ഗ്രീസിലേക്കും ഖത്തറി​െൻറ രക്ഷാസേന

ദോഹ: കാട്ടുതീയിൽ ​ദുരിതംപേറിയ തുർക്കിയിലെ രക്ഷാ ദൗത്യത്തിനു പിന്നാലെ ഖത്തറി​െൻറ ലഖ്​വിയ സുരക്ഷാസേന ഗ്രീസിലേക്കും.

കാട്ടുതീ പടരുന്ന ഗ്രീസിലെ രക്ഷാദൗത്യങ്ങളു​െട ഭാഗമാവാനായാണ്​ അമീർ ശൈഖ്​​ തമീം ബിൻ ഹമദ്​ ആൽഥാനിയുടെ പ്രത്യേക നിർദേശത്തെ തുടർന്ന്​ ആതൻസിലേക്ക്​ പറന്നത്​. അഗ്​നിരക്ഷാ ദൗത്യങ്ങളിൽ പരിചയസമ്പന്നരായ സൈനികരും അത്യാധുനിക സംവിധാനങ്ങളുമായി 'അമീരി എയർഫോഴ്​സ്​' വിമാനത്തിലാണ്​ യാത്രയായത്​.

കഴിഞ്ഞയാഴ്​ചയാണ്​ ലെഖ്​വിയയുടെ മറ്റൊരു സംഘം തുർക്കിയിലെ രക്ഷാദൗത്യത്തിനായി പോയത്​. അന്താരാഷ്​ട്ര രക്ഷാ ദൗത്യത്തി​െൻറ ഭാഗമായി തുർക്കിയിലെ ദുരന്തബാധിത മേഖലയിൽ പ്രവർത്തിച്ച ഖത്തറി​െൻറ സംഘത്തെ തുർക്കി പ്രധാനമന്ത്രി അഭിനന്ദിച്ചിരുന്നു.

കഴിഞ്ഞ ഏതാനും ദിവസമായി തീപടരുന്ന ഗ്രീസിൽ വലിയ നാശനഷ്​ടങ്ങളാണ്​ സംഭവിച്ചത്​. നൂറോളം വീടുകൾ കത്തിനശിച്ച്​, നിരവധി പേർക്കാണ്​ പരിക്കേറ്റത്​. മൂന്നു​ വലിയ കാട്ടുതീകളാണ്​ ഗ്രീസിലുടനീളം ശനിയാഴ്​ച റിപ്പോർട്ട്​ ചെയ്​തത്​. തലസ്​ഥാന നഗരമായ ആതൻസി​െൻറ വടക്കുഭാഗത്താണ്​ ഏറ്റവും ശക്തമായി തീപടർന്നത്​.

എവിയ ദ്വീപിലും ഒളിമ്പിയയിലും തീപടർന്നു. 150ഓളം തീപിടിത്തങ്ങൾ റിപ്പോർട്ട്​ ചെയ്​തിട്ടുണ്ട്​. മുൻകരുതൽ എന്ന നിലയിൽ ആളുകളെ ഒഴിപ്പിച്ചതിനാൽ ജീവാപായങ്ങൾ റിപ്പോർട്ട്​ ചെയ്​തിട്ടില്ല.