ഖത്തറിൽ മരണം 17 ആയി, ഇന്നുമുതൽ ആപ്പില്ലെങ്കിൽ ആപ്പിലാകും

ദോഹ: ഖത്തറിൽ കോവിഡ്​ രോഗം ബാധിച്ച്​ ചികിൽസയിലായിരുന്ന ഒരാൾ കൂടി മരിച്ചു. ഇതോടെ ആകെ മരണം 17 ആയി.  81 വയസുകാരനായ പ്രവാസിയാണ്​ വ്യാഴാഴ്​ച മരിച്ചതെന്ന്​ പൊതുജനാരോഗ്യമന്ത്രാലയം അറിയിച്ചു. തീവ്രപരിചരണ  വിഭാഗത്തിൽ ചികിൽസയിലായിരുന്നു ഇദ്ദേഹം. വ്യാഴാഴ്​ച 1554 പേർക്കുകൂടി പുതുതായി കോവിഡ്​ രോഗം സ്​ ഥിരീകരിച്ചിട്ടുണ്ട്​. ഇതോടെ ആകെ ചികിൽസയിലുള്ള രോഗികൾ 31346 ആയി. 688 പേർക്കുകൂടി രോഗശമനം ഉണ്ടായിട്ടുണ്ട്​.  

ആകെ രോഗം മാറിയവർ 7288ആയി ഉയർന്നു. 1555 പേരാണ്​ വിവിധ ആശുപത്രികളിൽ ചികിൽസയിലുള്ളവർ. ഇതിൽ 171  പേർ തീവ്രപരിചരണവിഭാഗത്തിലാണ്​.
അതേസമയം, ഇന്നുമുതൽ വീട്ടിൽ നിന്ന്​ ഏതാവശ്യത്തിന്​ ആളുകൾ പുറത്തിറങ്ങു​േമ്പാഴും മൊ​ൈബൽ ഫോണുകളിൽ  കോവിഡ്​ ​ട്രാക്കിങ്​ ആപ്പ്​ ആയ ‘ഇഹ്​തിറാസ്’​ നിർബന്ധമാണ്​. മേയ്​ 22 മുതലാണ്​ ഈ ഉത്തരവ്​ പ്രാബല്യത്തിൽ വരുന്നത്​. 
മേയ്​ 30 വരെ രാജ്യത്തെ എല്ലാഷോപ്പുകളും അടക്കാനും വാണിജ്യപ്രവർത്തനങ്ങൾ നിർത്തിവെക്കാനും നേരത്തേ  തീരുമാനിച്ചിട്ടുണ്ട്​. 

എന്നാൽ ഭക്ഷ്യസാധനങ്ങൾ വിൽക്കുന്ന കടകൾ, കാറ്ററിങ്​ ഷോപ്പുകൾ, ഫാർമസികൾ, ഭക്ഷണം  ഡെലിവറി ചെയ്യുന്ന റെസ്​റ്റോറൻറുകൾ എന്നിവക്ക്​ ഉത്തരവ്​ ബാധകമല്ല. 
വാഹനങ്ങളിൽ രണ്ടിലധികം ആളുകളെ വച്ച്​ യാത്ര ചെയ്യാൻ പാടില്ല. എന്നാൽ ചില സന്ദർഭങ്ങളിൽ ഇത്​ മൂന്ന്​ ആളുകൾ  ആവാം. ടാക്​സികളിലോ ലിമോസിനുകളിലോ യാത്ര ചെയ്യൽ, കുടുംബ​ൈഡ്രവർ ഓടിക്കുന്ന സ്വകാര്യവാഹനങ്ങളിൽ യാത്ര  നടത്തൽ എന്നീ സന്ദർഭങ്ങളിലാണിത്​.
ഇത്തരം കാര്യങ്ങളിൽ നിയമലംഘനമുണ്ടായാൽ 1990ലെ 17ാം നമ്പർ സാംക്രമികരോഗപ്രതിരോധ നിയമപ്രകാരം  നടപടി  സ്വീകരിക്കും. മൂന്നുവർഷത്തിൽ കൂടാത്ത തടവോ രണ്ട്​ ലക്ഷം റിയാലിൽ കൂടാത്ത പിഴയോ ഇതിൽ ഏതെങ്കിലും ഒന്നോ  ആയിരിക്കും ശിക്ഷ. പുറത്തിറങ്ങു​േമ്പാൾ മാസ്​ ധരിക്കൽ നേരത്തേ തന്നെ നിർബന്ധമാണ്​.

