ക​ഠി​ന​ക​ഠോ​രം ഈ കാ​യി​ക മ​ത്സ​രം

ദോ​ഹ: ക​ട​ലും മ​രു​ഭൂ​മി​യും മ​ല​മ്പാ​ത​ക​ളും താ​ണ്ടി ക​ഠി​ന​ക​ഠോ​ര​മാ​യ കാ​യി​ക പോ​രാ​ട്ടം. 42 കി​ലോ​മീ​റ്റ​ർ ദൂ​ര​മു​ള്ള മാ​ര​ത്ത​ണും കി​ലോ​മീ​റ്റ​റു​ക​ൾ ദൈ​ർ​ഘ്യ​മു​ള്ള നീ​ന്ത​ൽ മ​ത്സ​ര​ങ്ങ​ളു​മെ​ല്ലാം പ​രി​ചി​ത​മാ​ണെ​ങ്കി​ലും കാ​യി​ക​പ്രേ​മി​ക​ളെ​പോ​ലും അ​തി​ശ​യി​പ്പി​ക്കു​ന്ന മ​ത്സ​ര​ത്തി​ന് തു​ട​ക്ക​മാ​യി​രി​ക്ക​യാ​ണ് ഖ​ത്ത​റി​ൽ. ക​രു​ത്തും ത​ള​രാ​ത്ത പോ​രാ​ട്ട​വീ​ര്യ​വും മ​ന​സ്സാ​ന്നി​ധ്യ​വും ഉ​ണ്ടെ​ങ്കി​ൽ മാ​ത്രം പൂ​ർ​ത്തി​യാ​ക്കാ​ൻ ക​ഴി​യു​ന്ന ഒ​രു കാ​യി​ക മ​ത്സ​രം.

സം​ല റേ​സ് എ​ന്ന​റി​യ​പ്പെ​ടു​ന്ന ഈ ​മ​ത്സ​ര​ത്തി​ൽ 200 കി​ലോ​മീ​റ്റ​ർ ദൂ​ര​മാ​ണ് പി​ന്നി​ടേ​ണ്ട​ത്. വെ​റും ഓ​ട്ട​മ​ല്ല, നീ​ന്ത​ലും ക​യാ​ക്കി​ങ്ങും ഷൂ​ട്ടി​ങ്ങും സൈ​ക്ലി​ങ്ങും എ​ല്ലാം ചേ​ർ​ന്ന 200 കി​ലോ​മീ​റ്റ​ർ. ഖ​ത്ത​റി​ന്റെ ഒ​ര​റ്റ​ത്തു നി​ന്ന് തു​ട​ങ്ങി മ​രു​ഭൂ​മി​യും ക​ട​ലു​മെ​ല്ലാം പി​ന്നി​ട്ട് അ​ബു സം​റ​ക്ക് അ​ടു​ത്താ​യി ഫി​നി​ഷ് ചെ​യ്യു​മ്പോ​ഴേ​ക്കും മൂ​ന്നു​ദി​വ​സം പി​ന്നി​ടും.

വ്യാ​ഴാ​ഴ്ച ഖ​ത്ത​റി​ന്റെ വ​ട​ക്ക​ൻ അ​തി​ർ​ത്തി​യി​ലെ അ​ൽ ഗാ​രി​യ തീ​ര​ത്തു നി​ന്നാ​ണ് ഈ ​വ​മ്പ​ൻ മ​ത്സ​ര​ത്തി​ന് തു​ട​ക്കം കു​റി​ച്ച​ത്. ക​ട​ലി​ലൂ​ടെ മൂ​ന്ന് കി​ലോ​മീ​റ്റ​ർ നീ​ന്തി ഫു​വൈ​രി​തി​ൽ ക​ര​തൊ​ട്ട് പോ​രാ​ട്ടം ആ​രം​ഭി​ച്ചു. ശേ​ഷം, ഫു​വൈ​രി​യ​തി​ൽ​നി​ന്ന് ഉ​മ്മു അ​ൽ മാ​ഇ​ലേ​ക്ക് ഓ​ട്ടം. മ​രു​ഭൂ​മി​യും ദു​ർ​ഘ​ട​മാ​യ പാ​ത​ക​ളും പൂ​ർ​ത്തി​യാ​ക്കി​യു​ള്ള ഈ ​ഓ​ട്ടം പൂ​ർ​ത്തി​യാ​ക്കി ആ​ദ്യ ദി​ന​ത്തി​ൽ താ​ര​ങ്ങ​ൾ ഇ​വി​ടെ വി​ശ്ര​മി​ക്കും. ശേ​ഷം, ആ​റ് കി​ലോ​മീ​റ്റ​ർ ക​യാ​ക്കി​ങ്ങി​ലൂ​ടെ തു​ട​ങ്ങും. ക​യാ​ക്കി​ങ് പൂ​ർ​ത്തി​യാ​ക്കി​യ ശേ​ഷം 75 കി​ലോ​മീ​റ്റ​ർ സൈ​ക്ലി​ങ്ങും അ​ത് ഫി​നി​ഷ് ചെ​യ്ത​തി​ന് പി​ന്നാ​ലെ ഷൂ​ട്ടി​ങ്ങും 50 കി​ലോ​മീ​റ്റ​ർ ഓ​ട്ട​വു​മാ​യാ​ണ് 60 മ​ണി​ക്കൂ​ർ ദൈ​ർ​ഘ്യ​മു​ള്ള മ​ത്സ​രം ന​ട​ക്കു​ന്ന​ത്. അ​ൽ ന​സ്റാ​നി​യ വ​ഴി അ​ബു സം​റ​ക്ക് അ​രി​കി​ലെ ഉം ​ബാ​ബി​ലാ​ണ് മൂ​ന്നു ദി​വ​സ​ങ്ങ​ളി​ലാ​യി നീ​ളു​ന്ന മ​ത്സ​ര​ത്തി​ന്റെ ഫി​നി​ഷി​ങ് പോ​യ​ന്റ്.

