ഖത്തർ ദേശീയ മേൽവിലാസ നിയമം: വിദേശത്ത് കുടുങ്ങിയവർക്ക് പിഴ ഈടാക്കില്ല; തിരിച്ചെത്തിയാലുടൻ രജിസ്​റ്റർ ചെയ്യാം

ദോഹ: കോവിഡ് 19 പശ്ചാത്തലത്തിൽ ഖത്തറിൽ തിരിച്ചെത്താൻ വൈകിയവർക്ക്​ രാജ്യത്ത്​ എത്തിയയുടൻ ദേശീയ മേൽവിലാസ നിയമപ്രകാരമുള്ള വിവരങ്ങൾ രജിസ്​റ്റർ ചെയ്യാം. ഇതിന്​ വിദേശത്തായിരുന്നുവെന്ന് തെളിയിക്കുന്ന മതിയായ രേഖകൾ സമർപ്പിച്ചാൽ മതി. പിഴയൊട്ടും ഒടുക്കാതെ തന്നെ ഇവർക്ക് ദേശീയ മേൽവിലാസം രജിസ്​റ്റർ ചെയ്യാവുന്നതാണ്. ആഭ്യന്തര മന്ത്രാലയം അറിയിച്ചതാണ്​ ഇക്കാര്യം. 

മേൽവിലാസം രജിസ്​റ്റർ ചെയ്യാനുള്ള അവസാന തീയതി അടുത്തുകൊണ്ടിരിക്കെയാണ് മന്ത്രാലയം ഇക്കാര്യത്തിൽ വ്യക്തത വരുത്തിയത്. ദേശീയ മേൽവിലാസം രജിസ്​േട്രഷനുള്ള അവസാന തീയതി ജൂലൈ 26 ആണ്​. നിലവിലെ പ്രതിസന്ധിമൂലം വിദേശത്ത് കുടുങ്ങിയവരുടെ കാര്യം പ്രത്യേകം പരിഗണിക്കുമെന്നും കാർക്കശ്യം ഉണ്ടാകുകയില്ലെന്നും ആഭ്യന്തര മന്ത്രാലയം വൃത്തങ്ങൾ നേരത്തെ തന്നെ വ്യക്തമാക്കിയിട്ടുണ്ട്.

വിദേശത്ത് പഠനത്തിനും ചികിത്സക്കും പുറത്തുപോയ സ്വദേശികളും രാജ്യത്തെ താമസക്കാരും മഹാമാരിയെത്തുടർന്നുണ്ടായ പ്രതിസന്ധി മൂലം ഖത്തറിലെത്താനാകാതെ കുടുങ്ങിക്കിടക്കുകയാണ്. ദേശീയ മേൽവിലാസം രജിസ്​റ്റർ ചെയ്യാൻ സാധിക്കാത്തതുമായി ബന്ധപ്പെട്ട കൃത്യമായ കാരണം ബോധിപ്പിക്കുന്നവരുടെ കാര്യത്തിൽ കാർക്കശ്യം ഉണ്ടാകുകയില്ലെന്നും പ്രത്യേകം പരിഗണിക്കുമെന്നും പൊതുസുരക്ഷ വകുപ്പിലെ ദേശീയ മേൽവിലാസ വിഭാഗം മേധാവി  ലെഫ്. കേണൽ ഡോ. അബ്ദുല്ല സായിദ് അൽ സഹ്​ലി പറഞ്ഞു. ഇതുവരെയായി 15 ലക്ഷത്തിലധികം പേർ ദേശീയ മേൽവിലാസം രജിസ്​റ്റർ ചെയ്തതയും അദ്ദേഹം പറഞ്ഞു.

കോവിഡ്–19 പ്രതിസന്ധി മൂലം ആഗോള തലത്തിൽ വിമാനത്താവളങ്ങൾ അടച്ചിട്ടതും വിമാന സർവിസുകൾ റദ്ദാക്കിയതും കാരണം നിരവധി സ്വദേശികളും വിദേശികളുമാണ് തിരിച്ച് ഖത്തറിലെത്താനാകാതെ കുടുങ്ങിക്കിടക്കുന്നത്. അതേസമയം, രജിസ്​േട്രഷൻ നമ്പറുള്ള എല്ലാ കമ്പനികളും നിർബന്ധമായും ദേശീയ മേൽവിലാസ രജിസ്​േട്രഷൻ കൃത്യസമയത്ത് തന്നെ പൂർത്തീകരിച്ചിരിക്കണമെന്നും ഒന്നിലധികം ബ്രാഞ്ചുകളുള്ള കമ്പനികൾ ഓരോ ബ്രാഞ്ചിനും പ്രത്യേകം രജിസ്​േട്രഷൻ നടത്തണമെന്നും ലെഫ്. കേണൽ അൽ സഹ്​ലി പറഞ്ഞു. ഫാം തൊഴിലാളികളും ഗാർഹിക തൊഴിലാളികളും രജിസ്​േട്രഷൻ പൂർത്തിയാക്കാൻ 184 നമ്പറിൽ മുനിസിപ്പാലിറ്റി പരിസ്​ഥിതി മന്ത്രാലയത്തേയാണ് സമീപിക്കേണ്ടത്.

