സാം​സ്‌​കാ​രി​ക പ​രി​പാ​ടി​ക​ൾ​ക്ക് സു​ര​ക്ഷ ലൈ​സ​ൻ​സ് നി​ർ​ബ​ന്ധം

ദോ​ഹ: ഖ​ത്ത​റി​​ൽ ക​ലാ, സാം​സ്‌​കാ​രി​ക പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​തി​ന് സി​വി​ൽ ഡി​ഫ​ൻ​സ് ലൈ​സ​ൻ​സ് ഉ​ൾ​പ്പെ​ടെ​യു​ള്ള സു​ര​ക്ഷ അ​നു​മ​തി​യും അം​ഗീ​കാ​ര​വും നി​ർ​ബ​ന്ധ​മാ​ണെ​ന്ന് ഖ​ത്ത​ർ സാം​സ്‌​കാ​രി​ക മ​ന്ത്രാ​ല​യം അ​റി​യി​ച്ചു. പ​രി​പാ​ടി​ക​ളി​ൽ പ​ങ്കെ​ടു​ക്കാ​നെ​ത്തു​ന്ന കാ​ണി​ക​ളു​ടെ​യും അ​തി​ഥി​ക​ളു​ടെ​യും സു​ര​ക്ഷ ഉ​റ​പ്പാ​ക്കു​ക​യാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​ത്.

പ​രി​പാ​ടി​ക​ൾ​ക്ക് അ​നു​മ​തി ല​ഭി​ക്കു​ന്ന​തി​നാ​യു​ള്ള സി​വി​ൽ ഡി​ഫ​ൻ​സ്, സു​ര​ക്ഷ സം​വി​ധാ​ന ലൈ​സ​ൻ​സു​ക​ൾ ക​ര​സ്ഥ​മാ​ക്കു​ന്ന​തി​നു​ള്ള മാ​ന​ദ​ണ്ഡ​ങ്ങ​ളും മ​ന്ത്രാ​ല​യം പു​റ​ത്തു​വി​ട്ടു. സു​ര​ക്ഷി​ത​മാ​യി പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​തി​നു​ള്ള വേ​ദി​ക​ളു​ടെ യോ​ഗ്യ​ത സ​ർ​ട്ടി​ഫി​ക്ക​റ്റ് പ​രി​പാ​ടി​ക​ൾ​ക്കു മു​മ്പാ​യി ബ​ന്ധ​പ്പെ​ട്ട അ​ധി​കാ​രി​ക​ൾ​ക്കു മു​ന്നി​ൽ സ​മ​ർ​പ്പി​ച്ചി​രി​ക്ക​ണ​മെ​ന്ന് സാം​സ്‌​കാ​രി​ക മ​ന്ത്രാ​ല​യം നി​ർ​ദേ​ശി​ച്ചു.

അ​ത​നു​സ​രി​ച്ച് സു​ര​ക്ഷ ഉ​റ​പ്പാ​ക്കു​ന്ന​തി​നാ​യി ഹോ​ട്ട​ലു​ക​ൾ, ഹാ​ളു​ക​ൾ, ഷോ​പ്പി​ങ് മാ​ളു​ക​ൾ, ഇ​ൻ​ഡോ​ർ-​ഔ​ട്ട്ഡോ​ർ വേ​ദി​ക​ൾ തു​ട​ങ്ങി എ​ല്ലാ സ്ഥ​ല​ങ്ങ​ളി​ലും ന​ട​ക്കു​ന്ന പ​രി​പാ​ടി​ക​ൾ​ക്കും ക​ലാ​പ്ര​ക​ട​ന​ങ്ങ​ൾ​ക്കും അ​നു​മ​തി ല​ഭി​ക്കു​ന്ന​തി​ന് ആ​വ​ശ്യ​മാ​യ മാ​ന​ദ​ണ്ഡ​ങ്ങ​ളും മ​ന്ത്രാ​ല​യം വ്യ​ക്ത​മാ​ക്കി.

പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​തി​ന് മ​ന്ത്രാ​ല​യ​ത്തി​ൽ നി​ന്നു​ള്ള അ​വ​ശ്യ ലൈ​സ​ൻ​സ് ന​ൽ​കു​ന്ന​തി​ന് നി​ർ​ബ​ന്ധി​ത സു​ര​ക്ഷ ലൈ​സ​ൻ​സു​ക​ൾ​ക്ക് പു​റ​മേ ഹോ​ട്ട​ലു​ക​ൾ, റ​സ്റ്റാ​റ​ന്റു​ക​ൾ, ഷോ​പ്പി​ങ് മാ​ളു​ക​ൾ എ​ന്നി​വ​ക്ക് ഖ​ത്ത​ർ ടൂ​റി​സ​ത്തി​ൽ നി​ന്നു​ള്ള അ​നു​മ​തി​ക​ളും ആ​വ​ശ്യ​മാ​ണ്.

പ​ങ്കെ​ടു​ക്കു​ന്ന മു​ഴു​വ​ൻ ആ​ളു​ക​ളു​ടെ​യും സു​ര​ക്ഷ ഉ​റ​പ്പാ​ക്കു​ക​യും സു​ര​ക്ഷി​ത​മാ​യ അ​ന്ത​രീ​ക്ഷ​ത്തി​ലാ​ണ് പ​രി​പാ​ടി​ക​ൾ ന​ട​ക്കു​ന്ന​തെ​ന്ന് ഉ​റ​പ്പു​വ​രു​ത്തു​ക​യു​മാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​തെ​ന്ന് മ​ന്ത്രാ​ല​യം ഊ​ന്നി​പ്പ​റ​ഞ്ഞു. അ​തേ​സ​മ​യം ഈ ​വ​ർ​ഷം ജ​നു​വ​രി മു​ത​ൽ ജൂ​ൺ വ​രെ സാം​സ്‌​കാ​രി​ക, ക​ലാ, സാ​മൂ​ഹി​ക പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​തി​ന് ഏ​ക​ദേ​ശം 3000 ലൈ​സ​ൻ​സു​ക​ളാ​ണ് മ​ന്ത്രാ​ല​യം അ​നു​വ​ദി​ച്ച​ത്.

പ്ര​വാ​സി മ​ല​യാ​ളി സം​ഘ​ട​ന​ക​ളും സ്ഥാ​പ​ന​ങ്ങ​ളും ഉ​ൾ​പ്പെ​ടെ നി​ര​വ​ധി കൂ​ട്ടാ​യ്മ​ക​ളു​ടെ നേ​തൃ​ത്വ​ത്തി​ലാ​ണ് ഓ​രോ വാ​രാ​ന്ത്യ​ത്തി​ലും സം​ഗീ​ത, ക​ലാ​പ​രി​പാ​ടി​ക​ൾ അ​ര​ങ്ങേ​റു​ന്ന​ത്.