ഖത്തർ ലോകകപ്പ്​ ഒരുക്കത്തിൽ അതിശയവുമായി​ ബെക്കാം

ദോ​ഹ: ഫി​ഫ ഖ​ത്ത​ര്‍ ലോ​ക​ക​പ്പ് അ​വി​സ്മ​ര​ണീ​യ​മാ​യി​രി​ക്കു​മെ​ന്ന് ഇം​ഗ്ല​ണ്ടി​​െൻറ ഇ​തി​ഹാ​സ​താ​രം ഡേ​വി​ഡ് ബെ​ക്കാം. ഖ​ത്ത​ര്‍ ലോ​ക​ക​പ്പ് ഫൈ​ന​ലി​ന്​ കൃ​ത്യം മൂ​ന്നു​വ​ര്‍ഷം ബാ​ക്കി​യു​ള്ള​പ്പോ​ഴാ​ണ്​ ഫൈ​ന​ല്‍ മ​ത്സ​രം അ​ര​ങ്ങേ​റു​ന്ന എ​ജു​ക്കേ​ഷ​ന്‍ സി​റ്റി സ്​​റ്റേ​ഡി​യം ഡേ​വി​ഡ് ബെ​ക്കാം സ​ന്ദ​ര്‍ശി​ച്ച​ത്. മാ​ഞ്ച​സ്​​റ്റ​ര്‍ യു​നൈ​റ്റ​ഡ്, റി​യ​ല്‍ മ​ഡ്രി​ഡ്, എ.​സി. മി​ലാ​ന്‍, എ​ൽ.​എ ഗാ​ല​ക്സി, പാ​രി​സ് സെ​യ്​​ൻ​റ്​ ജ​ര്‍മ​ന്‍ എ​ന്നി​വ​യു​ടെ മു​ന്‍ താ​ര​മാ​യി​രു​ന്ന ഡേ​വി​ഡ് ബെ​ക്കാം ഖ​ത്ത​റി​ലെ ലോ​ക​ക​പ്പ് സ്വ​പ്ന​തു​ല്യ​മാ​യി​രി​ക്കു​മെ​ന്നാ​ണ് പ​റ​യു​ന്ന​ത്.

ക​ളി​ക്കാ​ര്‍ക്കും ക​ളി​യാ​രാ​ധ​ക​ര്‍ക്കും ഒ​രു​പോ​ലെ സൗ​ഹൃ​ദ​പ​ര​വും മി​ക​ച്ച സൗ​ക​ര്യ​ങ്ങ​ള്‍ ന​ൽ​കു​ന്ന​തു​മാ​കും. മി​ക​ച്ച ഹോ​ട്ട​ലു​ക​ളും തി​ള​ക്ക​മു​ള്ള സം​സ്കാ​ര​വു​മാ​ണ് അ​വ​രെ കാ​ത്തി​രി​ക്കു​ന്ന​ത്. സു​പ്രീം ക​മ്മി​റ്റി ഫോ​ര്‍ ഡെ​ലി​വ​റി ആ​ൻ​ഡ്​​ ലെ​ഗ​സി സെ​ക്ര​ട്ട​റി ജ​ന​റ​ല്‍ ഹ​സ​ന്‍ അ​ല്‍ ത​വാ​ദി​യോ​ടൊ​പ്പ​മാ​ണ് ഡേ​വി​ഡ് ബെ​ക്കാം സി​റ്റി സ്​​റ്റേ​ഡി​യം സ​ന്ദ​ര്‍ശി​ക്കാ​നെ​ത്തി​യ​ത്.

ഈ ​സ്​​റ്റേ​ഡി​യം ക​ണ്ട​പ്പോ​ൾ താ​നി​പ്പോ​ഴും മ​ത്സ​ര​രം​ഗ​ത്തു​ണ്ടാ​യി​രു​ന്നെ​ങ്കി​ൽ എ​ന്ന്​ ആ​​ശി​ച്ചു​. ഇ​ത്ത​രം ഒ​രു സ്​​റ്റേ​ഡി​യ​ത്തി​ൽ ക​ളി​ക്കു​ക​യെ​ന്ന​ത് സ്വ​പ്ന​മാ​ണ്. 115 മ​ത്സ​ര​ങ്ങ​ളി​ല്‍ ഇം​ഗ്ല​ണ്ടി​നു​വേ​ണ്ടി ക​ളി​ച്ച ബെ​ക്കാം ലോ​ക​ക​പ്പ് പു​തി​യ രാ​ജ്യ​ങ്ങ​ളി​ല്‍ അ​ര​ങ്ങേ​റ​ണ​മെ​ന്ന അ​ഭി​പ്രാ​യ​ക്കാ​ര​നാ​ണ്. വി​ക​സ​ന​ത്തി​​െൻറ വ​ലി​യ മാ​റ്റ​ങ്ങ​ളാ​ണ് ഖ​ത്ത​റി​ൽ ത​നി​ക്ക് കാ​ണാ​നാ​വു​ന്ന​ത്. എ​ല്ലാ​യ്പോ​ഴും കു​ടും​ബ​ത്തി​ല്‍ വ​ന്ന അ​നു​ഭ​വ​മാ​ണ് ഖ​ത്ത​റി​ലെ​ത്തു​മ്പോ​ള്‍ തോ​ന്നാ​റു​ള്ള​തെ​ന്ന​ും അ​ദ്ദേ​ഹം കൂ​ട്ടി​ച്ചേ​ർ​ത്തു.