റെഡ്ക്രസൻറ് സൊസൈറ്റി അദാഹീ കാമ്പയിന് തുടക്കം
text_fieldsദോഹ: ബലി പെരുന്നാളിനോടനുബന്ധിച്ച് ബലി കർമ്മങ്ങൾക്ക് സൗകര്യമൊരുക്കുന്നതിനായി ഖത്തർ റെഡ്ക്രസൻറ് സൊസൈറ്റിയുടെ അദാഹീ കാമ്പയിന് തുടക്കമായി. കാമ്പയിനിൽ പങ്കെടുക്കുന്നവർക്ക് തങ്ങൾക്കിഷ്ടമുള്ള ബലി മൃഗങ്ങളെ നിശ്ചയിക്കാനും ഏത് സ്ഥലത്ത് അത് വിതരണം ചെയ്യണമെന്നും തീരുമാനിക്കാൻ അവസരമുണ്ടെന്നും അതിനായി പണമടക്കേണ്ട ആവശ്യം മാത്രമേയുളളൂവെന്നും ഖത്തർ റെഡ്ക്രസൻറ് ജനറൽ സെക്രട്ടറി അളി ബിൻ ഹസൻ അൽ ഹമ്മാദി പറഞ്ഞു.
ബലി പെരുന്നാളിനെ വരവേൽക്കാൻ സജ്ജമായി നിൽക്കുന്ന വിശ്വാസികൾക്ക് അഭിനന്ദനങ്ങളും ആശംസകളും അറിയിക്കുകയാണെന്നും അദ്ദേഹം വ്യക്തമാക്കി. ഖത്തറിൽ ബലി കർമ്മങ്ങൾക്കായുള്ള ഉരുക്കളെ വിദാം ഫുഡ് കമ്പനി നൽകുമെന്നും നിയമപ്രകാരമായിരിക്കുമിതെന്നും അദ്ദേഹം സൂചിപ്പിച്ചു. ശേഷം ആവശ്യക്കാരായ കുടുംബങ്ങൾക്ക് ബലിമാംസം ഖത്തർ റെഡ്ക്രസൻറ് സൊസൈറ്റി സന്നദ്ധ പ്രവർത്തകർ വിതരണം ചെയ്യും.
സ്വന്തം നാടുകളിൽ നിന്നകന്ന് താമസിക്കുന്നവർക്കും അഭയാർഥികൾക്കും പദ്ധതി വലിയ പ്രയോജനം ചെയ്യുമെന്നും പദ്ധതിക്ക് സൊസൈറ്റിയുടെ ശരീഅ സമിതിയുടെ അംഗീകാരം ലഭിച്ചതായും അൽ ഹമ്മാദി വ്യക്തമാക്കി.
20 രാജ്യങ്ങളിലായി ഒന്നര ലക്ഷത്തോളം ആളുകളെയാണ് ഗുണഭോക്താക്കളായി കണക്കാക്കുന്നതെന്നും എട്ട് മില്യൻ റിയാൽ ചെലവാണ് പദ്ധതിക്ക് വകയിരുത്തുന്നതെന്നും ഇൻറർനാഷണൽ ഡെവലപ്മെൻറ് ആൻഡ് റിലീഫ് ഡിവിഷൻ എക്സിക്യൂട്ടിവ്് ഡയറക്ടർ ഡോ. മുഹമ്മദ് സലാഹ് ഇബ്റാഹിം പറഞ്ഞു.
കാമ്പയിനിൽ പങ്കെടുക്കാനുദ്ദേശിക്കുന്നവർക്ക് വിവിധ മാളുകളിലും അൽമീര സ്റ്റോറുകളിലുമുള്ള ഏജൻറുമാരെ സമീപിക്കാവുന്നതാണെന്നും അതല്ലെങ്കിൽ ഖത്തർ റെഡ്്ക്രസൻറിെൻറ www.qrcs.org.qa വെബ്സൈറ്റ് വഴിയോ 66644822 – 66666364 – 16002 എന്ന ടോൾഫ്രീ നമ്പറിലോ ബന്ധപ്പെടാവുന്നതാണെന്നും അധികൃതർ വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.