കൊ​ടു​മു​ടി​യോ​ളം അ​നു​ഭ​വ​ങ്ങ​ളു​മാ​യി സ​ഫ്രീ​ന ഖ​ത്ത​റി​​ൽ

ദോ​ഹ: ലോ​ക​ത്തെ ഏ​റ്റ​വും ഉ​യ​രം​കൂ​ടി​യ കൊ​ടു​മു​ടി​യാ​യ എ​വ​റ​സ്റ്റ് കീ​ഴ​ട​ക്കി​യ ആ​ദ്യ മ​ല​യാ​ളി വ​നി​ത​യെ​ന്ന റെ​ക്കോ​ഡ് കു​റി​ച്ച് ക​ണ്ണൂ​ർ വേ​ങ്ങാ​ട് സ്വ​ദേ​ശി​നി സ​ഫ്രീ​ന അ​ബ്ദു​ല്ല​ത്തീ​ഫ് ഖ​ത്ത​റി​ൽ തി​രി​കെ​യെ​ത്തി. ​25 വ​ർ​ഷ​ത്തോ​ള​മാ​യി ഖ​ത്ത​റി​ൽ പ്ര​വാ​സി​യാ​യ ഇ​വ​ർ, മേ​യ് 18നാ​യി​രു​ന്നു 8848 മീ​റ്റ​ർ ഉ​യ​ര​ത്തി​ലു​ള്ള എ​വ​റ​സ്റ്റി​നെ കാ​ൽ​കീ​ഴി​ലാ​ക്കി ച​രി​ത്രം കു​റി​ച്ച​ത്.

ചൊ​വ്വാ​ഴ്ച​യോ​ടെ എ​വ​റ​സ്റ്റ് ബേ​സ് ക്യാ​മ്പി​ൽ​നി​ന്ന് ഹെ​ലി​കോ​പ്റ്റ​ർ വ​ഴി ലു​ക്‍ല​യി​ലേ​ക്കും ശേ​ഷം കാ​ഠ്മ​ണ്ഡു​വി​ലു​മെ​ത്തി​യ​ശേ​ഷം ര​ണ്ടു​ദി​വ​സം വി​ശ്ര​മി​ച്ചാ​ണ് ഖ​ത്ത​റി​ലേ​ക്ക് തി​രി​കെ പ​റ​ന്ന​ത്. ഭ​ർ​ത്താ​വും ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നി​ൽ സ​ർ​ജ​നു​മാ​യ ഡോ. ​ഷ​മീ​ൽ മു​സ്ത​ഫ​ക്കൊ​പ്പം വെ​ള്ളി​യാ​ഴ്ച രാ​ത്രി​യോ​ടെ ഖ​ത്ത​റി​ലെ​ത്തി.

മ​ര​ണം പ​തി​യി​രി​ക്കു​ന്ന മ​ഞ്ഞു​പാ​ത​ക​ളി​ലൂ​ടെ, അ​സാ​മാ​ന്യ മ​ന​സ്സാ​ന്നി​ധ്യ​വും ശാ​രീ​രി​ക ക്ഷ​മ​ത​യും ക​രു​ത്താ​ക്കി​യാ​യി​രു​ന്നു ​സ​ഫ്രീ​ന ല​ത്തീ​ഫി​ന്റെ എ​വ​റ​സ്റ്റി​ലേ​ക്കു​ള യാ​ത്ര. കി​ളി​മ​ഞ്ചാ​രോ കൊ​ടു​മു​ടി​യും അ​ർ​ജ​ന്റീ​ന​യി​ലെ അ​ക്വ​ൻ​കാ​ഗ്വോ​യും റ​ഷ്യ​യി​ലെ മൗ​ണ്ട് എ​​ൽ​ബ്ര​സും കീ​ഴ​ട​ക്കി​യ ആ​ത്മ​വി​ശ്വാ​സ​വു​മാ​യി എ​വ​റ​സ്റ്റി​ലേ​ക്ക് പു​റ​പ്പെ​ട്ട മ​ല​യാ​ളി വ​നി​ത, ആ​ദ്യ ശ്ര​മ​ത്തി​ൽ​ത​ന്നെ ലോ​ക​ത്തെ ഏ​റ്റ​വും വ​ലി​യ ഉ​യ​രം കാ​ൽ​കീ​ഴി​ലാ​ക്കി​യ​തി​ന്റെ സ​ന്തോ​ഷ​ത്തി​ലാ​ണ് പ്ര​വാ​സ​മ​ണ്ണി​ൽ തി​രി​കെ​യെ​ത്തു​ന്ന​ത്.

