ശബരിമല സ്​ത്രീ ​പ്രവേശം: പുനഃപരിശോധന ഹരജി നൽകണം ^യു.ഡി.എഫ്​

ദോഹ: ശബരിമല സ്​ത്രീ പ്രവേശന വിഷയത്തിൽ സുപ്രീംകോടതിയിൽ പുനഃപരിശോധന ഹരജി നൽകണമെന്നതാണ്​ തങ്ങളുടെ നിലപാടെന്ന്​ യു.ഡി.എഫ്​ ചെയർമാൻ ബെന്നി ബെഹനാൻ. ശബരിമലയിൽ സ്​ത്രീകളെ പ്രവേശിപ്പിക്കുന്നതിൽ സമൂഹത്തിൽ സമവായം ഉണ്ടാകുന്നത്​ വരെ കാത്തിരിക്കുകയാണ്​ വേണ്ടത്​. ശബരിമലയിൽ സ്​ത്രീകളെ പ്രവേശിപ്പിക്കണമെന്ന കോടതി ഉത്തരവിനെ ആദ്യം സ്വാഗതം ചെയ്​തത്​ ആർ.എസ്​.എസ്​ ആണെന്നത്​ നാം ശ്രദ്ധിക്കണം​. ഏക സിവിൽ കോഡ്​ നടപ്പാക്കാനുള്ള മാർഗങ്ങളിലൊന്നായി ആർ.എസ്​.എസ്​ ഇൗ വിധിയെ ദുരുപയോഗം ചെയ്യാനുള്ള സാധ്യതയും ഉ​ണ്ട്​. യു.ഡി.എഫ്​ ചെയർമാനായി ​െതരഞ്ഞെടുക്കപ്പെട്ട ശേഷം ആദ്യമായി ദോഹയിലെത്തിയ ബെന്നി ബെഹനാൻ ​ഖത്തർ ഇന്ത്യൻ മീഡിയ ഫോറത്തി​​​​െൻറ മീറ്റ്​ ദ പ്രസിൽ സംസാരിക്കുകയായിരുന്നു.

വരുന്ന ലോക്​സഭാ തെരഞ്ഞെടുപ്പ്​ ഇന്ത്യയെ സംബന്ധിച്ച്​ സുപ്രധാനമാണ്​. രാജ്യത്തി​​​​െൻറ മതേതരത്വവും ജനാധിപത്യവും നിലനിർത്താൻ ഒാരോരുത്തരും രംഗത്തിറങ്ങേണ്ട സാഹചര്യമാണ്​. നാലര വർഷത്തെ ഭരണത്തിലൂടെ ന​േരന്ദ്ര മോഡിയും ബി.ജെ.പിയും ഇന്ത്യയെ എല്ലാ തലത്തിലും പിന്നോട്ടടിപ്പിച്ചു. കള്ളപ്പണം വിദേശത്ത്​ നിന്ന്​ കൊണ്ടുവന്ന്​ നാട്ടുകാർക്ക്​ വിതരണം ചെയ്യുമെന്ന്​ പറഞ്ഞ്​ അധികാരത്തിലെത്തിയവർ നാലര വർഷം പിന്നിട്ടപ്പോൾ കള്ളപ്പണവും കിട്ടാക്കടവും വർധിക്കുകയാണ്​. ആയിരക്കണക്കിന്​ കോടികൾ വായ്​പയെടുത്ത ശേഷം വിദേശത്തേക്ക്​ രക്ഷപ്പെടുകയാണ്​.
നോട്ടുനിരോധനത്തിലൂടെ ഇന്ത്യയിലെ കള്ളപ്പണം വെളുപ്പിക്കാനുള്ള അവസരമാണ്​ മോഡി ഉണ്ടാക്കികൊടുത്തത്​. നോട്ടു നിരോധനവും അവധാനതയില്ലാതെ നടപ്പാക്കിയ ജി.എസ്​.ടിയും എല്ലാം സാധാരണക്കാരുടെ ജീവിതം പ്രയാസത്തിലാക്കി. റഫാൽ അഴിമതിയിലൂടെ രാജ്യത്തി​​​​െൻറ പ്രതിരോധ രംഗത്ത്​ നിലനിന്നിരുന്ന സംവിധാനങ്ങളെ കൂടി മോഡി തകർത്തു. 4500 യുദ്ധ വിമാനങ്ങൾ നിർമിച്ച എച്ച്​.എ.എല്ലിനെ ഒഴിവാക്കിയാണ്​ ഏതാനും ദിവസങ്ങൾ മുമ്പ്​ മാത്രം രജിസ്​റ്റർ ചെയ്​ത അനിൽ അംബാനിയുടെ കമ്പനിക്ക്​ റഫാൽ കരാർ കൈമാറിയത്​. പ്രതിരോധ കരാറുകൾ ഒപ്പുവെക്കു​​േമ്പാൾ സ്വീകരിക്കേണ്ട കീഴ്​വഴക്കങ്ങളെല്ലാം മോഡി ഒഴിവാക്കിയതായും ബെന്നി ബെഹനാൻ പറഞ്ഞു.

