‘ഖലീഫ സ്​റ്റേഡിയം’ മുഴുവൻ അറബികൾക്കും അഭിമാനിക്കാനുള്ളത്^ അറബ് ഫുട്ബോൾ യൂണിയൻ

ദോഹ: 2022 ലോകകപ്പ് ഫുട്ബോൾ ചാമ്പ്യൻഷിപ്പിനായുള്ള പ്രഥമ സ്​റ്റേഡിയത്തി​​െൻറ ഉദ്ഘാടനത്തിൽ അറബ് ഫുട്ബോൾ അസോസിയേഷൻ യൂണിയൻ പ്രസിഡൻറ് സൽമാൻ ബിൻ ഖാലിദ് അൽ സഈദ് രാജകുമാരൻ അഭിനന്ദനമറിയിച്ചു. 
ഖലീഫ രാജ്യാന്ത സ്​റ്റേഡിയത്തി​​െൻറ ഉദ്ഘാടനത്തിൽ അദ്ദേഹം മുഴുവൻ അറബികൾക്കും അഭിനന്ദനമറിയിച്ചു. മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം. 

നിരവധി സ്​റ്റേഡിയങ്ങൾ കാണാൻ അവസരമുണ്ടായിട്ടുണ്ടെന്നും ലോകത്തിലെ ഏറ്റവും മികച്ച സ്​റ്റേഡിയങ്ങളിലൊന്നാണ് ഖലീഫ സ്​റ്റേഡിയമെന്നും ഖത്തറി​​െൻറ ലോകകപ്പ് ഫുട്ബോൾ ഒരുക്കങ്ങളിൽ മുഴുവൻ അറബികൾക്കും അഭിമാനിക്കാമെന്നും ഭാവിയിൽ ഖത്തറിന് എല്ലാ വിജയങ്ങളും നേരുന്നുവെന്നും അദ്ദേഹം പറഞ്ഞു. 

ലോകകപ്പ് ഫുട്ബോളിനായി അഞ്ച് വർഷം ബാക്കിയിരിക്കെ അറബ് ലോകം മുഴുവനും യൂണിയനും ഈ മിഷൻ പൂർത്തീകരിക്കുന്നതിനായി ഖത്തറിന് പിന്നിൽ അണിനിരക്കുമെന്നും അദ്ദേഹം വ്യക്തമാക്കി. 
സ്​റ്റേഡിയത്തിലേക്ക് ഒഴുകിയെത്തിയ ആയിരങ്ങൾക്ക് നന്ദി പറഞ്ഞ അദ്ദഹേം, കാണികളുടെ വർധിച്ച സാന്നിദ്ധ്യം ലോകകപ്പി​​െൻറ തയ്യാറെടുപ്പുകളുടെയും ഉന്നത നിലവാരത്തിലുള്ള സംഘാടനത്തെയുമാണ് പ്രതിഫലിപ്പിക്കുന്നതെന്നും ചൂണ്ടിക്കാട്ടി.