നിയമം പ്രാബല്യത്തിൽ വന്നത്​ ജനുവരി 27ന്​; ആദ്യ ജി.സി.സി രാജ്യം ഖത്തർ
2020 ജനുവരി 27നാണ് ദേശീയ മേൽവിലാസ നിയമം പ്രാബല്യത്തിൽ വന്നത്. ജി.സി.സി രാഷ്​ട്രങ്ങൾക്കിടയിൽ ഇത്തരമൊരു ഏകീകൃത മേൽവിലാസ നിയമം പാസാക്കുന്ന ആദ്യ രാജ്യമാണ് ഖത്തർ. ജൂലൈ 26 വരെ ദേശീയ മേൽവിലാസ രജിസ്​േട്രഷൻ പ്രക്രിയ തുടരും. ഓരോ വ്യക്തിയും കൃത്യമായ വിവരങ്ങളാണ് രേഖപ്പെടുത്തേണ്ടത്​. തെറ്റായ വിവരങ്ങൾ രേഖപ്പെടുത്തിയാൽ 10,000 റിയാൽ പിഴ ചുമത്തും. 

ആറ് മാസത്തിനുള്ളിൽ രജിസ്​റ്റർ ചെയ്തില്ലെങ്കിലും 10,000 റിയാൽ പിഴ അടക്കേണ്ടി വരും. കോടയിലെത്തും മുമ്പ് 5000 റിയാൽ ബന്ധപ്പെട്ട അതോറിറ്റിയിൽ അടച്ചാൽ കേസ്​ ഒത്തുതീർപ്പിലെത്താം. നേരത്തെ രജിസ്​റ്റർ ചെയ്ത മേൽവിലാസത്തിൽ എന്തെങ്കിലും  മാറ്റമുണ്ടായിട്ടുണ്ടെങ്കിൽ മെട്രാഷ് 2, മന്ത്രാലയത്തി​െൻറ വെബ്സൈറ്റ് മുഖാന്തിരം ഉടൻ തന്നെ വിവരങ്ങൾ പുതുക്കി നൽകണമെന്ന് ആഭ്യന്തര മന്ത്രാലയം നേരത്തെ വ്യക്തമാക്കിയിട്ടുണ്ട്.

മുനിസിപ്പാലിറ്റി പരിസ്​ഥിതി മന്ത്രാലയം, നീതിന്യായ മന്ത്രാലയം, സുപ്രീം ജുഡീഷ്യറി കൗൺസിൽ, പ്ലാനിങ് ആൻഡ് സ്​റ്റാറ്റിസ്​റ്റിക്സ്​ അതോറിറ്റി തുടങ്ങിയ മന്ത്രാലയങ്ങളും സ്​ഥാപനങ്ങളുമുൾപ്പെടെയുള്ളവക്ക് ദേശീയ മേൽവിലാസ രജിസ്​േട്രഷൻ വലിയ സഹായമാണ്.

എങ്ങി​െന രജിസ്​റ്റർ ചെയ്യാം
മേൽവിലാസ രജിസ്​േട്രഷന് മെട്രാഷ് 2 സ്​മാർട്ട് ഫോൺ ആപ്ലിക്കേഷനോ മന്ത്രാലയത്തി​െൻറ വെബ്സൈറ്റോ ഉപയോഗപ്പെടുത്താം. ഓരോരുത്തരുടെയും ഖത്തറിലെ താമസസ്​ഥലത്തെ വിലാസം, ലാൻഡ്​ലൈൻ നമ്പർ, മൊബൈൽ നമ്പർ, ഇ–മെയിൽ  അഡ്രസ്​, തൊഴിൽ സ്​ഥലത്തെ വിവരങ്ങൾ എന്നിവയെല്ലാം ഉൾപ്പെടുന്നതാണ് ദേശീയ മേൽവിലാസ വിവരങ്ങൾ.

മേൽവിലാസ നിയമപ്രകാരം രാജ്യത്തെ പൗരൻമാരും താമസക്കാരും മന്ത്രാലയം ആവശ്യ​െപ്പടുന്ന വിവരങ്ങൾ രജിസ്​റ്റർ ചെയ്യൽ നിർബന്ധമാണ്​. 2017ലെ 24ാം ​ന​മ്പ​ര്‍ ദേ​ശീ​യ മേ​ല്‍വി​ലാ​സ നി​യ​മമാണ്​ നടപ്പാക്കുന്നത്​. 
രാ​ജ്യ​ത്തി​​​െൻറ സാ​മൂ​ഹി​ക–സാ​മ്പ​ത്തി​ക വി​ക​സ​ന​ങ്ങ​ള്‍ക്ക് പി​ന്തു​ണ ന​ല്‍കാ​ന്‍ നി​യ​മം വ​ലി​യ പ​ങ്കുവ​ഹി​ക്കു​ം. ഒരേസമയം സർക്കാറിനും ജനങ്ങളും ഇത്​ ഏറെ നല്ലതാണ്​. ഭരണനിർവഹണ രംഗത്തെ നിരവധി പ്രശ്​നങ്ങൾക്ക്​ പരിഹാരമുണ്ടാക്കാൻ നിയമത്തിലൂടെ കഴിയും. 

നിയമപ്രകാരം നൽകുന്ന വിലാസമായിരിക്കും വിവിധ സർക്കാർതല നടപടികൾക്കായി ഉപയോഗിക്കുക. 
പൗ​ര​ന്മാ​ര്‍, പ്ര​വാ​സി​ക​ള്‍, സ്ഥാ​പ​ന​ങ്ങ​ള്‍, ക​മ്പ​നി​ക​ള്‍ എ​ന്നി​വ​ക്കെ​ല്ലാം ത​ങ്ങ​ളു​ടെ വി​ലാ​സം ഉ​ള്‍പ്പെ​ടെ​ വി​വ​ര​ങ്ങ​ള്‍ ഇത്തരത്തിൽ രജി​സ്​റ്റ​ര്‍ ചെ​യ്യണം.