28 പുതിയ ശാഖകളുമായി ക്യൂ–പോസ്​റ്റ്;  10 സ്​മാർട്ട് ലോക്കറുകളും പദ്ധതിയിൽ

ദോഹ: കൂടുതൽ ജനകീയമാക്കുന്നതി​​െൻറയും വികസിപ്പിക്കുന്നതി​​െൻറയും ഭാഗമായി ഖത്തർ പോസ്​റ്റ് (ക്യൂ–പോസ്​റ്റ്) രാജ്യത്തുടനീളം 28 പുതിയ ബ്രാഞ്ചുകൾ തുറക്കുന്നതിനുള്ള പദ്ധതി തയ്യാറാക്കുന്നു. ജനവാസം കൂടുതലുള്ള പ്രദേശങ്ങളിൽ 10 സ്​മാർട്ട് ലോക്കർ സംവിധാനവും ആരംഭിക്കാനുള്ള പദ്ധതി ക്യൂ–പോസ്​റ്റിനുണ്ട്. ഇതോടൊപ്പം 40000 ചതുരശ്രമീറ്റർ വിസ്​തൃതിയിൽ പുതിയ സ്​റ്റോറേജ് സൗകര്യം ഒരുക്കുന്നതിനുള്ള പണിപ്പുരയിലാണ് ഖത്തർ പോസ്​റ്റൽ കമ്പനി. രേഖകൾ സൂക്ഷിച്ചുവെക്കുന്നതിനും മറ്റും ഡിജിറ്റൽ സാങ്കേതിക വിദ്യയുടെ സഹായത്തോടെയുള്ള ഡിജിറ്റൽ മെയിൽ റൂം സൊലൂഷ്യൻ സേവനം ആരംഭിക്കാനും ഖത്തർ പോസ്​റ്റി​​െൻറ ഭാവി പരിപാടികളിൽ പെടുന്നു.

ക്യൂ–കമ്പനികളുടെയും കോർപറ്റേറ്റ് സ്​ഥാപനങ്ങളുടെയും സംയുക്ത ശിൽപശാലയിലാണ് ക്യൂ–പോസ്​റ്റ് ഭാവി പദ്ധതികൾ വിശകലനം ചെയ്തത്. ഉപഭോക്താക്കൾക്ക് സേവനങ്ങൾ കൂടുതൽ സൗഹൃദപരമാക്കുന്നതി​​െൻറയും താമസക്കാർക്ക് എളുപ്പത്തിൽ എത്തിച്ചേരാൻ സാധ്യമാക്കുന്നതി​​െൻറയും ഭാഗമായി ഡിജിറ്റൽ ടച്ച് പോയിൻറ്സ്​ എന്ന സംവിധാനം സ്​ഥാപിക്കുമെന്നും കഴിഞ്ഞ ദിവസം നടന്ന പരിപാടിയിൽ ക്യൂ–പോസ്​റ്റ് പ്രഖ്യാപിച്ചിട്ടുണ്ട്.