എം.ഇ.എസ് വിദ്യാർഥികൾക്ക് രണ്ടാം സ്ഥാനം
text_fieldsദോഹ: യങ് ഇന്നൊവേറ്റർ അവാർഡ് മത്സരത്തിൽ എം.ഇ.എസ് ഇന്ത്യൻ സ്കൂൾ വിദ്യാർഥികളായ അനുഗ്രഹ് കൃഷ്ണ ശ്രീജിത്തും സാരംഗ് ഉപ്പമൂച്ചിക്കൽ ടീമിന് രണ്ടാം സ്ഥാനം.
മരൂഭൂ കാലവസ്ഥയിലെ സുസ്ഥിര ഉൗർജവും പരിസ്ഥിതിയും എന്ന വിഷയത്തിലെ രാജ്യാന്തര സമ്മേളനത്തിെൻറ ഭാഗമായാണ് യങ് ഇന്നൊവേറ്റർ അവാർഡ് മത്സരം സംഘടിപ്പിച്ചത്. ആറ് മുതൽ ഒമ്പത് വയസ്സുവരെയുള്ള വിദ്യാർഥികൾക്കായി ജൂനിയർ ലെവൽ, 10-13 വയസ്സുവരെ ഇൻറർമീഡിയറ്റ് ലെവൽ, 14-17 വയസ്സുവരെയുള്ളവർക്കായി സീനിയർ ലെവൽ എന്നീ മൂന്ന് വിഭാഗങ്ങളിലായാണ് മത്സരം സംഘടിപ്പിച്ചത്. ഓരോ വിഭാഗങ്ങളിലും രണ്ട് സെക്ഷനുകളിലായി മത്സരം നടന്നു. 800 ഓളം വിദ്യാർഥികൾ മത്സരിച്ച സീനിയർ വിഭാഗത്തിൽനിന്നും ഫൈനലിൽ
അഞ്ചു പേരാണ് ഇടം നേടിയത്. അവരിൽ നിന്നാണ് എം.ഇ.എസ് ടീം രണ്ടാം സ്ഥാനത്തെത്തിയത്. മികച്ച വിജയം നേടിയ വിദ്യാർഥികളെയും ടീമിനെ ഒരുക്കിയ കെമിസ്ട്രി വിഭാഗം അധ്യാപകൻ ഹബീബ് എസ്. റഹ്മാനെയും സ്കൂൾ പ്രിൻസിപ്പൽ ഹമീദ ഖാദർ അഭിനന്ദിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.