കാഴ്​ചവിസ്​മയം തീർത്ത്​ സൽവാ ബീച്ച് റിസോർട്ട് ഭാഗികമായി തുറന്നു

ദോഹ: കാഴ്​ചകളുടെ വിസ്​മയം തീർത്ത്​ അബൂസംറയിലെ സൽവാബീച്ച്​ റിസോർട്ട്​ ഭാഗികമായി തുറന്നുപ്രവർത്തനമാരംഭിച്ചു. തലസ്ഥാന നഗരിയിൽനിന്നും 97 കിലോമീറ്റർ അകലെ അബൂസംറയി​ലാണ്​ പുതുതായി പണികഴിപ്പിച്ച സൽവാ ബീച്ച് റിസോർട്ട്. കതാറ ഹോസ്​പിറ്റാലിറ്റിയാണ്​ നടത്തിപ്പുകാർ. 
ഭാഗികമായി തുറന്ന സൽവാ ബീച്ച് റിസോർട്ടിൽ ഒരു കുടുംബത്തിന് ഒരു വില്ല മാത്രമേ അനുവദിക്കുന്നുള്ളൂ. മൂന്ന് ദശലക്ഷം ചതുരശ്രമീറ്റർ വിസ്​തൃതിയിൽ ഖത്തറി​െൻറ തെക്ക് പടിഞ്ഞാറൻ തീരത്ത് നിർമാണം പൂർത്തിയായ സൽവാ ബീച്ച് റിസോർട്ട് മിഡിലീസ്​റ്റിലെ ഏറ്റവും മുന്തിയ ബീച്ച് റിസോർട്ടായി മാറുമെന്നാണ് പ്രതീക്ഷ.

അത്യാധുനിക സൗകര്യങ്ങളോടെ 115 വില്ലകളും 246 മുറികളുള്ള പഞ്ചനക്ഷത്ര ഹോട്ടലും അറേബ്യൻ ഉൾക്കടലി​െൻറ മനോഹാരിത പ്രകടമാക്കുന്ന ദൃശ്യഭംഗിയും സൽവാ ബീച്ച് റിസോർട്ടി​െൻറ സവിശേഷതകളാണ്. മൂന്ന് കിലോമീറ്റർ ൈപ്രവറ്റ് ബീച്ച്, ലക്ഷ്വറി മറീന, യാച്ച് ക്ലബ്, വാട്ടർ തീം പാർക്ക്, ഡൈവിങ്​ സ​െൻറർ, സിനിമ തിയറ്ററുകൾ, ഷോപ്പിങ്​ മാൾ, അറേബ്യൻ വില്ലേജ്, സ്​പാ-ഹെൽത്ത് ക്ലബ് എന്നിവയും ഇവിടെ സന്ദർശകർക്കായി സജ്ജമാക്കിയിരിക്കുന്നു. ഖത്തർ ആസ്ഥാനമായി പ്രവർത്തിക്കുന്ന ആഗോളതലത്തിലെ പ്രമുഖ ഹോട്ടൽ ഉടമകളും ഡെവലപ്പറും ഓപറേറ്ററുമായ കതാറ ഹോസ്​പിറ്റാലിറ്റിയാണ് സൽവാ ബീച്ച് റിസോർട്ടിനും പിന്നിൽ.