ഖത്തറിനെ പരിശീലന വേദിയാക്കി അഭയാർത്ഥി ഒളിമ്പിക്​സ്​ ടീം

ദോഹ: ടോക്യോ ഒളിമ്പിക്​സിനുള്ള ​​അഭയാർഥി അത്​ലറ്റുകളുടെ ടീം ഖത്തറിൽ പരിശീലനം ആരംഭിച്ചു. ഞായറാഴ്​ച ഇവിടെയെത്തിയ സംഘാംഗങ്ങൾ ആസ്​പയർ സോൺ സ്​പോർട്​സ്​ സെൻററിലാണ്​ ഒളിമ്പിക്​സിനായി ഒരുങ്ങുന്നത്​. ആഭ്യന്തര യുദ്ധവും മറ്റും കാരണം 11 രാജ്യങ്ങളിൽനിന്ന്​ അഭയാർഥികളായ 29 അത്​ലറ്റുകളാണ്​ ഒളിമ്പിക്​സിന്​ യോഗ്യത നേടിയത്​. ഖത്തർ ഒളിമ്പിക്​സ്​ കമ്മിറ്റിയുടെ അതിഥികളായാണ്​ ഇവരുടെ വരവ്​. ​2016 റിയോ ഒളിമ്പിക്​സിലാണ്​ ആദ്യമായി അഭയാർഥി അത്​ലറ്റുകൾ ട്രാക്കിലു​ം ഫീൽഡിലുമായി ഇറങ്ങുന്നത്​.

തിങ്കളാഴ്​ച പരിശീലനം ആരംഭിച്ച ടീം അംഗങ്ങൾക്ക്​ വിജയാശംസകളുമായി ഖത്തർ ഒളിമ്പിക്​ കമ്മിറ്റി പ്രസിഡൻറ്​ ശൈഖ്​ ജൊവാൻ ബിൻ ഹമദ്​ ആൽഥാനിയെത്തി. ചൊവ്വാഴ്​ച ആസ്​പയർ സ്​പോർട്​സ്​ സോൺ സന്ദർശിച്ച അദ്ദേഹം, അഭയാർഥി ഒളിമ്പിക്​ ടീം അംഗങ്ങളുമായും പരിശീലകരുമായും സംസാരിച്ചു. ഏർപ്പെടുത്തിയ സൗകര്യങ്ങളും വിലയിരുത്തി.

രാജ്യമില്ലാത്ത കായികതാരങ്ങൾ​ ഐക്യരാഷ്​ട്ര സഭയുടെ റഫ്യൂജീ ഹൈകമീഷണർ, ​െഎ.ഒ.സി​ ഒളിമ്പിക്​ റെഫ്യൂജീ ഫൗണ്ടേഷൻ എന്നിവര​ുടെ പിന്തുണയിലാണ്​ വിശ്വമേളക്കായി ഒരുങ്ങുന്നത്​. ഐ.ഒ.സിയുടെ റെഫ്യൂജി അത്​ലറ്റ്​ സ്​കോളർഷിപ്​ സ്വീകരിച്ച 55 പേരുടെ ടീമിൽനിന്നാണ്​ 29 പേരെ ടോ​ക്യോ പോരാട്ടത്തിലേക്ക്​ തിരഞ്ഞെടുത്തത്​. അത്​ലറ്റിക്​സ്​, നീന്തൽ, ബാഡ്​മിൻറൺ, ബോക്​സിങ്​, സൈക്ലിങ്​, ജുഡോ, കരാ​േട്ട, ഷൂട്ടിങ്​, തൈ​ക്വാൻഡോ, വെയ്​റ്റ്​ ലിഫ്​റ്റിങ്​, ഗുസ്​തി എന്നിങ്ങനെ 12 ഇനങ്ങളിലായാണ്​ ഇവർ മത്സരത്തിനിറങ്ങുന്നത്​. മുൻ കെനിയൻ ​ദീർഘദൂര താരവും ലോകചാമ്പ്യനുമായ ടെഗ്ല ലോറുപ്പാണ്​ സംഘത്തിൻെറ ചെഫ്​ ഡി മിഷൻ. ഇവർക്കൊപ്പം 20 അംഗ പരിശീലകരും അഭയാർഥി ടീമിനൊപ്പ​മുണ്ട്​.