ഇ​ന്ത്യ​ൻ സ്കൂ​ളു​ക​ളി​ൽ പ്ര​വേ​ശ​നോ​ത്സ​വം

ദോ​ഹ: വാ​ർ​ഷി​ക പ​രീ​ക്ഷ​യു​ടെ ചൂ​ടും, പെ​രു​ന്നാ​ൾ അ​വ​ധി​യും ക​ഴി​ഞ്ഞ് ഖ​ത്ത​റി​ലെ 18ഓ​ളം ഇ​ന്ത്യ​ൻ സ്കൂ​ളു​ക​ൾ ഇ​ന്നു മു​ത​ൽ പു​തി​യ അ​ധ്യ​യ​ന വ​ർ​ഷ​ത്തി​ലേ​ക്ക്. മാ​ർ​ച്ച് അ​വ​സാ​ന വാ​ര​ത്തോ​ടെ വാ​ർ​ഷി​ക പ​രീ​ക്ഷ​ക​ളും, പ​ത്ത്, 12 സി.​ബി.​എ​സ്.​ഇ പൊ​തു​പ​രീ​ക്ഷ​ക​ളും പൂ​ർ​ത്തി​യാ​ക്കി​യാ​ണ് ഖ​ത്ത​റി​ലെ മു​ഴു​വ​ൻ ഇ​ന്ത്യ​ൻ സ്കൂ​ളു​ക​ളും ഏ​പ്രി​ൽ എ​ട്ടു മു​ത​ൽ പു​തി​യ അ​ധ്യ​യ​ന വ​ർ​ഷ​​ത്തി​ലേ​ക്ക് പ്ര​വേ​ശി​ക്കു​ന്ന​ത്. ​പ​ത്തു ദി​വ​സം വ​രെ നീ​ണ്ട അ​വ​ധി ആ​ഘോ​ഷി​ച്ച് വീ​ണ്ടും പ​ഠ​ന​ത്തി​ര​ക്കി​ലേ​ക്ക് തി​രി​കെ​യെ​ത്തു​ന്ന​തി​ന്റെ സ​ന്തോ​ഷ​ത്തി​ലാ​ണ് വി​ദ്യാ​ർ​ഥി​ക​ൾ. ഇ​ത്ത​വ​ണ അ​വ​ധി​യും ക​ഴി​ഞ്ഞ് സ്ഥാ​ന​ക്ക​യ​റ്റം നേ​ടി​യ ക്ലാ​സു​ക​ളി​ലേ​ക്കാ​വും വി​ദ്യാ​ർ​ഥി​ക​ളു​ടെ വ​ര​വ് എ​ന്ന സ​വി​ശേ​ഷ​ത​യു​മു​ണ്ട്.

ജൂ​ൺ അ​വ​സാ​ന വാ​ര​ത്തി​ൽ വേ​ന​ല​വ​ധി​ക്ക് പി​രി​യും മു​മ്പേ പു​തി​യ അ​ധ്യ​യ​ന വ​ർ​ഷ​ത്തി​ലെ ആ​ദ്യ ഭാ​ഗ​ങ്ങ​ൾ പൂ​ർ​ത്തി​യാ​ക്കാ​നു​ള്ള ത​യാ​റെ​ടു​പ്പി​ലാ​ണ് സ്കൂ​ൾ അ​ധി​കൃ​ത​ർ. ര​ണ്ട​ര മാ​സ​ത്തി​ലേ​റെ ക്ലാ​സു​ക​ൾ​ക്ക് സ​മ​യ​മു​ള്ള​തി​നാ​ൽ, പാ​ഠ​ഭാ​ഗ​ങ്ങ​ളി​ൽ നാ​ലി​ൽ ഒ​ന്ന് പൂ​ർ​ത്തി​യാ​ക്കാ​നും ക​ഴി​യും. പ​ത്ത്, 12 പ​രീ​ക്ഷ ഫ​ലം മേ​യ് അ​വ​സാ​ന വാ​ര​ത്തി​ൽ പ്ര​സി​ദ്ധീ​ക​രി​ക്കു​മെ​ന്നാ​ണ് പ്ര​തീ​ക്ഷ. എ​ങ്കി​ലും, 11ാം ക്ലാ​സു​ക​ൾ ഫ​ല​ത്തി​ന് കാ​ത്തി​രി​ക്കാ​തെ ത​ന്നെ സ്കൂ​ളു​ക​ളി​ൽ ആ​രം​ഭി​ക്കും.

പു​തി​യ അ​ധ്യ​യ​ന വ​ർ​ഷ​ത്തി​ലേ​ക്ക് വി​ദ്യാ​ർ​ഥി​ക​ളെ വ​ര​വേ​ൽ​ക്കാ​ൻ സ്കൂ​ളു​ക​ൾ ത​യാ​റെ​ടു​ത്ത​താ​യി നോ​ബി​ൾ ഇ​ന്റ​ർ​നാ​ഷ​ന​ൽ സ്കൂ​ൾ പ്രി​ൻ​സി​പ്പ​ൽ ഷി​ബു അ​ബ്ദു​ൽ റ​ഷീ​ദ് പ​റ​ഞ്ഞു.

