കണ്ണടക്കാതെ റോഡിലെ കാമറകൾ; നിയമലംഘനങ്ങൾ കുറഞ്ഞു

ദോഹ: സീറ്റ്​ ബെൽട്ട്​ ഇടാത്തവരെയടക്കം പിടിക്കാനുള്ള പ്രത്യേക കാമറകൾ സജ്ജമാക്കിയതോടെ രാജ്യത്തെ റോഡ്​ ഇൻറർസെക്​ഷനുകളിലെ ഗതാഗത നിയമലംഘനം ഏറെ കുറഞ്ഞു. ഇൻറർസെക്​ഷനുകളിലും ട്രാഫിക്​ സിഗ്​നലുകളിലുമുള്ള എല്ലാവിധ നിയമലംഘനങ്ങളും പിടികൂടാൻ കഴിയുന്ന പ്രത്യേക നിരീക്ഷണ കാമറകളാണ് ആറുമാസം മു​േമ്പ ​സ്​ഥാപിച്ചത്​. നിയമലംഘനങ്ങൾ ഈ കാമറകൾ രേഖപ്പെടുത്താൻ തുടങ്ങിയതോടെ മിക്കവരും നിയമം പാലിക്കാനും തുടങ്ങിയിട്ടുണ്ട്​. വേഗത കുറച്ച്​ ഓടിക്കൽ, സീറ്റ്​ ബെൽറ്റ്​​ ധരിക്കൽ, മൊ​ൈബൽ ഫോൺ ഉപയോഗിക്കാതിരിക്കൽ തുടങ്ങിയവ പാലിക്കാൻ ഇപ്പോൾ ​ ൈഡ്രവർമാർ കൂടുതൽ ശ്രദ്ധിക്കുന്നുണ്ട്​​​.

ഇൻറർസെക്​ഷനുകളിലും റോഡ്​ സിഗ്​നലുകളിലും മഞ്ഞ ബോക്​സുകളിൽ വാഹനം നിർത്തുന്ന നിയമലംഘനങ്ങളാണ്​ കാമറകൾ കൂടുതലായി രേഖപ്പെടുത്തുന്നത്​. ഇതിനാൽ, നിയമം പാലിച്ച്​ പരമാവധി സൂക്ഷിച്ച്​ വാഹനമോടിക്കാൻ നിർബന്ധിതരാകുകയാണ് ഡ്രൈവർമാരെന്ന്​ ഗതാഗത വകുപ്പ്​ ജനറൽ ഡയറക്​ടറേറ്റ്​ ഗതാഗത അവബോധ വിഭാഗം ഡയറക്​ടർ കേണൽ മുഹമ്മദ്​ റാദി അൽ ഹജ്​രി പറഞ്ഞു. ഈദ്​ ദിനങ്ങളിലെ പ്രധാന നിയമലംഘനങ്ങൾ ട്രാഫിക്​ സിഗ്​നലുകൾ മറികടക്കുന്നതാണ്​. ഇതുമൂലം പെരുന്നാൾ ദിനങ്ങളിൽ ചെറിയ അപകടങ്ങളും ഉണ്ടായിട്ടുണ്ട്​.

പെരുന്നാൾ ദിനത്തിലും പിറ്റേദിവസവും കാര്യമായ ഗതാഗത പ്രശ്​നങ്ങളോ അപകടങ്ങ​േളാ രാജ്യത്ത്​ ഉണ്ടായിട്ടില്ല. കോവിഡ്​ സാഹചര്യമായതിനാൽ വാഹനങ്ങളിൽ ചട്ടപ്രകാരമു​ള്ള യാത്രക്കാരാണോ ഉള്ളത്​, മാസ്​ക്​ ധരിച്ചിട്ടുണ്ടോ, ഇഹ്​തിറാസ്​ ഉണ്ടോ എന്നീ കാര്യങ്ങളും പൊലീസ്​ പരിശോധിക്കുന്നുണ്ട്​. ലഖ്​വിയയുമായി സഹകരിച്ചാണ്​ ഇക്കാര്യത്തിൽ ഗതാഗതവകുപ്പ്​ ​പ്രവർത്തിക്കുന്നത്​.

