ഞങ്ങൾക്കെന്താ തോറ്റൂടേ, സിദാനെന്താ തോറ്റൂടേ'

പശ്ചി​മ ജ​ർ​മ​നി​യും അ​ർ​ജ​ന്‍റീ​ന​യും ത​മ്മി​ൽ ന​ട​ന്ന 1990 ഫൈ​ന​ലി​ന്‍റെ ലൈ​ന​പ്പ് ഫോ​ട്ടോ നോ​ട്ട് പു​സ്ത​ക​ത്തി​ന്‍റെ പൊ​തി​യാ​യി വെ​ച്ച് താ​ലോ​ലി​ച്ച​ത് മു​ത​ൽ തു​ട​ങ്ങി​യ​താ​ണ് ഫു​ട്ബാ​ൾ ഓ​ർ​മ​ക​ൾ. എ​ന്നാ​ല​ത് ക​ണ്ണീ​രി​ല​ണി​ഞ്ഞ​ത് 1994 ജൂ​ലൈ മാ​സ​ത്തി​ലെ ഒ​രു പു​ല​ർ​ച്ചെ പോ​ണി ടെ​യി​ലും പൂ​ച്ച​ക്ക​ണ്ണു​മു​ള്ള നീ​ല​ക്കു​പ്പാ​യ​ക്കാ​ര​ൻ റോ​ബ​ർ​ട്ടോ ബാ​ജി​യോ​യു​ടെ നാ​ലാ​മ​ത്തെ പെ​നാ​ൽ​ട്ടി ക്രോ​സ് ബാ​റി​ന് മു​ക​ളി​ലൂ​ടെ പ​റ​ന്ന​പ്പോ​ഴാ​യി​രു​ന്നു.

നാ​ദാ​പു​രം, പെ​രി​ങ്ങ​ത്തൂ​രി​ന​ടു​ത്ത കാ​യ​പ്പ​ന​ച്ചി​യി​ൽ എ​ന്ന ഞ​ങ്ങ​ളു​ടെ ഗ്രാ​മ​ത്തി​ൽ ആ​ദ്യ ടി.​വി​യു​ടെ ഉ​ട​മ​സ്ഥ​നാ​യ അ​ശോ​കേ​ട്ട​ൻ എ​വി​ടെ നി​ന്നൊ​ക്കെ​യോ സം​ഘ​ടി​പ്പി​ച്ച പ​ല​ത​രം ആ​ൻ​റി​ന​ക​ൾ മ​ണി​ക്കൂ​റു​ക​ൾ ട്യൂ​ൺ ചെ​യ്താ​ലാ​ണ് ആ​ളെ മ​ന​സ്സി​ലാ​കും വി​ധം വ്യ​ക്ത​ത​യി​ൽ ലൈ​വ് കി​ട്ടു​ക. ഞ​ങ്ങ​ൾ കു​ട്ടി​ക​ൾ നി​ല​ത്ത് ച​മ്രം​പ​ടി​ഞ്ഞി​രു​ന്നും മു​തി​ർ​ന്ന​വ​ർ ബെ​ഞ്ചി​ലും കോ​ണി​പ്പ​ടി​യി​ലു​മാ​യി ഇ​രു​ന്നും കാ​ണി​ക​ളാ​കും. സു​ലൈ​മാ​നി​ക്ക​യും ബാ​ല​കൃ​ഷ്ണേ​ട്ട​നും പ​ട്ടാ​ള​ക്കാ​ര​ൻ സ്റ്റൈ​ൽ പ​ഴ​യ കാ​ല ക​ളി​ക​ളു​ടെ വീ​ര​വാ​ദം തു​ട​ങ്ങി​യി​ട്ടു​ണ്ടാ​കും. പി​ന്നെ​യു​ള്ള വെ​റ്റ​റ​ൻ കാ​ണി​ക​ളാ​യ ചി​ല​രു​ടെ പ്ര​ധാ​ന വി​നോ​ദം ഞ​ങ്ങ​ൾ കു​ട്ടി​ക​ളെ പി​രി​ക​യ​റ്റു​ക എ​ന്ന​താ​യി​രു​ന്നു.

