ഖ​ത്ത​റി​ൽ നാ​ളെ മു​ത​ൽ മ​ഴ​ക്ക് സാ​ധ്യ​ത

ദോ​ഹ: രാ​ജ്യ​ത്ത് ജ​നു​വ​രി ര​ണ്ടു​മു​ത​ൽ മ​ഴ​ക്ക് സാ​ധ്യ​ത​യെ​ന്ന് കാ​ലാ​വ​സ്ഥ പ്ര​വ​ച​നം. തി​ങ്ക​ളാ​ഴ്ച മു​ത​ൽ ഇ​ട​ക്കി​ടെ മ​ഴ​ക്കു സാ​ധ്യ​ത​യു​ണ്ടെ​ന്നും ഈ​യാ​ഴ്ച അ​വ​സാ​നം വ​രെ അ​ത് നീ​ണ്ടു​നി​ൽ​ക്കാ​മെ​ന്നും ഖ​ത്ത​ർ കാ​ലാ​വ​സ്ഥ വ​കു​പ്പ് ചൂ​ണ്ടി​ക്കാ​ട്ടി. ഇ​ടി​മി​ന്ന​ലി​നും സാ​ധ്യ​ത​യു​ണ്ട്. വ​ട​ക്കു​പ​ടി​ഞ്ഞാ​റു​നി​ന്ന് കാ​റ്റ് വീ​ശാ​ൻ സാ​ധ്യ​ത​യു​ണ്ടെ​ന്നും ഇ​ടി​യോ​ടു കൂ​ടി​യ മ​ഴ​യി​ൽ കാ​റ്റ് ശ​ക്ത​മാ​യേ​ക്കാ​മെ​ന്നും അ​ധി​കൃ​ത​ർ മു​ന്ന​റി​യി​പ്പു​ന​ൽ​കി.

ജ​നു​വ​രി​യി​ലെ ശ​രാ​ശ​രി താ​പ​നി​ല 14-17 ഡി​ഗ്രി സെ​ൽ​ഷ്യ​സ് ആ​യി​രി​ക്കും. തെ​ക്ക​ൻ മേ​ഖ​ല​ക​ളി​ൽ ഇ​തി​ലും കു​റ​യാ​ൻ ഇ​ട​യു​ണ്ട്. 20-24 ഡി​ഗ്രി​ക്കി​ട​യി​ലാ​ണ് കൂ​ടി​യ താ​പ​നി​ല ഇ​ത്ത​വ​ണ പ്ര​തീ​ക്ഷി​ക്കു​ന്ന​ത്. ഞാ​യ​റാ​ഴ്ച അ​ൽ ക​റാ​ന മേ​ഖ​ല​യി​ൽ 14 ഡി​ഗ്രി സെ​ൽ​ഷ്യ​സ് ആ​യി​രു​ന്നു താ​പ​നി​ല. ദോ​ഹ​യി​ൽ 18 ഡി​ഗ്രി​യും.

