യമനിൽ ഖത്തർ സഹായത്താൽ ഖുബ്സ്​ നിർമാണത്തിന് സൗകര്യം

ദോഹ: യമനിലെ നിലവിലെ സാഹചര്യത്തിൽ അവശ്യ സാധനങ്ങളുടെ ലഭ്യത കുറവ് പരിഹരിക്കുന്നതി​​െൻറ ഭാഗമായി ഖത്തറി​​െൻറ സഹായത്തോടെ ഖുബ്സ്​ നിർമാണത്തിന് സംവിധാനം ഒരുക്കുന്നു. യമനി​​െൻറ വിവിധ ഭാഗങ്ങളിൽ 14 ലക്ഷത്തിൽപരം ആളുകൾ ഒരു നേരത്തെ ഭക്ഷണത്തിന് വേണ്ടി കാത്തിരിക്കുന്ന സാഹചര്യമാണ് ഉള്ളത്. ഇത് പരിഹരിക്കുന്നതി​​െൻറ ഭാഗമായാണ് വിവിധ പ്രദേശങ്ങളിൽ ഖുബ്സ്​ നിർമിക്കുന്നതിനുള്ള സംവിധാനം ഏർപ്പെടുത്തുന്നതെന്ന് ബന്ധ​െപ്പട്ടവർ അറിയിച്ചു. നിലവിലെ സാഹചര്യത്തിൽ രണ്ടിലൊരാൾക്ക് അവശ്യമായ ഭക്ഷണം ലഭ്യമാകുന്നില്ലെന്നാണ് അറിയുന്നത്. 2009ൽ ഖത്തറിൽ നിന്നുള്ള ഗുണകാംക്ഷിയും പ്രബോധകയുമായ ഫാത്വിമ അൽഅലിയുടെ ശ്രമ ഫലമായി സ്വൻആയിൽ നിർമിച്ച് നൽകിയ ഖുബ്സ്​ നിർമാണ യൂണിറ്റ് ദിനേനെ നൂറ് കണക്കിന് ദരിദ്രർക്കാണ് ഖുബ്സ്​ നിർമിച്ച് സൗജന്യമായി നൽകി വരുന്നത്.  റാഫ് ചാരിറ്റബിൾ 

സൊസൈറ്റി, ഖത്തർ ചാരിറ്റി, ഈദ് ചാരിറ്റി തുടങ്ങിയ സന്നദ്ധ സംഘടനകളുടെ മേൽ നോട്ടത്തിൽ യമനിലെ വിവിധ പ്രദേശങ്ങളിൽ ഇതിനകം നൂറ് കണക്കിന് ഖുബ്സ്​ നിർമാണ യൂണിറ്റുകളാണ് സ്​ഥാപിച്ചിട്ടുള്ളത്. മാനുഷികമായ സഹായമാണിതെന്ന് യമനിലെ ചാരിറ്റി പ്രവർത്തകൻ അമീൻ ബജാഷ് വ്യക്തമാക്കി. വ്യക്തികളുടെ മേൽ നോട്ടത്തിൽ 
നടക്കുന്നതിനേക്കാൾ കൃത്യമായും വ്യവസ്​ഥാപിതമായും നടക്കുക ഇത്തരം ചാരിറ്റികളുടെ മേൽ നോട്ടത്തിൽ പ്രവർത്തിക്കുന്നവയാണെന്ന് ബജാഷ് അഭിപ്രായപ്പെട്ടു.