റിപ്പബ്ലിക്​ ദിനാഘോഷം

ദോഹ: ഒലീവ്​​ ഇന്‍റർനാഷനൽ സ്കൂൾ മൂന്ന്​ കാമ്പസുകളിലും റിപ്പബ്ലിക്​ ദിനാഘോഷം നടത്തി. തുമാമ കാമ്പസിൽ ചെയർമാൻ ഡേവിസ്​ എടകുളത്തൂർ ദേശീയപതാക ഉയർത്തി. അബൂഹമൂർ കാമ്പസിൽ വൈസ്​ ചെയർമാൻ റോണി പോൾ, ഉംസലാൽ കാമ്പസിൽ പ്രിൻസിപ്പൽ ജേക്കബ്​ മാത്യു എന്നിവർ പതാക ഉയർത്തി.

അധ്യാപകരും വിദ്യാർഥികളും വെർച്വൽ പ്ലാറ്റ്​ഫോമുകളിലൂടെ പ​ങ്കെടുത്തു. ദേശഭക്​തിഗാനങ്ങൾ, വിവിധ സംസ്കാരങ്ങളെ പരിചയപ്പെടുത്തുന്ന കലാപരിപാടികൾ എന്നിവ അവതരിപ്പിച്ചു.