അ​ൽ മെ​ഷാ​ഫ്, അ​ൽ ഹി​ലാ​ൽ, ഐ​ൻ ഖാ​ലി​ദ് അ​ൽ വു​കൈ​ർ കാ​മ്പ​സു​ക​ളി​ൽ എ​ട്ട് മു​ത​ൽ 10 വ​രെ തീ​യ​തി​ക​ളാ​യി ക്ലാ​സ് ആ​രം​ഭി​ക്കും. കെ.​ജി ക്ലാ​സു​ക​ളി​ലേ​ക്ക് പ്ര​വേ​ശ​നം നേ​ടി​യ സ്കൂ​ളു​ക​ളി​ലെ​ത്തു​ന്ന വി​ദ്യാ​ർ​ഥി​ക​ളെ വ​രേ​വ​ൽ​ക്കാ​നും വി​പു​ല​മാ​യ പ​രി​പാ​ടി​ക​ളാ​ണ് സ്കൂ​ളു​ക​ളി​ൽ ഒ​രു​ങ്ങു​ന്ന​ത്. സ​മ്മാ​ന​ങ്ങ​ളും മി​ഠാ​യി​ക​ളു​മാ​യി വെ​ൽ​ക്കം കി​റ്റ് ഒ​രു​ക്കി​യും സ്വാ​ഗ​തം ചെ​യ്തു​കൊ​ണ്ടു​ള്ള അ​ല​ങ്കാ​ര​ങ്ങ​ളു​മാ​യാ​ണ് പു​തി​യ കൂ​ട്ടു​കാ​രെ പ​ഠ​ന​ലോ​ക​ത്തേ​ക്ക് വ​ര​വേ​ൽ​ക്കു​ന്ന​ത്. ക​ഴി​ഞ്ഞ അ​ധ്യ​യ​ന വ​ർ​ഷം അ​വ​സാ​ന​ത്തി​ൽ വി​ദ്യാ​ർ​ഥി​ക​ളു​ടെ സ്കൂ​ൾ സീ​റ്റ് പ​രി​മി​തി പ്ര​ശ്നം പ​രി​ഹ​രി​ക്കു​ന്ന​തി​നാ​യി അ​നു​വ​ദി​ച്ച ഈ​വ​നി​ങ് ക്ലാ​സു​ക​ൾ ഇ​ത്ത​വ​ണ​യും തു​ട​രു​ന്നു​ണ്ട്. കെ.​ജി മു​ത​ൽ എ​ട്ടാം ക്ലാ​സ് വ​രെ​യു​ള്ള ക്ലാ​സു​ക​ളി​ലെ പ്ര​വേ​ശ​നം ഏ​പ്രി​ൽ 10 വ​രെ തു​ട​രു​ന്ന​താ​യി ശാ​ന്തി​നി​കേ​ത​ൻ ഇ​ന്ത്യ​ൻ സ്കൂ​ൾ ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു.

എം.​ഇ.​എ​സ്, ഐ​ഡി​യ​ൽ ഇ​ന്ത്യ​ൻ സ്കൂ​ൾ, ഡി.​എം.​ഐ.​എ​സ് ഉ​ൾ​പ്പെ​ടെ സ്കൂ​ളു​ക​ളി​ലാ​ണ് ക​ഴി​ഞ്ഞ വ​ർ​ഷം സാ​യാ​ഹ്ന ബാ​ച്ചു​ക​ൾ അ​നു​വ​ദി​ച്ച​ത്.

പു​തി​യ അ​ധ്യ​യ​ന വ​ർ​ഷ​ത്തി​ന് മു​ന്നോ​ടി​യാ​യി സ്കൂ​ൾ വി​ദ്യാ​ർ​ഥി​ക​ൾ​ക്ക് പാ​ഠ​പു​സ്ത​ക​ങ്ങ​ളും പ​ഠ​നോ​പ​ക​ര​ണ​ങ്ങ​ളും ല​ഭ്യ​മാ​ക്കു​ന്ന​തി​നാ​യി വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ പു​സ്ത​ക കൈ​മാ​റ്റ മേ​ള​യും ഇ​ത്ത​വ​ണ സ​ജീ​വ​മാ​യി​രു​ന്നു.

ഉ​പ​യോ​ഗി​ച്ചു ക​ഴി​ഞ്ഞ പാ​ഠ​പു​സ്ത​ക​ങ്ങ​ൾ ആ​വ​ശ്യ​ക്കാ​രാ​യ വി​ദ്യാ​ർ​ഥി​ക​ൾ​ക്ക് കൈ​മാ​റു​ന്ന​തി​ലൂ​ടെ ര​ക്ഷി​താ​ക്ക​ൾ​ക്ക് പ​ഠ​ന​ചെ​ല​വ് കു​റ​ക്കാ​നു​ള്ള ഉ​പാ​ധി​കൂ​ടി​യാ​ണ് ഒ​രു​ക്കി​യ​ത്.