Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightസീഷോർ ഗ്രൂപ്പ്​ 150...

സീഷോർ ഗ്രൂപ്പ്​ 150 ടിക്കറ്റുകൾ നൽകി; കാരുണ്യച്ചിറകിലേറി നാടണയാം 

text_fields
bookmark_border
wings-of-compassion-13520.jpg
cancel

ദോഹ: നാടണയാൻ ആശയേറെയുണ്ടായിട്ടും വിമാനടിക്കറ്റിന്​ പണമില്ലെന്ന കാരണത്താൽ കഷ്​ടപ്പെടുന്ന പ്രവാസികൾക്കായി ‘ഗൾഫ്​ മാധ്യമ’വും മീഡിയ വണ്ണും ചേർന്നൊരുക്കിയ ‘വിങ്​സ്​ ഒാഫ്​ കംപാഷൻ’ പദ്ധതിക്ക്​ പ്രിയം കൂടുന്നു. ഖത്തറിലെ സീഷോർ ഗ്രൂപ്പ്​ പദ്ധതിയിയിലേക്ക്​ 150 ടിക്കറ്റുകൾ നൽകി. 

ഖത്തറിലെ പ്രമുഖ എൻജിനീയറിങ്​ സ്​റ്റീൽ മാനുഫാക്​ചറിങ്​ ഗ്രൂപ്പാണ്​ സീഷോർ. കോവിഡ്​ കാലത്ത്​ അർഹരായ പ്രവാസികളെ നാട്ടിലെത്തിക്കുക എന്നത്​ ഏറ്റവും മഹത്തരമായ കാര്യമാണെന്നും ഇതിൽ സഹകരിക്കാനാവുന്നതിൽ സന്തോഷമുണ്ടെന്നും സീഷോർ അധികൃതർ പറഞ്ഞു.  

ദിനംതോറും പദ്ധതിയുമായി സഹകരിക്കാൻ ഉദാരമനസ്​കർ എത്തുകയാണ്​. ഇന്ത്യൻ എംബസിയിൽ പേര്​ ചേർത്ത്​  യാത്രക്ക്​ തെരഞ്ഞെടുക്ക​പ്പെട്ട അർഹരാണ്​ ഇതിനായി അപേക്ഷിക്കേണ്ടത്​. https://woc.madhyamam.com/ എന്ന  വെബ്​സൈറ്റിലൂടെ ടിക്കറ്റിനായി രജിസ്​റ്റർ ചെയ്യാം.   

കോവിഡിൻെറ പശ്​ചാത്തലത്തിൽ ഇന്ത്യക്കാരെ നാട്ടിലെത്തിക്കാൻ ഇന്ത്യൻ സർക്കാർ അയക്കുന്ന പ്രത്യേക വിമാനങ്ങളിലെ  യാത്രക്ക്​ തെരഞ്ഞെടുക്കപ്പെട്ടിട്ടും ടിക്കറ്റിന്​ പണമില്ലാതെ കഷ്​ടപ്പെടുന്നവർക്കാണ്​ വിമാനടിക്കറ്റുകൾ നൽകുന്നത്​.

നൻമ വറ്റാത്ത പ്രവാസി സമൂഹവും വ്യവസായ നായകരും നിശബ്​ദ സേവകരും കൈകോർത്താണ്​ ‘വിങ്​സ്​ ഒാഫ്​  കംപാഷൻ’ പദ്ധതി യാഥാർഥ്യമാക്കുന്നത്​. പദ്ധതിയുമായി സഹകരിക്കാൻ താൽപര്യമുള്ളവർക്ക്​ ഖത്തറിൽ 00974 5509  1170 നമ്പറിൽ വാട്​സ്​ആപ്പ്​ ചെയ്യാം. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gulf newsPravasi ReturnWings Of Compassionseashore group
News Summary - sea shore group donates 150 tickets
Next Story