സുരക്ഷിത ടൂറിസം: റോഡ് സുരക്ഷ ബോധവത്കരണം

ദോ​ഹ: സു​ര​ക്ഷി​ത​മാ​യ ടൂ​റി​സം അ​ന്ത​രീ​ക്ഷം ഉ​റ​പ്പാ​ക്കു​ന്ന​തി​ന്റെ ഭാ​ഗ​മാ​യി ഖ​ത്ത​ർ ടൂ​റി​സം, ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് ട്രാ​ഫി​ക്കു​മാ​യി ചേ​ർ​ന്ന് ടൂ​ർ ഗൈ​ഡു​ക​ൾ, ട്രാ​വ​ൽ ഏ​ജ​ൻ​സി​ക​ൾ, ടൂ​ർ ഓ​പ​റേ​റ്റ​ർ​മാ​ർ എ​ന്നി​വ​ർ​ക്കാ​യി റോ​ഡ് സു​ര​ക്ഷ ബോ​ധ​വ​ത്ക​ര​ണ വ​ർ​ക്ക്‌​ഷോ​പ്പ് സം​ഘ​ടി​പ്പി​ച്ചു. ടൂ​റു​ക​ൾ സം​ഘ​ടി​പ്പി​ക്കു​മ്പോ​ൾ പാ​ലി​ക്കേ​ണ്ട നി​യ​മ-​സു​ര​ക്ഷ ന​ട​പ​ടി​ക​ളെ സം​ബ​ന്ധി​ച്ച അ​വ​ബോ​ധം വ​ർ​ധി​പ്പി​ക്കു​ക​യാ​ണ് വ​ർ​ക്ക്‌​ഷോ​പ്പി​ന്റെ ല​ക്ഷ്യം. ഇ​തി​ലൂ​ടെ സ​ന്ദ​ർ​ശ​ക​ർ​ക്കും വി​നോ​ദ​സ​ഞ്ചാ​രി​ക​ൾ​ക്കും സു​ര​ക്ഷി​ത യാ​ത്ര ഉ​റ​പ്പാ​ക്കു​ന്നു.

റോ​ഡ് സു​ര​ക്ഷ​യു​മാ​യി ബ​ന്ധ​പ്പെ​ട്ട മാ​ർ​ഗ​നി​ർ​ദേ​ശ​ങ്ങ​ളും വി​ദ​ഗ്ധ​രു​മാ​യി ഇ​ന്റ​റാ​ക്ടി​വ് സെ​ഷ​നും ഓ​പ​ൺ ഡി​സ്ക​ഷ​നും പ​രി​പാ​ടി​യി​ൽ ഉ​ൾ​പ്പെ​ട്ടി​രു​ന്നു. ടൂ​റി​സം കേ​ന്ദ്ര​ങ്ങ​ളി​ൽ സ​ന്ദ​ർ​ശ​ക​രെ കൊ​ണ്ടു​പോ​കു​മ്പോ​ൾ നി​ർ​ബ​ന്ധ​മാ​യി പാ​ലി​ക്കേ​ണ്ട നി​യ​മ​ങ്ങ​ളെ​ക്കു​റി​ച്ച് ബോ​ധ​വ​ത്ക​ര​ണം ന​ൽ​കി. അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്ന പൊ​തു​വാ​യ ചി​ല ട്രാ​ഫി​ക് നി​യ​മ​ലം​ഘ​ന​ങ്ങ​ളെ​യും സെ​ഷ​നി​ൽ ചൂ​ണ്ടി​ക്കാ​ട്ടി.

സ​ന്ദ​ർ​ശ​ക​രു​ടെ സു​ര​ക്ഷ​ക്ക് ഖ​ത്ത​ർ ടൂ​റി​സം വ​ലി​യ പ്രാ​ധാ​ന്യം ന​ൽ​കി​യി​ട്ടു​ണ്ടെ​ന്നും മേ​ഖ​ല​യു​ടെ കാ​ര്യ​ക്ഷ​മ​ത മെ​ച്ച​പ്പെ​ടു​ത്താ​ൻ ടൂ​ർ ഗൈ​ഡു​ക​ൾ, ഓ​പ​റേ​റ്റ​ർ​മാ​ർ തു​ട​ങ്ങി​യ​വ​ർ കാ​ര്യ​ക്ഷ​മ​മാ​യ ത​യാ​റെ​ടു​പ്പു​ക​ൾ ന​ട​ത്തു​ന്നു​ണ്ടെ​ന്നും ഖ​ത്ത​ർ ടൂ​റി​സം ലൈ​സ​ൻ​സി​ങ് ഡ​യ​റ​ക്ട​റാ​യ ഫ​ഹ​ദ് ഹ​സ​ൻ അ​ൽ അ​ബ്ദു​ൽ​മാ​ലി​ക് പ​റ​ഞ്ഞു. ഇ​തി​ന് അ​നു​ബ​ന്ധ​മാ​യാ​ണ് ഇ​ത്ത​രം വ​ർ​ക്ക്‌​ഷോ​പ്പു​ക​ൾ സം​ഘ​ടി​പ്പി​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ടൂ​റി​സം മേ​ഖ​ല​യു​ടെ സു​ര​ക്ഷ വ​ർ​ധി​പ്പി​ക്കാ​നു​ള്ള ഞ​ങ്ങ​ളു​ടെ ശ്ര​മ​ങ്ങ​ളു​ടെ ഭാ​ഗ​മാ​ണ് ഈ ​ബോ​ധ​വ​ത്ക​ര​ണ പ​രി​പാ​ടി​ക​ളെ​ന്ന് ട്രാ​ഫി​ക് ജ​ന​റ​ൽ ഡ​യ​റ​ക്ട​റേ​റ്റി​ലെ മീ​ഡി​യ ആ​ൻ​ഡ് ട്രാ​ഫി​ക് അ​വ​യ​ർ​ന​സ് വി​ഭാ​ഗം ഡ​യ​റ​ക്ട​ർ ജാ​സിം നാ​സ​ർ അ​ൽ ഹ​മി​ദി പ​റ​ഞ്ഞു. സെ​മി​നാ​റു​ക​ൾ, ക്ലാ​സു​ക​ൾ, സ​ന്ദേ​ശ​ങ്ങ​ൾ തു​ട​ങ്ങി വി​വി​ധ മാ​ർ​ഗ​ങ്ങ​ളി​ലൂ​ടെ ഇ​ത് ന​ട​പ്പാ​ക്കു​ന്നു​വെ​ന്നും അ​ദ്ദേ​ഹം പ​റ​ഞ്ഞു.