂ​ഹി​ക സേ​വ​നം)

പ​ഞ്ചാ​ബ് സ്വ​ദേ​ശി​യാ​യ കു​ൽ​ദീ​പ് കൗ​ർ ഖ​ത്ത​റി​ലെ സ​ജീ​വ പൊ​തു പ്ര​വ​ർ​ത്ത​ക എ​ന്ന നി​ല​യി​ൽ ശ്ര​ദ്ധേ​യ​യാ​ണ്. ക​ഴി​ഞ്ഞ 15 വ​ർ​ഷ​മാ​യി ഖ​ത്ത​ർ പ്ര​വാ​സി​യാ​യ ഇ​വ​ർ നി​ല​വി​ൽ ഇ​ന്ത്യ​ൻ എം​ബ​സി അ​പെ​ക്സ് ബോ​ഡി​യാ​യ ഇ​ന്ത്യ​ൻ ക​മ്യൂ​ണി​റ്റി ബെ​ന​വ​ല​ന്റ് ഫോ​റം (ഐ.​സി.​ബി.​എ​ഫ്) മാ​നേ​ജി​ങ് ക​മ്മി​റ്റി അം​ഗ​മാ​ണ്. ഏ​ത് സ​മ​യ​വും വി​ളി​പ്പു​റ​ത്ത് ല​ഭ്യ​മാ​വു​ന്ന പൊ​തു പ്ര​വ​ർ​ത്ത​ക എ​ന്നാ​ണ് കു​ൽ​ദീ​പ് കൗ​റി​നെ സു​ഹൃ​ത്തു​ക്ക​ൾ വി​ശേ​ഷി​പ്പി​ക്കു​ന്ന​ത്.

ഖ​ത്ത​റി​ലെ ഗാ​ർ​ഹി​ക തൊ​ഴി​ലാ​ളി​ക​ളു​ടെ പ്ര​ശ്ന​ങ്ങ​ൾ, വീ​ട്ട​മ്മ​മാ​രു​ടെ വി​ഷ​യ​ങ്ങ​ൾ തു​ട​ങ്ങി​യ​വ​യി​ലെ​ല്ലാം എ​പ്പോ​ഴും ഉ​പ​ദേ​ശ​വും സ​ഹാ​യ​വു​മാ​യി ഇ​വ​രു​ണ്ടാ​കും. ഒ​ന്ന​ര പ​തി​റ്റാ​ണ്ടി​ലേ​റെ കാ​ല​മാ​യി പൊ​തു പ്ര​വ​ർ​ത്ത​ന​ങ്ങ​ളി​ൽ നേ​തൃ​പ​ര​മാ​യ ഇ​വ​ർ വ​ഹി​ക്കു​ന്ന ചു​മ​ത​ല​ക​ളാ​ണ് ഖ​ത്ത​റി​ലെ പൊ​തു രം​ഗ​ത്തും സ്വീ​കാ​ര്യ​മാ​ക്കി​യ​ത്. എം​ബ​സി അ​പെ​ക്സ് സം​ഘ​ട​ന​ക​ളു​മാ​യി ചേ​ർ​ന്ന് വീ​ട്ട​മ്മ​മാ​ർ​ക്കും, മ​റ്റു​മാ​യി വി​വി​ധ കൈ​ത്തൊ​ഴി​ൽ പ​രി​ശീ​ല​ന പ​രി​പാ​ടി​ക​ൾ​ക്കും കു​ൽ​ദീ​പ് കൗ​ർ നേ​തൃ​ത്വം ന​ൽ​കു​ന്നു.

എ​പ്പോ​ഴും അ​വ​ശ​രാ​യ​വ​ർ​ക്കും ദു​രി​ത​മ​നു​ഭ​വി​ക്കു​ന്ന​വ​ർ​ക്കു​മൊ​പ്പം സ​മ​യം ചെ​ല​വ​ഴി​ക്കാ​​ൻ ശ്ര​മി​ക്കു​ന്ന ഈ ​പ്ര​വാ​സി വ​നി​ത, എ​ന്നും അ​വ​രു​ടെ പ്ര​ശ്ന​ങ്ങ​ൾ​ക്ക് പ​രി​ഹാ​ര​വു​മാ​യാ​ണ് ഓ​ടി ന​ട​ക്കു​ന്ന​തും. വാ​രാ​ന്ത്യ​ങ്ങ​ളി​ലും പ്ര​വൃ​ത്തി ദി​വ​സ​ങ്ങ​ളി​ലും എം​ബ​സി​യി​ലും, ഖ​ത്ത​റി​ന്റെ വി​ദൂ​ര ദി​ക്കു​ക​ളി​ലെ ക്യാ​മ്പു​ക​ളി​ലും, ജ​യി​ൽ സ​ന്ദ​ർ​ശ​ന​ങ്ങ​ളി​ലും തു​ട​ങ്ങി എ​ല്ലാ​യി​ട​ത്തു​മാ​യി വേ​ദ​ന അ​നു​ഭ​വി​ക്കു​ന്ന​വ​ർ​ക്ക് സ​ഹാ​യ​മെ​ത്തി​ക്കു​ക​യാ​ണ് ദൗ​ത്യ​മെ​ന്നു​റ​പ്പി​ച്ച് ഓ​ടി​ന​ട​ക്കു​ന്ന ഈ ​പ്ര​വാ​സി വ​നി​ത​ക്ക് അ​ർ​ഹ​ത​ക്കു​ള്ള അം​ഗീ​കാ​ര​മാ​യാ​ണ് ‘ഷി ​ക്യൂ’ പു​ര​സ്കാ​ര​മെ​ത്തു​ന്ന​ത്.

