ജി.സി.സി സെക്രട്ടറി ജനറലുമായി അമീർ കൂടിക്കാഴ്ച നടത്തി

ദോഹ: അമീരി ദിവാനിലെത്തിയ ജി.സി.സി സെക്രട്ടറി ജനറൽ ഡോ. അബ്​ദുല്ലതീഫ് ബിൻ റാഷിദ് അൽ സയാനി അമീർ ശൈഖ് തമീം ബിൻ ഹമദ് ആൽഥാനിയുമായി കൂടിക്കാഴ്ച നടത്തി. ഗൾഫ് സഹകരണ സമിതിയുടെ സംയുക്ത നടപടികളുമായി ബന്ധപ്പെട്ട നിരവധി പ്രശ്നങ്ങൾ ഇരുവരും കൂടിക്കാഴ്ചയിൽ ചർച്ച ചെയ്തു. 
ജി.സി.സി രാഷ്​ട്ര നേതാക്കളുടെ 17ാമത് യോഗത്തിൽ ചർച്ച ചെയ്യാനിരിക്കുന്ന അജണ്ടകളിലെ പ്രധാന വിഷയങ്ങളും യോഗത്തി​​െൻറ തയ്യാറെടുപ്പുകളുമായി ബന്ധപ്പെട്ടും അമീർ–ഡോ. അൽ സയാനി കൂടിക്കാഴ്ചയിൽ വിശകലനം ചെയ്തു. 

ജി.സി.സി രാജ്യങ്ങളും അമേരിക്കയും തമ്മിൽ നടക്കാനിരിക്കുന്ന ഉച്ചകോടിയുമായി ബന്ധപ്പെട്ടും ഇരു നേതാക്കളും കൂടിക്കാഴ്ചയിൽ ചർച്ച ചെയ്തു.