ഉടന്‍ തീര്‍ക്കണം, ഹമദ് അല്‍കബീര്‍ സ്ട്രീറ്റ് നവീകരണം

ദോ​ഹ: ദോ​ഹ​യി​ലെ സൂ​ഖ് വാ​ഫി​ഫി​നും ഫ​നാ​റി​നു​മ​ടു​ത്തു​ള്ള ഹ​മ​ദ് അ​ല്‍ക​ബീ​ര്‍ സ്ട്രീ​റ്റി​ലെ വി​ക​സ​ന പ​ദ്ധ​തി​ക​ള്‍ ഉ​ട​ൻ പൂ​ർ​ത്തി​യാ​ക്ക​ണ​മെ​ന്ന ആ​വ​ശ്യ​മു​യ​രു​ന്നു. പ​ദ്ധ​തി പൂ​ര്‍ത്തി​യാ​വാ​ത്ത​ത് ജ​ന​ങ്ങ​ള്‍ക്ക് ഏ​റെ പ്ര​യാ​സ​മു​ണ്ടാ​ക്കു​ന്നു​വെ​ന്ന്​ പ്രാ​ദേ​ശി​ക അ​റ​ബി പ​ത്ര​മാ​യ 'അ​ര്‍റാ​യ'​റി​പ്പോ​ര്‍ട്ട് ചെ​യ്​​തു. പ​ണി​ക​ൾ ഉ​ട​ൻ പൂ​ർ​ത്തി​യാ​ക്കി തു​റ​ന്നു​കൊ​ടു​ക്കാ​നു​ള്ള ന​ട​പ​ടി​ക​ള്‍ പൊ​തു​മ​രാ​മ​ത്ത് വ​കു​പ്പ് അ​ശ്ഗാ​ല്‍ ചെ​യ്യ​ണം.

മ​ധ്യ ദോ​ഹ​യു​ടെ വി​ക​സ​ന പ​ദ്ധ​തി​യു​ടെ ഭാ​ഗ​മാ​ണ് ഹ​മ​ദ് അ​ല്‍ക​ബീ​ര്‍ സ്ട്രീ​റ്റ് ന​വീ​ക​ര​ണ പ​ദ്ധ​തി. ഈ ​ഭാ​ഗ​ങ്ങ​ളി​ലു​ള്ള ഓ​ഫി​സു​ക​ളി​ല്‍ ജോ​ലി ചെ​യ്യു​ന്ന​വ​ര്‍ക്ക് അ​ര​മ​ണി​ക്കൂ​റെ​ങ്കി​ലും പാ​ര്‍ക്കി​ങ്​ ക​ണ്ടെ​ത്താ​നാ​യി മാ​ത്രം വാ​ഹ​നം ഓ​ടി​ക്കേ​ണ്ട സാ​ഹ​ച​ര്യ​മാ​ണ്. പ​ല​പ്പോ​ഴും പ​ല​യി​ട​ത്തും വാ​ഹ​നം നി​ർ​ത്തി​യി​ടാ​ൻ നി​ർ​ബ​ന്ധി​ത​രാ​കു​ക​യാ​ണ്. പ​ല​പ്പോ​ഴും ഇ​ത്​ ഗ​ത​ഗാ​ത നി​യ​മ​ലം​ഘ​ന​ത്തി​നും കാ​ര​ണ​മാ​കു​ന്നു. ന​വീ​ക​ര​ണ​പ​ദ്ധ​തി തു​ട​ങ്ങി​യ​തോ​ടെ പ​ല പാ​ര്‍ക്കി​ങ്ങു​ക​ളും ഇ​ല്ലാ​താ​യ​ത് വ​ലി​യ പ്ര​തി​സ​ന്ധി​യാ​യി​ട്ടു​ണ്ട്. ബാ​ങ്ക് ഏ​രി​യ​ക​ളു​ടെ പി​ന്‍വ​ശ​ത്തു​ള്ള ഒ​ഴി​ഞ്ഞ ഇ​ട​ത്ത് സു​ര​ക്ഷി​ത​മാ​യി പാ​ര്‍ക്ക് ചെ​യ്യാ​നാ​വാ​ത്ത സാ​ഹ​ച​ര്യ​മാ​ണു​ള്ള​ത്. ഈ ​ഭാ​ഗ​ത്ത് ബ​ഹു​നി​ല പാ​ര്‍ക്കി​ങ്​ മ​ന്ദി​രം പ​ണി​യാ​നു​ള്ള സം​വി​ധാ​നം അ​ധി​കൃ​ത​ര്‍ ചെ​യ്യ​ണ​മെ​ന്നും ആ​വ​ശ്യം ശ​ക്​​ത​മാ​ണ്. ജ​ന​ങ്ങ​ള്‍ കൂ​ടു​ത​ല്‍ ഒ​ത്തു​ചേ​രു​ന്ന ഇ​ട​ങ്ങ​ളാ​ണ് ഈ ​ഭാ​ഗം. നി​ല​വി​ൽ വാ​ഹ​ന​ങ്ങ​ൾ പാ​ര്‍ക്ക്​ ചെ​യ്യാ​നാ​കാ​തെ ജ​ന​ങ്ങ​ള്‍ പ്ര​യാ​സ​പ്പെ​ടു​ക​യാ​ണ്.

ഈ ​സ്ട്രീ​റ്റി​ലെ ഓ​രോ ഭാ​ഗ​ത്തേ​ക്കും ര​ണ്ടു​ലൈ​നു​ക​ള്‍ മാ​ത്ര​മാ​യി പാ​ത ചു​രു​ങ്ങി​യ സ്​​ഥി​തി​യാ​ണ്. നി​ര​വ​ധി ബാ​ങ്കു​ക​ളും പ്ര​ധാ​ന സ്ഥാ​പ​ന​ങ്ങ​ളു​മു​ള്ള ഭാ​ഗ​മാ​ണി​വി​ടം. വാ​ഹ​ന ഗ​താ​ഗ​ത​വും ജ​ന​ങ്ങ​ളു​ടെ കാ​ല്‍ന​ട​യു​മെ​ല്ലാം നി​ല​വി​ൽ ഏ​റെ പ്ര​യാ​സ​ത്തി​ലാ​ണ്. ചു​റ്റു​മു​ള്ള ഭാ​ഗ​ങ്ങ​ളി​ലെ പാ​ര്‍ക്കി​ങ്​ സാ​ധ്യ​ത പോ​ലും അ​ട​ഞ്ഞി​രി​ക്കു​ക​യാ​ണ്.