പൊ​ള്ളും ​ചൂ​ട്; ഉ​ച്ച​പ്പ​ണി നി​യ​ന്ത്ര​ണം വ​രു​ന്നു

ദോ​ഹ: മേ​യ് മാ​സം പ​കു​തി​യോ​ടെ ത​ന്നെ ചൂ​ട് ക​ന​ത്ത​തോ​ടെ ഖ​ത്ത​റി​ലെ മ​ധ്യാ​ഹ്ന ഉ​ച്ച വി​ശ്ര​മ നി​യ​മ​വും ആ​രം​ഭി​ക്കു​ന്നു. പു​റം ജോ​ലി​ക​ളി​ൽ ഏ​ർ​പ്പെ​ടു​ന്ന​വ​ർ​ക്കു​ള്ള നി​ർ​ബ​ന്ധി​ത ഉ​ച്ച​വി​ശ്ര​മ നി​യ​മം ജൂ​ൺ ഒ​ന്നു​മു​ത​ൽ പ്രാ​ബ​ല്യ​ത്തി​ൽ വ​രു​മെ​ന്ന് ഖ​ത്ത​ർ തൊ​ഴി​ൽ മ​ന്ത്രാ​ല​യം അ​റി​യി​ച്ചു. രാ​വി​ലെ 10 മു​ത​ൽ വൈ​കീ​ട്ട് 3.30 വ​രെ​യാ​ണ് പു​റം തൊ​ഴി​ലു​ക​ളി​ൽ ഏ​ർ​പ്പെ​ടു​ന്ന​വ​ർ​ക്ക് ​നി​യ​ന്ത്ര​ണം ഏ​ർ​പ്പെ​ടു​ത്തു​ന്ന​ത്. ഈ ​സ​മ​യ​ത്ത് വെ​യി​ൽ നേ​രി​ട്ട് പ​തി​ക്കു​ന്ന മേ​ഖ​ല​ക​ളി​ൽ ​ജോ​ലി ചെ​യ്യാ​ൻ പാ​ടി​ല്ല.

ഇ​തി​ന്റെ ഭാ​ഗ​മാ​യി, ജോ​ലി​സ്ഥ​ല​ങ്ങ​ളി​ലെ ഉ​ഷ്ണ​ത്തെ കു​റി​ച്ചും അ​തി​ന്റെ പ്ര​തി​രോ​ധ​ത്തെ​ക്കു​റി​ച്ചും അ​വ​ബോ​ധം വ​ള​ർ​ത്തു​ന്ന​തി​നാ​യി തൊ​ഴി​ൽ സു​ര​ക്ഷാ വി​ഭാ​ഗ​വും ആ​രോ​ഗ്യ വ​കു​പ്പും കാ​മ്പ​യി​ൻ ന​ട​ത്തു​ന്ന​താ​യി മ​ന്ത്രാ​ല​യം അ​റി​യി​ച്ചു. എ​ന്നു​വ​രെ നി​യ​മം തു​ട​രു​മെ​ന്ന് നി​ല​വി​ൽ അ​റി​യി​പ്പി​ല്ല. എ​ന്നാ​ൽ, സാ​ധാ​ര​ണ​യാ​യി ഇ​ത് സെ​പ്റ്റം​ബ​ർ പ​കു​തി​വ​രെ ബാ​ധ​ക​മാ​ണ്. മു​ൻ വ​ർ​ഷ​ങ്ങ​ളി​ൽ സെ​പ്റ്റം​ബ​ർ 15 വ​രെ​യാ​യി​രു​ന്നു ഉ​ച്ച​വി​ശ്ര​മ നി​യ​മം നി​ർ​ബ​ന്ധ​മാ​ക്കി​യ​ത്.

