സോൾ ഖത്തർ ഫൈനൽ ഇന്ന്​; വിജയൻ മുഖ്യാതിഥി

ദോഹ: മുൻ ഫുട്​ബാൾ താരങ്ങളുടെ കൂട്ടായ്മയായ സോൾ ഖത്തർ സംഘടിപ്പിക്കുന്ന എ.എസ്​. ഫിറോസ്, ധനരാജ് മെമ്മോറിയൽ അഖിലേന്ത്യ സെവന്‍സ്​ ഫുട്​ബാൾ ടൂർണമെന്‍റിൽ ഇന്ന്​ കിരീടപോരാട്ടം. ദോഹ മിസൈമിറിലെ ഹാമിൽട്ടൺ ഇന്റർനാഷനൽ സ്കൂളിൽ വെള്ളിയാഴ്ച രാത്രി എട്ടിനാണ്​ ഫൈനൽ.

മുൻ ഇന്ത്യൻ ക്യാപ്​റ്റൻ ഐ.എം വിജയൻ മുഖ്യാതിഥിയായി പ​ങ്കെടുക്കും. വ്യാഴാഴ്ച രാത്രിയിൽ നടന്ന അലി ഇന്‍റർനാഷനൽ എഫ്​.സി- ഫ്രൈഡേ എഫ്​.സി, ഒലെ എഫ്​.സി, -​ഫ്ലൈവെൽ ടൂർസ്​ മത്സരത്തിലെ വിജയികൾ ഫൈനലിൽ ഏറ്റുമുട്ടും.