ലോ​ക​ക​പ്പി​ന്റെ ഭാ​ഗ​മാ​യു​ള്ള ജോ​ലി​ക്ക് റി​ക്രൂ​ട്മെ​ന്റ് ഫീ​സ്: ന​ഷ്ട​പ​രി​ഹാ​രം ന​ല്‍കി​യെ​ന്ന് ഫി​ഫ

ദോ​ഹ: ലോ​ക​ക​പ്പി​ന്റെ ഭാ​ഗ​മാ​യു​ള്ള ജോ​ലി​ക്ക് റി​ക്രൂ​ട്മെ​ന്റ് ഫീ​സ് ന​ല്‍കേ​ണ്ടി​വ​ന്ന പ​തി​നാ​യി​ര​ങ്ങ​ള്‍ക്ക് ന​ഷ്ട​പ​രി​ഹാ​രം ന​ല്‍കി​യ​താ​യി ആ​ഗോ​ള ഫു​ട്ബാ​ൾ സം​ഘ​ട​ന​യാ​യ ഫി​ഫ. പ്രാ​ദേ​ശി​ക സം​ഘാ​ട​ക​രാ​യ സു​പ്രീം ക​മ്മി​റ്റി​യാ​ണ് പ​ണം തി​രി​കെ ല​ഭി​ക്കാ​ന്‍ ഇ​ട​പെ​ട്ട​ത്. 200 കോ​ടി​യോ​ളം രൂ​പ​യാ​ണ് ഇ​ങ്ങ​നെ തൊ​ഴി​ലാ​ളി​ക​ള്‍ക്ക് ക​മ്പ​നി​ക​ള്‍ തി​രി​ച്ചു​ന​ല്‍കി​യ​ത്.

ലോ​ക​ക​പ്പി​ന്റെ നി​ര്‍മാ​ണ പ്ര​വ​ര്‍ത്ത​ന​ങ്ങ​ളു​ടെ ക​രാ​ര്‍ ഏ​റ്റെ​ടു​ത്ത ചി​ല ക​മ്പ​നി​ക​ളും ഹോ​ട്ട​ലു​ക​ളു​മാ​ണ് തൊ​ഴി​ലാ​ളി​ക​ളി​ല്‍നി​ന്ന് അ​ന​ധി​കൃ​ത​മാ​യി റി​ക്രൂ​ട്മെ​ന്റ് ഫീ​സ് വാ​ങ്ങി​യ​ത്. സു​പ്രീം​ക​മ്മി​റ്റി​യു​ടെ യൂ​നി​വേ​ഴ്സ​ല്‍ റീ ​ഇ​മ്പേ​ഴ്സ്മെ​ന്റ് പ്രോ​ഗ്രാ​മി​ന്റെ ഭാ​ഗ​മാ​യി 266 ക​രാ​റു​കാ​രി​ല്‍നി​ന്നും തൊ​ഴി​ലാ​ളി​ക​ളി​ല്‍നി​ന്നും വാ​ങ്ങി​യ പ​ണം തി​രി​കെ വാ​ങ്ങി. ഇ​ങ്ങ​നെ 4,90,000 തൊ​ഴി​ലാ​ളി​ക​ൾ​ക്കാ​ണ് 200 കോ​ടി​യോ​ളം രൂ​പ തി​രി​കെ ല​ഭി​ച്ച​ത്. 58 ഹോ​ട്ട​ല്‍ തൊ​ഴി​ലാ​ളി​ക​ള്‍ക്കും പ​ണം തി​രി​കെ ന​ല്‍കി​യ​താ​യി ഫി​ഫ​യു​ടെ റി​പ്പോ​ര്‍ട്ട് പ​റ​യു​ന്നു. തൊ​ഴി​ലാ​ളി​ക​ളു​ടെ അ​വ​കാ​ശ​ങ്ങ​ളു​മാ​യി ബ​ന്ധ​പ്പെ​ട്ട് പ​രാ​തി​ക​ള്‍ ബോ​ധി​പ്പി​ക്കാ​ന്‍ സു​പ്രീം​ക​മ്മി​റ്റി പ്ര​ത്യേ​കം സൗ​ക​ര്യ​ങ്ങ​ള്‍ ഏ​ര്‍പ്പെ​ടു​ത്തി​യി​രു​ന്നു. പേ​രും വി​വ​ര​ങ്ങ​ളും വെ​ളി​പ്പെ​ടു​ത്താ​തെ​ത​ന്നെ പ​രാ​തി​ക​ള്‍ അ​റി​യി​ക്കാ​നു​ള്ള ഹോ​ട്ട് ലൈ​ന്‍ സൗ​ക​ര്യ​ങ്ങ​ളും ഇ​തി​ൽ​പെ​ടും. 2441 പ​രാ​തി​ക​ളാ​ണ് ഇ​ങ്ങ​നെ ല​ഭി​ച്ച​ത്. 90 ശ​ത​മാ​ന​ത്തോ​ളം പ​രാ​തി​ക​ളി​ലും തീ​ര്‍പ്പു​ണ്ടാ​ക്കാ​നാ​യി. ലോ​ക​ക​പ്പി​നോ​ട​നു​ബ​ന്ധി​ച്ച് ഖ​ത്ത​റി​ലെ തൊ​ഴി​ല്‍നി​യ​മ​ങ്ങ​ളി​ല്‍ കാ​ത​ലാ​യ പ​രി​ഷ്ക​ര​ണ​ങ്ങ​ള്‍ കൊ​ണ്ടു​വ​ന്നി​രു​ന്നു.