അ​ങ്ങ​നെ ഡീ​ഗോ മ​റ​ഡോ​ണ​യു​ടെ ക​ളി ലൈ​വാ​യി ക​ണ്ട ലോ​ക​ക​പ്പി​ൽ ബാ​റ്റി​സ്റ്റ്യൂ​ട്ട​യും ഒ​ർ​ട്ടേ​ഗ​യും ക​നീ​ജി​യ​യും ഒ​ന്നി​ച്ചി​റ​ങ്ങി​യി​ട്ടും ഇ​ഷ്ട ടീം ​അ​ർ​ജ​ന്‍റീ​ന ഒ​ന്നാം റൗ​ണ്ടി​ൽ ത​ന്നെ പു​റ​ത്താ​യി. അ​ർ​ജ​ന്‍റീ​ന​യോ​ടു​ള്ള പ്ര​ണ​യം ഏ​തൊ​രാ​ളെ​യും ബ്ര​സീ​ൽ വി​രു​ദ്ധ​നാ​ക്കു​ന്ന​തു​പോ​ലെ എ​ന്നേ​യും ബ്ര​സി​ലി​ന്‍റെ എ​തി​ർ പ​ക്ഷ​ത്തു​ള്ള ഇ​റ്റ​ലി​യോ​ടൊ​പ്പ​മാ​ക്കി. അ​ല്ലെ​ങ്കി​ൽ, എ​ങ്ങ​നെ​യാ​ണ് റൊ​മാ​രി​യോ​യും റൊ​ണാ​ഡോ​യും റൊ​ണാ​ൾ​ഡീ​ഞ്ഞോ​യും റോ​ബ​ർ​ട്ടോ കാ​ർ​ലോ​സും ക​ളി​ക്കു​ന്ന ഒ​രു ടീ​മി​നെ ന​മ്മ​ൾ വെ​റു​ക്കു​ക. അ​ങ്ങ​നെ അ​വ​സാ​നം വ​രെ ബെ​ബ​റ്റോ​ക്കും റൊ​മാ​രി​യോ​ക്കും എ​തി​രെ ക​ട്ട​ക്ക് നി​ന്ന ബാ​ജി​യോ ദു​ര​ന്ത നാ​യ​ക​നാ​യ​പ്പോ​ൾ റോ​മി​ൽ നി​ന്നും മി​ലാ​നി​ൽ നി​ന്നും ആ​യി​ര​ക്ക​ണ​ക്കി​ന് കി​ലോ​മീ​റ്റ​റു​ക​ൾ​ക്ക​പ്പു​റം ക​ണ്ണീ​ര​ണി​ഞ്ഞ് ഉ​റ​ക്കം ന​ഷ്ട​പ്പെ​ട്ട് ഞാ​നും ഇ​രു​ന്നു.

ലോ​ക​ക​പ്പ് ഓ​ർ​മ​ക​ൾ ടെ​ലി​വി​ഷ​ന് മു​ന്നി​ൽ മാ​ത്രം ഒ​തു​ങ്ങു​ന്ന​ത​ല്ല ഞ​ങ്ങ​ൾ​ക്ക്. കൊ​യ്ത്ത് ക​ഴി​ഞ്ഞ പാ​ടം ഉ​ഴു​തു മ​റി​ക്കാ​നു​ള്ള പൈ​സ വാ​ട​ക​യാ​യി കൊ​ടു​ത്ത് ക​വു​ങ്ങ് മു​റി​ച്ച് ഗോ​ൾ പോ​സ്റ്റാ​ക്കി ഓ​രോ​രു​ത്ത​രും മ​ന​സ്സി​ൽ റൊ​ണാ​ൾ​ഡോ​യും സി​ദാ​നും ദെ​ൽ​പി​യ​റോ​യും സാ​വി​യും ഗു​ള​ളി​റ്റു​മൊ​ക്കെ​യാ​യി ലു​ങ്കി​യു​മു​ടു​ത്ത് ന​ഗ്ന​പാ​ദ​നാ​യി ക​ള​ത്തി​ൽ ഇ​റ​ങ്ങും. മ​ഗ്​​രി​ബ് ബാ​ങ്ക് കൊ​ടു​ത്താ​ൽ ക​ളി നി​ർ​ത്ത​ണ​മെ​ന്ന നാ​ട്ടു മ​ര്യാ​ദ അ​നു​സ​രി​ച്ച് ക​ളി നി​ർ​ത്തി​യാ​ലും റോ​ഡ​രി​കി​ൽ നി​റ​ഞ്ഞു​നി​ന്ന് വൈ​കും വ​രെ വാ​ഗ്വാ​ദ​ങ്ങ​ളും പ​ര​സ്പ​രം പ​രി​ഹാ​സ​ങ്ങ​ളു​മാ​യി ഇ​നി​യൊ​രി​ക്ക​ലും ഈ​യൊ​രു സു​ന്ദ​ര നി​മി​ഷം തി​രി​ച്ചു​കി​ട്ടി​ല്ലെ​ന്ന് അ​റി​യാ​തെ നാ​ളെ കാ​ണാം എ​ന്നു പ​റ​ഞ്ഞ് ത​ല്ലി​പ്പി​രി​യും. ലോ​ക​ക​പ്പ് കാ​ലം അ​ന്ന് ടി.​വി​യു​ള്ള അ​ശോ​കേ​ട്ട​ന്‍റെ​യും സു​ര​ൻ മാ​സ്റ്റ​റ്റു​ടേ​യും വീ​ട്ടു​കാ​ർ​ക്കും അ​യ​ൽ​വാ​സി​ക​ൾ​ക്കും ഞ​ങ്ങ​ൾ ഉ​റ​ക്ക​മി​ല്ലാ​ത്ത രാ​വ് സ​മ്മാ​നി​ച്ചി​രു​ന്നു. അ​ങ്ങ​നെ​യാ​ണ് ക​ളി ജീ​വി​തം ക​ഴി​ഞ്ഞ് പ്ര​വാ​സ​ത്തി​ലേ​ക്ക് ക​ട​ക്കു​ന്ന സ​മ​യ​ത്ത് 2006 ലോ​ക​ക​പ്പി​ൽ ക്വാ​ർ​ട്ട​റി​ൽ പു​റ​ത്താ​യ അ​ർ​ജ​ന്‍റീ​ന​ക്കു​പ​ക​രം സി​ദാ​ന്‍റെ ഫ്രാ​ൻ​സി​നെ നെ​ഞ്ചി​ലെ​ടു​ക്കു​ന്ന​ത്. 1998 ഫൈ​ന​ലി​ൽ ബ്ര​സീ​ലി​ന്‍റെ ഗോ​ൾ​വ​ല തു​ള​ച്ച ബു​ള്ള​റ്റ് ഹെ​ഡ​ർ ഉ​തി​ർ​ത്ത സി​ദാ​ന്‍റെ ആ ​മൊ​ട്ട​ത്ത​ല 2006ൽ ​മാ​ർ​ക്കോ മ​റ്റ​രാ​സി​യു​ടെ നെ​ഞ്ചി​ൻ കൂ​ട് ഇ​ള​ക്കു​ന്ന​ത് കാ​ണു​ന്ന​ത്. അ​ന്ന് ട്രൈ ​ബ്രേ​ക്ക​റി​നു​ശേ​ഷം ആ​ദ്യ​മാ​യി തോ​റ്റ ടീ​മി​നു​വേ​ണ്ടി നി​ര​ത്തി​ലി​റ​ങ്ങി ഞ​ങ്ങ​ൾ ആ​ഹ്ലാ​ദ പ്ര​ക​ട​നം ന​ട​ത്തി ആ​ർ​ത്തു​വി​ളി​ച്ചു.

