മ​സ്ക​ത്ത് -കോ​ഴി​ക്കോ​ട് റൂ​ട്ടി​ൽ 12വ​രെ സ​ലാം എ​യ​ർ സ​ർ​വി​സ് റ​ദ്ദാ​ക്കി

ദോ​ഹ: മ​സ്ക​ത്ത് -കോ​ഴി​ക്കോ​ട് സെ​ക്ട​റി​ൽ ഒ​മാ​ന്റെ ബ​ജ​റ്റ് വി​മാ​ന ക​മ്പ​നി​യാ​യ സ​ലാം എ​യ​ർ താ​ൽ​ക്കാ​ലി​ക​മാ​യി സ​ർ​വി​സു​ക​ൾ റ​ദ്ദാ​ക്കി. ക​മ്പ​നി​യു​ടെ വെ​ബ്സൈ​റ്റി​ൽ ജൂ​ലൈ 13വ​രെ ​​​​​ഫ്ലൈ​റ്റു​ക​ൾ ല​ഭ്യ​മ​ല്ലെ​ന്നാ​ണ് കാ​ണി​ക്കു​ന്ന​ത്. എ​യ​ർ ക്രാ​ഫ്റ്റ് ല​ഭ്യ​മ​ല്ലാ​ത്ത​തും യാ​ത്ര​ക്കാ​ർ കു​റ​ഞ്ഞ​തു​മാ​ണ് സ​ർ​വി​സ് നി​ർ‌​ത്താ​ൻ കാ​ര​ണ​മെ​ന്നാ​ണ് ട്രാ​വ​ൽ‌ മേ​ഖ​ല​യി​ലു​ള്ള​വ​ർ പ​റ​യു​ന്ന​ത്.എ​ന്നാ​ൽ, 13ന് ​ശേ​ഷം ഇ​നി​യും സ​ർ​വി​സു​ക​ൾ റ​ദ്ദാ​ക്കു​മോ എ​ന്ന ആ​ശ​ങ്ക​യി​ലാ​ണ് ട്രാ​വ​ൽ ഏ​ജ​ൻ​സി​ക​ൾ. അ​തു​കൊ​ണ്ടു​ത​ന്നെ പ​ല​ർ​ക്കും ടി​ക്ക​റ്റു​ക​ൾ എ​ടു​ത്തു​കൊ​ടു​ക്കാ​ൻ പ​റ്റാ​ത്ത സാ​ഹ​ച​ര്യ​മാ​ണു​ള്ള​തെ​ന്ന് ട്രാ​വ​ൽ മേ​ഖ​ല​യി​ലു​ള്ള​വ​ർ പ​റ​ഞ്ഞു. പ​ല​രും അ​ടി​യ​ന്ത​ര ആ​വ​ശ്യ​ങ്ങ​ൾ​ക്കാ​യി​രി​ക്കും നാ​ട്ടി​ലേ​ക്ക് പോ​കു​ന്ന​ത്. വി​മാ​നം റ​ദ്ദാ​ക്കി​യാ​ൽ ഇ​ത്ത​ര​ക്കാ​രു​ടെ പ​ഴി മു​ഴു​വ​നും ട്രാ​വ​ൽ ഏ​ജ​ൻ​സി​ക്കാ​രാ​ണ് ​​കേ​ൾ​ക്കേ​ണ്ടി​വ​രാ​റു​ള്ള​ത്.

