റ​മ​ദാ​ൻ: പൗ​ര​ന്മാ​രു​ടെ അ​വ​ശ്യ സാ​ധ​ന​ങ്ങ​ളു​ടെ റേ​ഷ​ൻ വ​ർ​ധി​പ്പി​ച്ചു

ദോഹ: വി​ശു​ദ്ധ റ​മ​ദാ​ൻ മാ​സ​ത്തി​ൽ പൗ​ര​ന്മാ​രു​ടെ റേ​ഷ​ൻ വി​ഹി​തം ഇ​ര​ട്ടി​യാ​ക്കി വാ​ണി​ജ്യ, വ്യ​വ​സാ​യ മ​ന്ത്രാ​ല​യം ഉ​ത്ത​ര​വ് ഇ​റ​ക്കി. 2023 മാ​ർ​ച്ച് 15 മു​ത​ൽ 31 വ​രെ പ്രാ​ബ​ല്യ​ത്തി​ലു​ള്ള ഉ​ത്ത​ര​വി​ൽ അ​രി, പ​ഞ്ച​സാ​ര, എ​ണ്ണ, പാ​ൽ​പ്പൊ​ടി എ​ന്നി​വ​യു​ടെ റേ​ഷ​ൻ വി​ഹി​ത​മാ​ണ് ഇ​ര​ട്ടി​യാ​ക്കി​യ​ത്.

പു​ണ്യ​മാ​സ​ത്തി​ൽ പൗ​ര​ന്മാ​രെ​യും റേ​ഷ​ൻ സാ​മ​ഗ്രി​ക​ളി​ൽ നി​ന്ന് പ്ര​യോ​ജ​നം നേ​ടു​ന്ന ആ​ളു​ക​ളെ​യും സ​ഹാ​യി​ക്കാ​നും പി​ന്തു​ണ​ക്കാ​നു​മു​ള്ള മ​ന്ത്രാ​ല​യ​ത്തി​ന്റെ പ്ര​തി​ബ​ദ്ധ​ത​യാ​ണ് ഈ ​സം​രം​ഭ​ത്തി​ലൂ​ടെ പ്ര​തി​ഫ​ലി​പ്പി​ക്കു​ന്ന​ത്. ഭ​ക്ഷ്യ വി​ത​ര​ണ​വും സ​ബ്‌​സി​ഡി​യു​ള്ള സാ​ധ​ന​ങ്ങ​ളും പൗ​ര​ന്മാ​രു​ടെ അ​വ​കാ​ശ​മാ​ണെ​ന്ന് മ​ന്ത്രാ​ല​യം അ​ടു​ത്തി​ടെ പ്ര​ഖ്യാ​പി​ച്ചി​രു​ന്നു.

റേ​ഷ​ൻ കാ​ർ​ഡും അ​തി​ന്റെ ര​ഹ​സ്യ കോ​ഡും സു​ര​ക്ഷി​ത​മാ​യി സൂ​ക്ഷി​ക്കേ​ണ്ട​തി​ന്റെ പ്രാ​ധാ​ന്യ​വും നി​യ​മ​പ​ര​മാ​യ ഉ​ത്ത​ര​വാ​ദി​ത്ത​ത്തി​ന് വി​ധേ​യ​മാ​കാ​തി​രി​ക്കാ​ൻ മ​റ്റു​ള്ള​വ​രെ കൈ​വ​ശം വെ​ക്കാ​നോ ഉ​പ​യോ​ഗി​ക്കാ​നോ അ​നു​വ​ദി​ക്ക​രു​തെ​ന്നും മ​ന്ത്രാ​ല​യം വ്യ​ക്ത​മാ​ക്കി. വി​ശു​ദ്ധ മാ​സം പ്ര​മാ​ണി​ച്ച് റ​മ​ദാ​നി​ൽ ഒ​രു കു​ടും​ബ​ത്തി​ന് ആ​വ​ശ്യ​മാ​യ ഏ​റ്റ​വും പ്ര​ധാ​ന​പ്പെ​ട്ട ഭ​ക്ഷ​ണ​വും ഭ​ക്ഷ്യേ​ത​ര വ​സ്തു​ക്ക​ളും ഉ​ൾ​പ്പെ​ടു​ന്ന 900ല​ധി​കം നി​ത്യോ​പ​യോ​ഗ സാ​ധ​ന​ങ്ങ​ളു​ടെ വി​ല ക​ഴി​ഞ്ഞ ഞാ​യ​റാ​ഴ്ച മ​ന്ത്രാ​ല​യം കു​റ​ച്ചി​രു​ന്നു.