ഞ​ങ്ങ​ൾ​ക്കെ​ന്താ തോ​റ്റൂ​ടേ, സി​ദാ​നെ​ന്താ തോ​റ്റൂ​ടേ...

അ​ന്ന​ത്തെ പ​തി​നാ​ലും ഇ​രു​പ​ത്തൊ​ന്നും ബ്ലാ​ക്ക് ആ​ൻ​ഡ് വൈ​റ്റും പി​ന്നെ ക​ള​റെ​ന്ന് പ​റ​യാ​വു​ന്ന ടി.​വി​ക്കും മു​ന്നി​ൽ നി​ന്ന് വ​ർ​ഷ​ങ്ങ​ളും ക​ളി​യും ആ​ഫ്രി​ക്ക​യി​ൽ എ​ത്തി​യ​പ്പോ​ൾ ക​ളി​യേ​ക്കാ​ൾ ഷാ​ക്കി​റ​യും വാ​ക്ക വാ​ക്ക​യും. പി​ന്നീ​ട് മെ​സ്സി​യും നെ​യ്മ​റും ഒ​ക്കെ​യാ​യി അ​റ​ബ് മ​രു​ഭൂ​മി​യി​ൽ എ​ത്തി​നി​ൽ​ക്കു​ന്നു.

ദൈ​വാ​നു​ഗ്ര​ഹം ഉ​ണ്ടെ​ങ്കി​ൽ ഡി​സം​ബ​ർ 18ന് ​ലു​സൈ​ൽ സ്റ്റേ​ഡി​യ​ത്തി​ൽ ഫൈ​ന​ലി​ന് പോ​റ്റ​മ്മ നാ​ടി​ന്‍റെ വ​ള​ന്റി​യ​ർ ആ​യി ഉ​ണ്ടാ​കും. ശി​ഹാ​ബു​വും സു​നി​യും റി​ഗേ​ഷും ഫാ​റൂ​ഖും തു​ട​ങ്ങി നാ​ട്ടി​ലെ ച​ങ്കു​ക​ൾ ഒ​രു മി​ന്നാ​യം പോ​ലെ സ്ക്രീ​നി​ൽ എ​വി​ടേ​യോ ന​മ്മ​ളേ​യും തി​ര​യും. അ​ങ്ങ​നെ അ​വ​ർ ന​മ്മ​ളെ ക​ണ്ടാ​ൽ ഖ​ത്ത​ർ ത​രു​ന്ന ഒ​ട്ടേ​റെ സൗ​ഭാ​ഗ്യ​ങ്ങ​ളി​ൽ ഒ​ന്നാ​യി അ​തും മാ​റും.