വി​മാ​നം റ​ദ്ദാ​ക്കി​യ​തു​മാ​യി ബ​ന്ധ​പ്പെ​ട്ട അ​റി​യി​പ്പു​ക​ൾ ക​ഴി​ഞ്ഞ ദി​വ​സം മു​ത​ൽ ട്രാ​വ​ൽ ഏ​ജ​ന്റു​മാ​ർ​ക്കും യാ​ത്ര​ക്കാ​ർ​ക്കും സ​ലാം എ​യ​ർ അ​യ​ച്ച് തു​ട​ങ്ങി​യി​ട്ടു​ണ്ട്. സ​ർ​വി​സ് റ​ദ്ദാ​ക്കി​യ​ത് സാ​ധാ​ര​ണ​ക്കാ​രാ​യ പ്ര​വാ​സി​ക​ളെ ബാ​ധി​ച്ചി​ട്ടു​ണ്ട്. കു​റ​ഞ്ഞ​നി​ര​ക്കും കൃ​ത്യ​നി​ഷ്ഠ​യു​മെ​ല്ലാം സാ​ധാ​ര​ണ​ക്കാ​രാ​യ യാ​ത്ര​ക്കാ​രെ സ​ലാം എ​യ​റി​ലേ​ക്ക് ആ​ക​ർ​ഷി​ക്കു​ന്ന​താ​ണ്.അ​തേ​സ​മ​യം, ബ​ജ​റ്റ് എ​യ​ര്‍ലൈ​നാ​യ സ​ലാം എ​യ​ര്‍ലൈ​നി​ന്റെ മ​സ്ക​ത്ത്- കോ​ഴി​ക്കോ​ട് വി​മാ​നം ഒ​രാ​ഴ്ച​ത്തേ​ക്ക് റ​ദ്ദാ​ക്കി​യ​ത് ഖ​ത്ത​റി​ലെ പ്ര​വാ​സി​ക​ളെ​യും ബാ​ധി​ക്കും.

സീ​സ​ണ്‍ സ​മ​യ​മാ​യ​തി​നാ​ല്‍ നാ​ട്ടി​ലേ​ക്കു​ള്ള ടി​ക്ക​റ്റ് നി​ര​ക്ക് കു​ത്ത​നെ ഉ​യ​ര്‍ന്നി​ട്ടു​ണ്ട്. ഇ​ത് മ​റി​ക​ട​ക്കാ​ന്‍ സ്റ്റോ​പ് ഓ​വ​ര്‍ യാ​ത്ര​ക​ളാ​ണ് സാ​ധാ​ര​ണ​ക്കാ​രാ​യ പ്ര​വാ​സി​ക​ള്‍ തെ​ര​ഞ്ഞെ​ടു​ക്കു​ന്ന​ത്. ഇ​തി​നി​ട​യി​ലാ​ണ് ഇ​ന്നു​മു​ത​ല്‍ ഒ​രാ​ഴ്ച​ത്തെ വി​മാ​ന സ​ര്‍വി​സ് റ​ദ്ദാ​ക്കി​യ​താ​യി എ​യ​ര്‍ലൈ​ന്‍ ക​മ്പ​നി അ​റി​യി​ച്ച​ത്. യാ​ത്ര​ക്കാ​ര്‍ക്ക് ടി​ക്ക​റ്റ് തു​ക തി​രി​കെ ല​ഭി​ക്കു​മെ​ങ്കി​ലും സീ​സ​ണ്‍ സ​മ​യ​മാ​യ​തി​നാ​ല്‍ നാ​ട്ടി​ലെ​ത്താ​ന്‍ ഉ​യ​ര്‍ന്ന തു​ക ന​ല്‍കി വീ​ണ്ടും ടി​ക്ക​റ്റെ​ടു​ക്കേ​ണ്ടി​വ​രും.വീ​ണ്ടും ബു​ക്ക് ചെ​യ്യാ​നോ മ​റ്റു വി​വ​ര​ങ്ങ​ൾ​ക്കോ SalamAir.com എ​ന്ന വെ​ബ്സൈ​റ്റ് വ​ഴി​യോ +968 24272222 എ​ന്ന ന​മ്പ​റി​ലൂ​ടെ​യോ ബ​ന്ധ​പ്പെ​ട​ണ​മെ​ന്ന് അ​ധി​കൃ​ത​ർ അ​റി​യി​ച്ചു. കേ​ര​ള സെ​ക്ട​റി​ലേ​ക്ക് ഒ​മാ​ന്റെ ബ​ജ​റ്റ് വി​മാ​ന ക​മ്പ​നി​യാ​ണ് സ​ലാം എ​യ​ർ.