അതേസമയം, കേരളത്തിലും ഏകാധിപത്യ രീതിയിലുള്ള ഭരണമാണ്​ നടക്കുന്നത്​. ബ്രൂവറികളും ഡിസ്​റ്റിലറിയും അനുവദിക്കാനുള്ള തീരുമാനം ആരെയും അറിയിക്കാതെ നടപ്പാക്കാനായിരുന്നു ശ്രമം. കളമശ്ശേരി, കാക്കനാട്​, കൊച്ചിൻ കോർപറേഷൻ മേഖലകളിലേക്ക്​ കുടിവെള്ള ശുദ്ധീകരണ പ്ലാൻറിന്​ മാറ്റിവെച്ച കിൻഫ്രയുടെ സ്ഥലം ബ്രുവറീസിനായി നൽകാനാണ്​ തീരുമാനം. കിൻഫ്രയിൽ ഇതുസംബന്ധിച്ച്​ ഉത്തരവുകൾ പുറപ്പെടുവിച്ച ഉദ്യോഗസ്ഥൻ സി.പി.എമ്മുമായി അടുത്ത ബന്ധമുള്ളയാളാണ്​. യോഗ്യതയിൽ കാണിച്ച പരിചയമില്ലാതെ ജോലിയിൽ പ്രവേശിച്ച ഇയാൾക്ക്​, അനർഹമായി സ്ഥാനക്കയറ്റങ്ങൾ ലഭിച്ചതായും അദ്ദേഹം പറഞ്ഞു. ഇ.പി. ജയരാജൻ മുമ്പ്​ അനധികൃത നിയമനങ്ങളുടെ പേരിലാണ്​ രാജി​െ​വക്കേണ്ടി വന്നതെന്നും സമാന സാഹചര്യം ഇപ്പോഴും നിലനിൽക്കുന്നുണ്ടെന്നും ബെന്നി ബെഹനാൻ പറഞ്ഞു. കേന്ദ്ര സർക്കാറി​​​​െൻറ റഫാൽ അഴിമതി, സംസ്ഥാന സർക്കാറി​​​​െൻറ ബ്രുവറീസ്​ ക്രമക്കേട്​ എന്നിവക്കെതിരെ രാജ്​ഭവന്​ മുന്നിലും ജില്ലാ കേന്ദ്രങ്ങളിലും യു.ഡി.എഫ്​ പ്രക്ഷോഭം ആരംഭിക്കും. ലോക്​സഭാ തെരഞ്ഞെടുപ്പിന്​ ഒരുങ്ങുന്നതി​​​​െൻറ ഭാഗമായി നവംബർ 14ന്​ എല്ലാ സ്ഥലങ്ങളിലും യു.ഡി.എഫ്​ ബൂത്ത​ുകമ്മിറ്റികൾ വിളിച്ചുചേർക്കുമെന്നും അദ്ദേഹം പറഞ്ഞു. വരുന്ന തെരഞ്ഞെടുപ്പിൽ പരമാവധി സീറ്റുകൾ നേടാനാണ്​ ശ്രമിക്കുക. ബി.ജെ.പിക്കെതിരെ കോൺഗ്രസി​​​​െൻറ നേതൃത്വത്തിലാണ്​ പോരാട്ടമെന്നതിനാൽ സി.പി.എമ്മിന്​ ചെയ്യുന്ന വോട്ടുകളെല്ലാം നോട്ടക്ക്​ തുല്യമാകുമെന്നും അദ്ദേഹം പറഞ്ഞു.പ്രവാസി വോട്ടിന്​ കൂടി സാധ്യതയുള്ള പശ്​ചാത്തലത്തിൽ പ്രവാസ ലോകത്ത്​ യു.ഡി.എഫ്​ പ്രവർത്തനം കൂടുതൽ ശക്​തമാക്കും. യു.ഡി.എഫിനെ പിന്തുണക്കുന്ന എല്ലാ സംഘടനകളുടെയും യോഗം വിളിക്കുമെന്നും ബെന്നി ബെഹനാൻ പറഞ്ഞു.