ഈ ​അ​തി​സാ​ഹ​സി​ക മ​ത്സ​ര​ത്തി​ൽ ഇ​ത്ത​വ​ണ 200ഓ​ളം പേ​രാ​ണ് പ​​ങ്കെ​ടു​ക്കു​ന്ന​ത്. കാ​യി​ക താ​ര​ങ്ങ​ളു​ടെ ആ​രോ​ഗ്യം നി​രീ​ക്ഷി​ക്കാ​നും അ​വ​ശ്യ​ഘ​ട്ട​ങ്ങ​ളി​ൽ മി​ക​ച്ച ചി​കി​ത്സ ഉ​റ​പ്പാ​ക്കാ​നു​മാ​യി കു​റ്റ​മ​റ്റ മെ​ഡി​ക്ക​ൽ സം​ഘ​വു​മു​ണ്ട്. സാ​​ങ്കേ​തി​ക സം​വി​ധാ​ന​ങ്ങ​ളും മ​റ്റും ഉ​പ​യോ​ഗി​ച്ച് 200 കി.​മീ ദൂ​ര​ത്തി​ൽ ഉ​ട​നീ​ളം സൂ​ക്ഷ്മ നി​രീ​ക്ഷ​ണ​വു​മു​ണ്ട്. വ​ഴി​യോ​ര​ങ്ങ​ളി​ൽ അ​ത്‍ല​റ്റു​ക​ൾ​ക്ക് വി​ശ്ര​മി​ക്കാ​നു​ള്ള സൗ​ക​ര്യ​ങ്ങ​ളു​മു​ണ്ട്.

ക​ഠി​ന​മാ​യ പോ​രാ​ട്ടം ക​ഴി​ഞ്ഞ് ഫി​നി​ഷി​ങ് ലൈ​ൻ തൊ​ടു​ന്ന​വ​രെ കാ​ത്തി​രി​ക്കു​ന്ന​ത് വ​മ്പ​ൻ സ​മ്മാ​ന​ങ്ങ​ളാ​ണ്. ഒ​ന്നാം സ്ഥാ​ന​ക്കാ​ര​ന് അ​ഞ്ചു ല​ക്ഷം റി​യാ​ൽ (1.16 കോ​ടി രൂ​പ) സ​മ്മാ​നം. ര​ണ്ടാം സ​മ്മാ​നം മൂ​ന്ന് ല​ക്ഷം റി​യാ​ൽ (69 ല​ക്ഷം രൂ​പ), മൂ​ന്നാം സ​മ്മാ​നം ര​ണ്ടു ല​ക്ഷം റി​യാ​ൽ (54 ല​ക്ഷം രൂ​പ) എ​ന്നി​ങ്ങ​നെ​യാ​ണ് സ​മ്മാ​നം. സ്വ​ർ​ണം, വെ​ള്ളി ​വെ​ങ്ക​ല മെ​ഡ​ലു​ക​ളും സ​മ്മാ​നി​ക്കും. നാ​ല് മു​ത​ൽ 10 വ​രെ സ്ഥാ​ന​ക്കാ​ർ​ക്ക് 75,000 റി​യാ​ലും 11 മു​ത​ൽ നി​ശ്ചി​ത സ​മ​യ​ത്തി​നു​ള്ളി​ൽ മ​ത്സ​രം പൂ​ർ​ത്തി​യാ​ക്കു​ന്ന എ​ല്ലാ​വ​ർ​ക്കും 10,000 റി​യാ​ൽ വീ​ത​വു​മാ​ണ് സ​മ്മാ​നം. 18 വ​യ​സ്സ് പൂ​ർ​ത്തി​യാ​യ ഖ​ത്ത​രി പൗ​ര​ന്മാ​ർ​ക്ക് മാ​ത്ര​മാ​ണ് മ​ത്സ​ര​ത്തി​ൽ പ​​ങ്കെ​ടു​ക്കാ​ൻ അ​വ​സ​ര​മു​ള്ള​ത്.