ബോധവത്​കരണമടക്കമുള്ള പരിപാടികളും ഉന്നതനിലവാരത്തിലുള്ള റോഡ്​ സൗകര്യങ്ങളും രാജ്യത്ത്​ അപകടങ്ങൾ കുറയാനും അത്​ മൂലമുള്ള മരണങ്ങൾ കുറയാനും കാരണമായിട്ടുണ്ട്​. 2019നെ അപേക്ഷിച്ച്​ 2020ൽ ഇത്തരത്തിലുള്ള മരണങ്ങൾ കുറഞ്ഞിട്ടുണ്ട്​.

2020ൽ 138 മരണങ്ങളാണ്​ ഇത്തരത്തിൽ ഉണ്ടായിരിക്കുന്നത്​. ഇതിൽ 69 പേരും മോ​ട്ടോർ ​ൈസക്കിൾ ഓടിച്ചവരായിരുന്നു. 26 പേർ മറ്റ്​ വാഹനയാത്രക്കാരായിരുന്നു. 43 പേരാക​ട്ടെ കാൽനടക്കാരും. എന്നാൽ 2019ൽ വാഹനാപകടത്തെ തുടർന്ന്​​ 154 പേരാണ്​ മരിച്ചത്​. 2015ൽ അപകടമരണം 227 ആയിരുന്നു. 2019ൽ ഇത്​ ഏറെ കുറഞ്ഞ്​ 154 ആയി.

2016ലെ റോഡപകടങ്ങൾ 178 ആണ്​. 2017ൽ ഇത്​ 177 ആയി. 2018ൽ ഇത്​ 168 ആയിമാറുകയും ചെയ്​തു. കഴിഞ്ഞ വർഷം നടന്ന 90.1 ശതമാനം അപകടങ്ങളും നിസ്സകരമായിരുന്നു. അതായത്​ ഇത്തരത്തിൽ കഴിഞ്ഞ വർഷമുണ്ടായ ചെറിയ അപകടങ്ങൾ 7155 ആയിരുന്നു. 8.2 ശതമാനം അപകടങ്ങളും, അതായത്​ 648 എണ്ണം ഗുരുതരസംഭവങ്ങളായിരുന്നു. ആകെയുള്ള മരണം 1.7 ശതമാനമാണ്​. അതായത്​ 138 മരണങ്ങൾ. വാഹനാപകടങ്ങളുടെ പ്രധാനകാരണം അശ്രദ്ധയോടെയുള്ള ​ൈഡ്രവിങ്​ ആണ്​.

ഇക്കാരണത്താലാണ്​ ആകെയുള്ള അപകടങ്ങളിൽ 42.4 ശതമാനവും ഉണ്ടാകുന്നത്​. മറ്റ്​ വാഹനങ്ങളുമായി വേണ്ടത്ര അകലം പാലിക്കാത്തതിനാലാണ്​ 21.9 ശതമാനം അപകടങ്ങൾ ഉണ്ടായത്​. ഇതാണ്​ രണ്ടാമത്തെ അപകടകാരണം. 2020ൽ 15,74,812 (1.5 മില്യൺ) ഗതാഗതനിയമലംഘനങ്ങളാണ്​ ഉണ്ടായത്​. ഇത്​ 2019നേക്കാൾ 20.1ശതമാനം കുറവാണ്​. 2019ൽ 1,969,896 (1.9 മില്യൺ) നിയമലംഘനങ്ങളാണ്​ ഉണ്ടായത്​.

ബൈക്കുകൾ ഓടിക്കു​േമ്പാൾ ​ൈഡ്രവർമാർ മൊബൈൽ ഫോൺ ഉപയോഗിക്കുന്ന സംഭവങ്ങളും ഉണ്ട്​. ഇതാണ്​ ഖത്തറിൽ ഇപ്പോൾ അധികൃതർ നേരിടുന്ന മറ്റൊരു തലവേദന. കോവിഡ്​ സാഹചര്യത്തിൽ ഭക്ഷണത്തിെൻറ ഹോം ഡെലിവറി കൂടിയിട്ടുണ്ട്​. ഇതിനാൽതന്നെ ഡെലിവറി ബോയ്​മാർ വൻവേഗതയിലാണ്​ ബൈക്ക്​ ഓടിക്കുന്നത്​. എന്നാൽ, ബോധവത്​കരണ പരിപാടികളിലൂടെ ഡെലിവറിബോയ്​മാർ കാര്യങ്ങൾ മനസ്സിലാക്കിയിട്ടുണ്ടെന്നും അതി​െൻറ ഗുണം കാണുന്നുണ്ടെന്നും അധികൃതർ പറയുന്നു.