ഈദ്​ അവധിയിൽ സജീവമായി ക്യു.ആർ.സി.എസ്​

ദോഹ: പെരുന്നാൾ അവധി ദിനങ്ങളിൽ ഖത്തർ റെഡ്​ ക്രെസൻറ്​ സൊസൈറ്റിയുടെ സേവനം തേടിയത്​ 45,000​ത്തിലേറെ പേർ.ജൂലൈ 18 മുതൽ 25 വരെയുള്ള അവധി ദിനങ്ങളിലാണ്​ രാജ്യത്തിൻെറ വിവിധ ഭാഗങ്ങളിൽനിന്ന്​ ചികിത്സ, ആംബുലൻസ്​, വിവരശേഖരണം ഉൾപ്പെടെ വ്യത്യസ്​ത സേവനങ്ങൾക്കായി ആളുകൾ ക്യു.ആർ.സിയെ സമീപിച്ചത്​.

തൊഴിലാളികൾ ഉൾപ്പെടെ വിവിധ പ്രവാസി സമൂഹങ്ങളാണ്​ ഏറ്റവും കൂടുതലായി റെഡ്​ ​െക്രസൻറിൻെറ സേവനങ്ങൾ തേടിയതെന്ന്​ മെഡിക്കൽ അഫയേഴ്​സ്​ ഡിവിഷൻ പുറത്തിറക്കിയ വാർത്തക്കുറിപ്പിൽ പറയുന്നു.ട്രെയിനിങ്​ ഡെവലപ്​മെൻറ്​ സെൻറർ നേതൃത്വത്തിൽ സോഷ്യൽ മീഡിയ പ്ലാറ്റ്​ഫോമുകൾ വഴി ബോധവൽകരണ പരിപാടികളും നടന്നു.