ഷി ​ഇം​പാ​ക്ട് അ​വാ​ർ​ഡ് (പ്ര​വാ​സി വ​നി​ത കൂ​ട്ടാ​യ്മ)

ഖ​ത്ത​റി​ലെ പ്ര​വാ​സി ഇ​ന്ത്യ​ക്കാ​ർ​ക്ക് ​മു​ഖ​വു​ര ആ​വ​ശ്യ​മി​ല്ലാ​ത്തൊ​രു കൂ​ട്ടാ​യ്മ​യാ​ണ് ന​ടു​മു​റ്റം. ക​ഴി​ഞ്ഞ ഏ​ഴു വ​ർ​ഷം കൊ​ണ്ട് ഖ​ത്ത​റി​ലെ പൊ​തു രം​ഗ​ത്ത് സ​ജീ​വ സാ​ന്നി​ധ്യ​മാ​യി മാ​റി​യ കൂ​ട്ടാ​യ്മ. വീ​ട്ട​മ്മ​മാ​രും, പ്ര​ഫ​ഷ​ന​ൽ​സും മു​ത​ൽ കു​ട്ടി​ക​ൾ വ​രെ ഈ ​വ​നി​താ കൂ​ട്ടാ​യ്മ​യു​ടെ ഭാ​ഗ​മാ​യു​ണ്ട്. സ​ജീ​വ സാ​മൂ​ഹി​ക-​സാം​സ്കാ​രി​ക പ്ര​വ​ർ​ത്ത​ന​ത്തി​ലൂ​ടെ വ​നി​താ ശാ​ക്തീ​ക​ര​ണം ല​ക്ഷ്യ​മി​ടു​ന്ന ന​ടു​മു​റ്റം നി​ര​വ​ധി ശ്ര​ദ്ധേ​യ പ്ര​വ​ർ​ത്ത​ന​ങ്ങ​ളി​ലൂ​ടെ ഇ​തി​ന​കം ത​ന്നെ അ​നി​ഷേ​ധ്യ സാ​ന്നി​ധ്യ​മാ​യി മാ​റി.

എ​ല്ലാ​വ​ർ​ഷ​വും തൊ​ഴി​ലാ​ളി​ക​ൾ​ക്കാ​യി ഭ​ക്ഷ​ണ​ങ്ങ​ൾ എ​ത്തി​ക്ക​ൽ, കൃ​ഷി​യും വി​ത്തു​വി​ത​ര​ണ​വും പ​രി​സ്ഥി​തി പ്ര​വ​ർ​ത്ത​ന​ങ്ങ​ൾ, വി​ദ്യാ​ർ​ഥി​ക​ൾ​ക്കാ​യി പു​സ്ത​ക ശേ​ഖ​ര​ണ​വും വി​ത​ര​ണ​വും, പ​രി​ശീ​ല​ന പ​രി​പാ​ടി​ക​ൾ, വേ​ന​ല​വ​ധി ക്യാ​മ്പു​ക​ൾ, മെ​ഡി​ക്ക​ൽ ക്യാ​മ്പ് തു​ട​ങ്ങി​യ നി​ര​വ​ധി പ​രി​പാ​ടി​ക​ളു​മാ​യി ക​ല​ണ്ട​ർ വ​ർ​ഷം മു​ഴു​വ​നും സ​ജീ​വ​മാ​ണ് ന​ടു​മു​റ്റം. വി​ദ്യാ​ർ​ഥി​ക​ളി​ലേ​ക്ക് പാ​ഠ​പു​സ്ത​ക​ങ്ങ​ൾ എ​ത്തി​ക്കു​ന്ന ‘ബു​ക്സ്വാ​പ്’ പ​ദ്ധ​തി ഓ​രോ വ​ർ​ഷ​വും 5000​ത്തോ​ളം പേ​ർ​ക്ക് ​ആ​ശ്ര​യ​മാ​യി മാ​റു​ന്നു. സാ​മൂ​ഹി​ക, ജീ​വ​കാ​രു​ണ്യ, സാം​സ്കാ​രി​ക പ​രി​പാ​ടി​ക​ളി​ലൂ​ടെ വ​ലി​യൊ​രു സ​മൂ​ഹം വ​നി​ത​ക​ൾ​ക്ക് പൊ​തു രം​ഗ​ത്ത് ക്രി​യാ​ത്മ​ക​മാ​യി പ്ര​വ​ർ​ത്തി​ക്കാ​നു​ള്ള അ​വ​സ​രം കൂ​ടി​യാ​ണ് ന​ടു​മു​റ്റം ഒ​രു​ക്കു​ന്ന​ത്.