ഏ​പ്രി​ൽ 12നാ​യി​രു​ന്നു സ​ഫ്രീ​ന ദോ​ഹ​യി​ൽ​നി​ന്ന് കാ​ഠ്മ​ണ്ഡു​വി​ലേ​ക്ക് പു​റ​പ്പെ​ട്ട​ത്. അ​വി​ടെ​നി​ന്ന് ലു​ക്‍ല​യി​ലേ​ക്കും ശേ​ഷം ദി​വ​സ​ങ്ങ​ൾ നീ​ണ്ട മ​ല​ക​യ​റ്റ​ത്തി​നൊ​ടു​വി​ൽ ഏ​പ്രി​ൽ 19ഓ​ടെ ബേ​സ് ക്യാ​മ്പി​ലു​മെ​ത്തി. ദി​വ​സ​ങ്ങ​ളോ​ളം അ​വി​ടെ പ​രി​ശീ​ല​ന​വും അ​വ​സാ​ന​വ​ട്ട ഒ​രു​ക്ക​ങ്ങ​ളും പൂ​ർ​ത്തി​യാ​ക്കി​യ​ശേ​ഷം, മേ​യ് 14നാ​ണ് എ​വ​റ​സ്റ്റി​ലേ​ക്കു​ള്ള യാ​ത്ര ആ​രം​ഭി​ച്ച​ത്.

ഡെ​ത്ത് സോ​ൺ ഉ​ൾ​പ്പെ​ടെ മ​ര​ണം പ​തി​യി​രി​ക്കു​ന്ന ​പാ​ത​ക​ൾ താ​ണ്ടി​യ യാ​ത്ര​യു​ടെ അ​നു​ഭ​വ​ങ്ങ​ൾ അ​വ​ർ ‘ഗ​ൾ​ഫ് മാ​ധ്യ​മ’​വു​മാ​യി പ​ങ്കു​വെ​ച്ചു. എ​വ​റ​സ്റ്റി​ന് മു​ക​ളി​ൽ 40 മി​നി​റ്റോ​ളം സ​മ​യം ചെ​ല​വ​ഴി​ച്ച് മ​ട​ക്ക​യാ​ത്ര​ക്കി​ടെ വി​ര​ലു​ക​ൾ മ​ര​വി​ച്ചു​പോ​കു​ന്ന ​ഫ്രോ​സ്റ്റ് ബൈ​റ്റും കൊ​ടു​മ​ഞ്ഞി​ൽ കാ​ഴ്ച ന​ഷ്ട​മാ​വു​ന്ന ‘സ്നോ ​​ബ്ലൈ​ൻ​ഡും ​സ​​ഫ്രീ​ന​ക്കും വി​ല്ല​നാ​യി.

ഇ​ട​തു​കൈ​യു​ടെ ചെ​റു​വി​ര​ൽ ഉ​ൾ​പ്പെ​ടെ ‘ഫ്രോ​സ്റ്റ് ബൈ​റ്റും ഭാ​ഗി​ക കാ​ഴ്ചാ​പ്ര​ശ്ന​ങ്ങ​ളും നേ​രി​ട്ടി​രു​ന്നു. ഇ​തി​ന്റെ ചി​കി​ത്സ​യും ക​ഴി​ഞ്ഞാ​ണ് ഖ​ത്ത​റി​ലെ​ത്തി​യ​ത്. ‘ഗ​ൾ​ഫ് മാ​ധ്യ​മം’ ദോ​ഹ ഓ​ഫി​സി​ലെ​ത്തി​യ സ​ഫ്രീ​ന​യെ​യും ഭ​ർ​ത്താ​വ് ഡോ. ​ഷ​മീ​ൽ മു​സ്ത​ഫ​യെ​യും റീ​ജ​ന​ൽ മാ​നേ​ജ​ർ ഹാ​രി​സ് വ​ള്ളി​ൽ ഉ​പ​ഹാ​രം ന​ൽ​കി സ്വീ​ക​രി​ച്ചു.