ആ​രാ​ധ​ക​രേ, നി​ങ്ങ​ളാ​ണ്​ ക​രു​ത്ത്​; ഗാ​ല​റി​യി​ലു​ണ്ടാ​വ​ണം- സ​ഹ​ൽ

ദോ​ഹ: ഇ​ന്ത്യ-​ആ​സ്​​ട്രേ​ലി​യ പ്രീ ​മാ​ച്ച്​ വാ​ർ​ത്ത സ​മ്മേ​ള​ന​ത്തി​ൽ ഖ​ത്ത​റി​ലെ മ​ല​യാ​ളി​ക​ൾ ഉ​ൾ​പ്പെ​ടെ ആ​രാ​ധ​ക​​രോ​ടാ​യി മ​ല​യാ​ള​ത്തി​ൽ​ത​ന്നെ പ്രി​യ​പ്പെ​ട്ട താ​രം സ​ഹ​ൽ അ​ബ്​​ദു​ൽ സ​മ​ദ്​ അ​ഭ്യ​ർ​ഥി​ച്ചു. ‘ഖ​ത്ത​റി​ലെ മ​ല​യാ​ളി​ക​ൾ ഉ​ൾ​പ്പെ​ടെ എ​ല്ലാ​വ​രും ഗാ​ല​റി​യി​ലെ​ത്തു​മെ​ന്ന് അ​റി​യാം. അ​വ​രെ കാ​ത്തി​രി​ക്കു​ക​യാ​ണ്​ ഞ​ങ്ങ​ൾ.

അ​വ​രു​ടെ പി​ന്തു​ണ​യും ഗാ​ല​റി​യി​ലെ ആ​ര​വ​വും ഞ​ങ്ങ​ൾ​ക്ക്​ എ​പ്പോ​ഴും ഇ​ര​ട്ടി പ്ര​ചോ​ദ​ന​മാ​ണ്. തീ​ർ​ച്ച​യാ​യും നി​ങ്ങ​ളെ ഞ​ങ്ങ​ൾ കാ​ത്തി​രി​ക്കും. തീ​ർ​ച്ച​യാ​യും ന​ല്ലൊ​രു ക​ളി നി​ങ്ങ​ൾ​ക്കാ​യി​​ കാ​ഴ്​​ച​വെ​ക്കും’ -ഖ​ത്ത​റി​ലെ ഇ​ന്ത്യ​ൻ ആ​രാ​ധ​ക​രോ​ടാ​യി മ​ല​യാ​ള​ത്തി​ൽ ത​ന്നെ സ​ഹ​ൽ പ​റ​ഞ്ഞു. വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള മാ​ധ്യ​മ​പ്ര​വ​ർ​ത്ത​ക​രാ​ൽ നി​റ​ഞ്ഞ വാ​ർ​ത്ത സ​മ്മേ​ള​ന​ത്തി​ലാ​യി​രു​ന്നു കോ​ച്ച്​ ഇ​ഗോ​ർ സ്​​റ്റി​മാ​കി​ന്റെ സാ​ന്നി​ധ്യ​ത്തി​ൽ സ​ഹ​ലി​ന്‍റെ വാ​ക്കു​ക​ൾ.

ഇ​ന്ത്യ​ൻ സൂ​പ്പ​ർ മ​ത്സ​ര​ത്തി​നി​ടെ​യേ​റ്റ പ​രി​ക്കു കാ​ര​ണം ആ​സ്​​ട്രേ​ലി​യ​ക്കെ​തി​രാ​യ മ​ത്സ​ര​ത്തി​ൽ സ​ഹ​ൽ ക​ളി​ക്കി​ല്ല. പൂ​ർ​ണ​മാ​യും ഫി​റ്റ്​​ന​സ്​ വീ​ണ്ടെ​ടു​ത്താ​ൽ ജ​നു​വ​രി 18 ഉ​സ്​​ബ​കി​സ്​​താ​നെ​തി​രെ ഇ​റ​ങ്ങും. അ​ല്ലെ​ങ്കി​ൽ സി​റി​യ​ക്കെ​തി​രാ​യ അ​വ​സാ​ന മ​ത്സ​ര​ത്തി​ൽ സ​ഹ​ലി​നെ പ്ര​തീ​ക്ഷി​ക്കാ​മെ​ന്നാ​ണ്​ കോ​ച്ച്​ ഇ​ഗോ​ർ സ്​​റ്റി​മാ​ക്​ ന​ൽ​കു​ന്ന സൂ​ച​ന.