ക​ഴി​ഞ്ഞ​യാ​ഴ്ച ഖ​ത്ത​റി​ന്റെ പ​ല ഭാ​ഗ​ങ്ങ​ളി​ലും ശ​രാ​ശ​രി മ​ഴ ല​ഭി​ച്ചി​രു​ന്നു. ഹ​മ​ദ് രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ 15.1 മി.​മീ​റ്റ​ർ മ​ഴ​യാ​ണ് രേ​ഖ​​പ്പെ​ടു​ത്തി​യ​ത്. അ​ന്ന് രാ​ജ്യ​ത്ത് ല​ഭി​ച്ച ഉ​യ​ർ​ന്ന മ​ഴ​യാ​യി​രു​ന്നു അ​ത്. മ​ഴ​സാ​ധ്യ​ത​യു​ടെ പ​ശ്ചാ​ത്ത​ല​ത്തി​ൽ മു​നി​സി​പ്പാ​ലി​റ്റി മ​ന്ത്രാ​ല​യ​ത്തി​ന്റെ ജോ​യ​ന്റ് റെ​യി​ൻ​ഫാ​ൾ എ​മ​ർ​ജ​ൻ​സി ക​മ്മി​റ്റി ഒ​രു​ക്ക​ങ്ങ​ൾ സ​ജീ​വ​മാ​ക്കി​യി​ട്ടു​ണ്ട്. ഹൈ​വേ​ക​ളി​ലും തെ​രു​വു​ക​ളി​ലും റെ​സി​ഡ​ൻ​ഷ്യ​ൽ ഏ​രി​യ​ക​ളി​ലും വെ​ള്ളം കെ​ട്ടി​ക്കി​ട​ക്കു​ന്ന​ത് ഉ​ൾ​പ്പെ​ടെ​യു​ള്ള കാ​ര്യ​ങ്ങ​ളി​ൽ അ​ടി​യ​ന്ത​ര പ​രി​ഹാ​രം തേ​ടി മ​ന്ത്രാ​ല​യ​ത്തി​​ന്റെ ഹോ​ട്ട് ലൈ​ൻ ന​മ്പ​റാ​യ 184ൽ ​വി​ളി​ക്കാം. പ​ബ്ലി​ക് വ​ർ​ക്സ് അ​തോ​റി​റ്റി​യു​ടെ കോ​ൺ​ടാ​ക്ട് സെ​ന്റ​ർ ന​മ്പ​റാ​യ 188ലും ​വി​ളി​ക്കാ​വു​ന്ന​താ​ണ്.

ഡി​സം​ബ​റി​ൽ തു​ട​ങ്ങു​ന്ന ശൈ​ത്യ​കാ​ല​ത്തി​ൽ ജ​നു​വ​രി​യാ​കു​മ്പോ​ഴേ​ക്ക് ത​ണു​പ്പ് ക​ന​ക്കു​ന്ന​താ​ണ് ഖ​ത്ത​റി​ലെ രീ​തി. ജ​നു​വ​രി​യി​ലെ ആ​ദ്യ​പ​കു​തി​യി​ൽ മൂ​ട​ൽ​മ​ഞ്ഞി​നും സാ​ധ്യ​ത​യു​ണ്ട്. 1964ൽ ​താ​പ​നി​ല 3.8 ഡി​ഗ്രി സെ​ൽ​ഷ്യ​സി​ലെ​ത്തി​യ​താ​ണ് ഖ​ത്ത​റി​ൽ ജ​നു​വ​രി​യി​ൽ രേ​ഖ​പ്പെ​ടു​ത്തി​യ ഏ​റ്റ​വും കു​റ​ഞ്ഞ താ​പ​നി​ല. 2015ൽ 32.4 ​ഡി​ഗ്രി സെ​ൽ​ഷ്യ​സ് രേ​ഖ​പ്പെ​ടു​ത്തി​യ​താ​ണ് ഇ​തു​വ​രെ​യു​ള്ള​തി​ൽ ജ​നു​വ​രി മാ​സ​ത്തി​ലെ ഏ​റ്റ​വും ഉ​യ​ർ​ന്ന താ​പ​നി​ല. ഔ​ദ്യോ​ഗി​ക സം​വി​ധാ​ന​ങ്ങ​ളി​ൽ​നി​ന്നു​ള്ള കാ​ലാ​വ​സ്ഥ അ​റി​യി​പ്പു​ക​ളെ മാ​ത്രം ആ​ശ്ര​യി​ക്കാ​നും ഊ​ഹാ​പോ​ഹ​ങ്ങ​ളെ​യും അ​നൗ​ദ്യോ​ഗി​ക സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ളി​ൽ​നി​ന്നു​ള്ള അ​പ്ഡേ​റ്റു​ക​ളെ​യും അ​വ​ഗ​ണി​ക്കാ​നും ഖ​ത്ത​ർ കാ​ലാ​വ​സ്ഥാ വ​കു​പ്പ് പൊ​തു​ജ​ന​ങ്ങ​ളോ​ട് ആ​വ​ശ്യ​പ്പെ​ട്ടു.