ജൂ​ൺ, ജൂ​ലൈ, ആ​ഗ​സ്റ്റ് മാ​സ​ങ്ങ​ളി​ൽ ഖ​ത്ത​റി​ലും ഇ​ത​ര ഗ​ൾ​ഫ് മേ​ഖ​ല​ക​ളി​ലും ചൂ​ട് ശ​ക്ത​മാ​ണ്. പു​റം തൊ​ഴി​ലും ഉ​ച്ച​വെ​യി​ൽ നേ​രി​ട്ട് പ​തി​ക്കും വി​ധ​മു​ള്ള യാ​ത്ര​യും ന​ട​ത്ത​വു​മെ​ല്ലാം ഈ ​സ​മ​യ​ങ്ങ​ളി​ൽ അ​പ​ക​ട​ത്തി​ന് വ​ഴി​യൊ​രു​ക്കും. ചൂ​ട് ശ​ക്ത​മാ​വു​ന്ന സ​മ​യ​ങ്ങ​ളി​ൽ ത​ണ​ലും, വാ​യു​സ​ഞ്ചാ​ര​വു​മു​ള്ള ഇ​ട​ങ്ങ​ളി​ൽ തൊ​ഴി​ൽ ചെ​യ്യാ​നു​ള്ള സാ​ഹ​ച​ര്യം തൊ​ഴി​ലു​ട​മ​ക​ൾ ഒ​രു​ക്ക​ണ​മെ​ന്നാ​ണ് ച​ട്ടം. നി​ശ്ചി​ത സ​മ​യ​ത്ത്​ തൊ​ഴി​ലാ​ളി​ക്ക്​ വി​ശ്ര​മം അ​നു​വ​ദി​ക്കു​ന്നു​വെ​ന്ന്​ ഉ​റ​പ്പു​വ​രു​ത്താ​നാ​യി മ​ന്ത്രാ​ല​യം നേ​തൃ​ത്വ​ത്തി​ൽ പ​രി​ശോ​ധ​ന ന​ട​ത്തു​ക​യും, ലം​ഘി​ക്കു​ന്ന ക​മ്പ​നി​ക​ൾ​ക്കെ​തി​രെ ന​ട​പ​ടി സ്വീ​ക​രി​ക്കു​ക​യും ചെ​യ്യും. ക​ഠി​ന​മാ​യ ചൂ​ട് മൂ​ല​മു​ണ്ടാ​കു​ന്ന ശാ​രീ​രി​ക പ്ര​യാ​സ​ങ്ങ​ൾ അ​ക​റ്റാ​ൻ വി​ശ്ര​മ സ്ഥ​ലം ഒ​രു​ക്ക​ൽ ഉ​ൾ​പ്പെ​ടെ വി​വി​ധ നി​ർ​ദേ​ശ​ങ്ങ​ൾ അ​ധി​കൃ​ത​ർ ന​ൽ​കു​ന്നു​ണ്ട്.

49 ഡി​ഗ്രി; ചൂ​ട് ഉ​യ​രു​ന്നു

മേ​യ് മാ​സം അ​വ​സാ​ന വാ​ര​ത്തി​ലെ​ത്തി​യ​പ്പോ​ഴേ​ക്കും ഖ​ത്ത​റി​ലെ ചൂ​ടി​​ന്റെ കാ​ഠി​ന്യം കു​തി​ച്ചു​യ​രു​ന്നു.ചൊ​വ്വാ​ഴ്ച രാ​ജ്യ​ത്തെ ഏ​റ്റ​വും കൂ​ടി​യ താ​പ​നി​ല 49 ഡി​ഗ്രി​യി​ലെ​ത്തി​ക്ക​ഴി​ഞ്ഞു. ജു​മൈ​ലി​യ​യി​ലാ​ണ് ചൊ​വ്വാ​ഴ്ച ഏ​റ്റ​വും ശ​ക്ത​മാ​യ ചൂ​ട് അ​നു​ഭ​വ​പ്പെ​ട്ട​ത്. മി​കൈ​നീ​സ്, ഷ​ഹാ​നി​യ, അ​ൽ ഖോ​ർ, ഗു​വൈ​രി​യ, ക​റാ​ന എ​ന്നി​വി​ട​ങ്ങ​ളി​ൽ ഇ​ത് 47 ഡി​ഗ്രി വ​രെ​യെ​ത്തി. ദോ​ഹ​യി​ൽ ക​ഴി​ഞ്ഞ ദി​വ​സം 42-43 വ​രെ അ​നു​ഭ​വ​പ്പെ​ട്ടു.വാ​രാ​ന്ത്യം ഉ​ൾ​പ്പെ​ടെ ദി​വ​സ​ങ്ങ​ളി​ൽ താ​പ​നി​ല വ​ർ​ധി​ക്കു​മെ​ന്ന് ഖ​ത്ത​ർ കാ​ലാ​വ​സ്ഥ വി​ഭാ​ഗം നേ​ര​ത്തെ മു​ന്ന​റി​യി​പ്പ് ന​ൽ​കി​യി​രു​ന്നു.