ഫാ​ർ​മ ക്യൂ ​അ​വാ​ർ​ഡ്

ആ​രോ​ഗ്യ സേ​വ​ന മേ​ഖ​ല​യി​ൽ ശ്ര​ദ്ധേ​യ​മാ​യ ദൗ​ത്യം നി​ർ​വ​ഹി​ക്കു​ന്ന വി​ഭാ​ഗ​മാ​ണ് ഫാ​ർ​മ​സി​സ്റ്റു​ക​ൾ. ഡോ​ക്ട​റെ​യും ന​ഴ്സി​നെ​യും പോ​ലെ, രാ​വി​ലും പ​ക​ലി​ലു​മാ​യി സേ​വ​ന​നി​ര​ത​രാ​വു​ന്ന​വ​ർ. അ​വ​ർ​ക്കു​ള്ള അം​ഗീ​കാ​ര​മാ​യാ​ണ് ‘ഫാ​ർ​മ ക്യൂ ​പു​ര​സ്കാ​രം’ പ്ര​ഖ്യാ​പി​ക്കു​ന്ന​ത്. ഫാ​ർ​മ​സി മേ​ഖ​ല​യി​ൽ 27 വ​ർ​ഷ​ത്തെ പ​രി​ച​യ​സ​മ്പ​ത്തു​ള്ള ലീ​ന മ​ഞ്ജ​ലി 19 വ​ർ​ഷ​ത്തോ​ള​മാ​യി ഖ​ത്ത​റി​ൽ പ്ര​വ​ർ​ത്തി​ക്കു​ന്നു. നി​ല​വി​ൽ വെ​ൽ​കെ​യ​ർ ഗ്രൂ​പ്പി​നു കീ​ഴി​ൽ ഫാ​ർ​മ​സി​സ്റ്റാ​യാ​ണ് ജോ​ലി ചെ​യ്യു​ന്ന​ത്.

ഫാ​ർ​മ​സി​സ്റ്റ് എ​ന്ന​തി​നൊ​പ്പം, ഈ ​മേ​ഖ​ല​യി​ലെ ട്രെ​യി​ന​ർ​കൂ​ടി​യാ​യും പ്ര​വ​ർ​ത്തി​ക്കു​ന്നു. പു​തു ത​ല​മു​റ​യി​ൽ​നി​ന്നും ഫാ​ർ​മ​സി​സ്റ്റു​ക​ളാ​യി പു​റ​ത്തി​റ​ങ്ങു​ന്ന വി​ദ്യാ​ർ​ഥി​ക​ളു​ടെ പ​രി​ശീ​ല​ന​ക​യാ​യി പ​ത്തു വ​ർ​ഷ​ത്തോ​ള​മാ​യി ജോ​ലി ചെ​യ്യു​ന്നു. ഖ​ത്ത​ർ യൂ​നി​വേ​ഴ്സി​റ്റി​യു​ടെ​യും ​സി.​എ​ൻ.​എ.​ക്യൂ​വി​ലെ​യും ഫാ​ർ​മ​സി കോ​ള​ജു​ക​ളി​ൽ​നി​ന്നു പ​ഠ​നം പൂ​ർ​ത്തി​യാ​ക്കു​ന്ന നൂ​റോ​ളം പേ​രെ​യാ​ണ് ഓ​രോ വ​ർ​ഷ​വു​മാ​യി ഇ​വ​രു​ടെ നേ​തൃ​ത്വ​ത്തി​ലു​ള്ള ടീം ​പ​രി​ശീ​ല​നം ന​ൽ​കി മി​ക​ച്ച പ്ര​ഫ​ഷ​ന​ലു​ക​ളാ​ക്കി മാ​റ്റു​ന്ന​ത്. ഡോ​ക്ട​ർ കു​റി​ക്കു​ന്ന മ​രു​ന്നു​ക​ൾ രോ​ഗി​ക്ക് കൃ​ത്യ​മാ​യി ന​ൽ​കു​ന്ന ഫാ​ർ​മ​സി​സ്റ്റു​ക​ൾ എ​ന്ന​തി​ന​പ്പു​റം, ​ചി​കി​ത്സ തേ​ടാ​തെ മ​രു​ന്നു തേ​ടി​യെ​ത്തു​ന്ന രോ​ഗി​ക​ളു​ടെ ആ​രോ​ഗ്യാ​വ​സ്ഥ തി​രി​ച്ച​റി​ഞ്ഞ് അ​വ​ർ​ക്ക് കൃ​ത്യ​സ​മ​യ​ത്ത് ചി​കി​ത്സ ഉ​റ​പ്പാ​ക്കാ​ൻ ക​ഴി​ഞ്ഞ പ​ല അ​നു​ഭ​വ​ങ്ങ​ളും ഇ​വ​ർ​ക്കു​ണ്ട്.