‘ഇഹ്​തിറാസ്​’ എന്നാൽ കരുതൽ

ഇഹ്​തിറാസ്​ എന്ന അറബി വാക്കിൻെറ അർഥം ‘കരുതൽ’ എന്നാണ്​. അതായത്​ നിങ്ങളു​െട കരുതലിന് വേണ്ടിയാണ്​ ഇഹ്​ തിറാസ്​ ആപ്പ്​ സർക്കാർ പുറത്തിറക്കിയിരിക്കുന്നത്​ എന്നർഥം. ഇഹ്​തിറാസ്​ ആപ്പിൻെറ ബാർകോഡിൽ പച്ചക്കളർ ഉള്ളവർ  മാത്രം ഖത്തറിൽ പുറത്തിറങ്ങുന്ന അവസ്​ഥ ഉടൻ വരും. അതായത്​ ചുവപ്പ്​, ഓറഞ്ച്​, ഗ്രേ എന്നീ വർണങ്ങൾ ആപ്പിൽ  ഉള്ളവരൊന്നും പിന്നീട്​ രോഗം മാറുന്നതുവരെ പുറത്തിറങ്ങാത്ത സ്​ഥിതി. പച്ച കളർ ഉള്ളവരെ മാത്രം പുറത്തിറങ്ങാൻ  അനുവദിക്കും. ഇതോടെ കോവിഡിൻെറ സമൂഹവ്യാപനം നിലക്കുകയും പതിയേ രാജ്യം മുഴുവൻ കോവിഡ്​ മുക്​തമാകുകയും  ​െചയ്യുമെന്നാണ്​ അധികൃതരു​െട പ്രതീക്ഷ. ഒരു മാളിലോ സിനിമാതിയേറ്ററിലോ കടയിലോ പോകു​േമ്പാൾ ഉപഭോക്​താവിൻെറ  ഇഹ്​തിറാസ്​ ആപ്പ്​ നോക്കിയിട്ട്​ പച്ച കളർ ഉള്ളവർക്ക്​ മാത്രം പ്രവേശനം കിട്ടും. ആളുകൾ കൂടുന്ന ഇടങ്ങളിൽ കോവിഡ്​  സംശയിക്കുന്ന ആരും ഇല്ലാതാകും. 

ആപ്പ്​ ഡൗൺലോഡ്​ ചെയ്യുന്ന ഫോണിൽ ബ്ലൂ ടൂത്ത്​ ഓൺ അല്ലെങ്കിലും നിശ്​ചിത  സമയത്ത്​ അത്​​ തനിയെ ഓണാകും. ഗൂഗിൾ ​േപ്ല സ്​​​േറ്റാറിലും ആപ്പിളി​െൻറ ആപ്പ് സ്​റ്റോറിലും ആപ്പ്​ ലഭ്യമാണ്​. 
ഐ ഫോൺ 6 എസിന്​ (വേർഷൻ 13ന്​ മുകളിൽ) മുകളിലുള്ളതിലും ആൻഡ്രോയ്​ഡ്​ 5ഉം അതിനുമുകളിലുമുള്ള  ഫോണുകളിലും മാത്രമേ ആപ്പ്​ ഡൗൺലോഡ്​ ചെയ്യാൻ നിലവിൽ പറ്റുന്നുള്ളൂ. 
മന്ത്രാലയത്തി​െൻറ ഡാറ്റാബേസുമായി ബന്ധിപ്പിച്ച് മൊബൈലിലെ ജി പി എസ്​, ബ്ലൂടൂത്ത് എന്നിവ ഉപയോഗിച്ചാണ് ആപ്പിൻ െറ പ്രവർത്തനം. ബ്ലൂടൂത്ത്​ സാ​​ങ്കേതിക വിദ്യയാണ്​ പ്രധാനമായും ഉപയോഗിക്കുന്നത്​. നമ്മുടെ ഒന്നര മീറ്റർ അടുത്തുകൂടി ​ കഴിഞ്ഞ 14 ദിവസത്തിനുള്ളിൽ ഒരു കോവിഡ്​ രോഗി കടന്നുപോയിട്ടുണ്ടെങ്കിൽ ഇത്​ സംബന്ധിച്ച ജാഗ്രതനിർദേശം  ആപ്പിലൂടെ ലഭിക്കും. 

കോവിഡ്​ പോസിറ്റീവായ രോഗി ഏതെങ്കിലും ആശുപത്രിയിൽ ചികിൽസക്കായി  എത്തുന്നതോടെയാണിത്​. അയാളുടെ അടുത്തുകൂടി ഈ ദിനങ്ങളിൽ കടന്നുപോയ എല്ലാവർക്കും ജാഗ്രതാനിർദേശം  ലഭിക്കും. അയാളുടെ ആപ്പിലെ ബാർകോഡിൻെറ നിറം ചുവപ്പാവുകയും ചെയ്യും. മറ്റുള്ളവരുടെ ആപ്പിലും നിറ വ്യത്യാസം  വന്നിരിക്കും. ഗ്രേ ആണ്​ ഒരാൾക്ക്​ കിട്ടുന്നതെങ്കിൽ നമ്മുടെ അടുത്തുകൂടി പോയ ഏതോ ഒരാൾ​ കോവിഡ്​ പോസിറ്റീവ്​ ആണ്​  എന്നാണർഥം. ഇതോടെ നമുക്ക്​ ജാഗ്രത പാലിച്ച്​ പുറത്തിറങ്ങാതെ വീട്ടിൽ തന്നെ കഴിയാം. അതേസമയം ചുവപ്പ്​ ആണ്​  കളറെങ്കിൽ നമ്മളെ ആരോഗ്യപ്രവർത്തകർ ചികിൽസാകേന്ദ്രങ്ങളിലേക്ക്​ കൊണ്ടുപോകും.