അ​ദാ​ഹി കാ​മ്പ​യി​നു​മാ​യി റെ​ഡ്ക്ര​സ​ന്റ്

ദോ​ഹ: ബ​ലി​​പെ​രു​ന്നാ​ളി​ലേ​ക്ക് ദി​വ​സ​ങ്ങ​ൾ ബാ​ക്കി​നി​ൽ​ക്കെ 14 രാ​ജ്യ​ങ്ങ​ളി​ലേ​ക്കു​ള്ള അ​ദാ​ഹി കാ​മ്പ​യി​ന് തു​ട​ക്കം​കു​റി​ച്ച് ഖ​ത്ത​ർ റെ​ഡ് ക്ര​സ​ന്റ് സൊ​സൈ​റ്റി. ‘ബ​ലി​യ​റു​ക്ക​ൽ അ​നു​ഗ്ര​ഹ​മാ​ണ്’ എ​ന്ന പേ​രി​ൽ ന​ട​ക്കു​ന്ന കാ​മ്പ​യി​നി​ൽ ഖ​ത്ത​ർ, ജോ​ർ​ഡ​ൻ, സി​റി​യ, ഫ​ല​സ്തീ​ൻ, യ​മ​ൻ, മൗ​റി​ത്താ​നി​യ, ബം​ഗ്ലാ​ദേ​ശ്, അ​ഫ്ഗാ​നി​സ്താ​ൻ, ജി​ബൂ​ട്ടി, നൈ​ജ​ർ, ഛാഡ്, ​താ​ൻ​സ​നി​യ, സോ​മാ​ലി​യ ഉ​ൾ​പ്പെ​ടെ 14 രാ​ജ്യ​ങ്ങ​ൾ ഗു​ണ​ഭോ​ക്താ​ക്ക​ളാ​കും.

ബ​ലി​പെ​രു​ന്നാ​ളി​നോ​ട​നു​ബ​ന്ധി​ച്ച് വി​ശ്വാ​സി സ​മൂ​ഹം അ​നു​ഷ്ഠി​ക്കു​ന്ന പ്ര​ധാ​ന ക​ർ​മ​മാ​യ ഉ​ദു​ഹി​യ വി​ഹി​തം ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലെ അ​ർ​ഹ​രാ​യ ജ​ന​ങ്ങ​ളി​ലെ​ത്തി​ക്കു​ക​യാ​ണ് ഖ​ത്ത​ർ റെ​ഡ്ക്ര​സ​ന്റി​ന്റെ അ​ദാ​ഹി കാ​മ്പ​യി​ൻ വ​ഴി ല​ക്ഷ്യ​മി​ടു​ന്ന​ത്.

ഖ​ത്ത​റി​ലെ പൊ​തു​സ​മൂ​ഹ​ത്തി​ൽ​നി​ന്ന് സ്വീ​ക​രി​ക്കു​ന്ന തു​ക വ​ഴി, ബ​ലി​യ​റു​ത്ത് സാ​മ്പ​ത്തി​ക പി​ന്നാ​ക്കാ​വ​സ്ഥ​യു​​ള്ള രാ​ജ്യ​ങ്ങ​ളി​ലെ ജ​ന​ങ്ങ​ളി​ലെ​ത്തി​ക്കും. 2017 മു​ത​ൽ എ​ല്ലാ വ​ർ​ഷ​ങ്ങ​ളി​ലു​മാ​യി ന​ട​ക്കു​ന്ന അ​ദാ​ഹി​യി​ലൂ​ടെ ല​ക്ഷ​ങ്ങ​ളാ​ണ് ഗു​ണ​ഭോ​ക്താ​ക്ക​ളാ​കു​ന്ന​ത്. ക​ഴി​ഞ്ഞ വ​ർ​ഷം 2.71 ല​ക്ഷം പേ​രി​ലേ​ക്കാ​ണ് പ​ദ്ധ​തി വ​ഴി എ​ത്തി​ച്ച​തെ​ന്ന് റെ​ഡ്ക്ര​സ​ന്റ് സൊ​സൈ​റ്റി സെ​ക്ര​ട്ട​റി ജ​ന​റ​ൽ ഫൈ​സ​ൽ മു​ഹ​മ്മ​ദ് അ​ൽ ഇ​മാ​ദി പ​റ​ഞ്ഞു. ആ​ഭ്യ​ന്ത​ര സം​ഘ​ർ​ഷ​ങ്ങ​ൾ, യു​ദ്ധം, പ്ര​കൃ​തി ദു​ര​ന്ത​ങ്ങ​ൾ, ദാ​രി​ദ്ര്യം ഉ​ൾ​പ്പെ​ടെ പ്ര​തി​സ​ന്ധി​ക​ളി​ൽ വ​ല​യു​ന്ന​വ​രി​ലേ​ക്കാ​ണ് സ​ഹാ​യ​മെ​ത്തു​ന്ന​ത്.

സം​ഭാ​വ​ന ചെ​യ്യാ​ൻ സ​ന്ന​ദ്ധ​രാ​യ​വ​രെ​യും അ​ർ​ഹ​രാ​യ വി​ഭാ​ഗ​ങ്ങ​ളെ​യും ബ​ന്ധി​പ്പി​ക്കു​ന്ന ക​ണ്ണി​യാ​യാ​ണ് ഖ​ത്ത​ർ റെ​ഡ്ക്ര​സ​ന്റ് പ്ര​വ​ർ​ത്തി​ക്കു​ന്ന​തെ​ന്നും അ​ദ്ദേ​ഹം വി​ശ​ദീ​ക​രി​ച്ചു. ബ​ലി​പെ​രു​ന്നാ​ളി​ന്റെ നാ​ലു ദി​ന​ങ്ങ​ളി​ലാ​യി ഉ​ദു​ഹി​യ ന​ട​ത്താ​നും മാം​സ​ങ്ങ​ൾ സു​ര​ക്ഷി​ത​മാ​യി വി​ത​ര​ണം ചെ​യ്യാ​നു​മാ​യി വി​പു​ല​മാ​യ സ​ജ്ജീ​ക​ര​ണ​ങ്ങ​ളാ​ണ് ഒ​രു​ക്കു​ന്ന​ത്.