കെ.ഇ. അഷ്​റഫിന്​ ആദരം

ദോഹ: പെരുന്നാൾ അവധിക്കിടെ അൽകോർ ദഖീറ ബീച്ചിൽ ഒരുകുടുംബത്തിലെ രണ്ട്​ കുട്ടികളെ രക്ഷിച്ച അരീക്കോട് കുനിയിൽ സ്വദേശി അഷ്‌റഫിനെ​ ഖത്തർ ഇന്ത്യൻ ഇസ്​ലാഹി​ സെൻറർ അനുമോദിച്ചു. ഇസ്മായിൽ വല്യാപ്പള്ളി അധ്യക്ഷത വഹിച്ചു.

ലക്ത ഓഡിറ്റോറിയത്തിൽ നടന്ന അനുമോദന യോഗത്തിൽ അഡ്വൈസറി ബോർഡ് ചെയർമാൻ എൻ.കെ.എം. അക്ബർ കാസിം, ലോക കേരള സഭ അംഗം അബ്​ദുറഊഫ് കൊണ്ടോട്ടി, ജിം ഖത്തർ ചെയർമാൻ ഷഫീക് വാടാനപ്പള്ളി, ഈലാഫ് ഖത്തർ ചെയർമാൻ സലാം ചീക്കൊന്ന്, വെളിച്ചം ഖത്തർ ചീഫ് കോഒാഡിനേറ്റർ മുഹമ്മദ് അലി ഒറ്റപ്പാലം, ഖത്തർ ഇന്ത്യൻ ഇസ്​ലാഹി സെൻറർ വൈസ് പ്രസിഡൻറ​ുമാരായ സാലിം മദനി, ഫൈസൽ കാരാട്ടിയാട്ടിൽ, എം.എ. റസാഖ് എന്നിവർ സംസാരിച്ചു.

സെക്രട്ടറി താജ് സമാൻ സ്വാഗതവും നജീബ് അബൂബക്കർ നന്ദിയും പറഞ്ഞു. ഐ.സി.ബി.എഫ്​ പ്രസിഡൻറ്​ സിയാദ് ഉസ്മാൻ ഉപഹാരം നൽകി.