അ​ർ​ജ​ന്റീ​ന​യും ആ ​അ​ന​ർ​ഘ നി​മി​ഷ​വും...

2010 ദ​ക്ഷി​ണാ​ഫ്രി​ക്ക​ൻ ലോ​ക​ക​പ്പ്‌ ന​ട​ക്കു​ന്ന സ​മ​യം. ഏ​ഴ്‌ മ​ണി​ക്ക്‌ ഡ്യൂ​ട്ടി അ​വ​സാ​നി​ച്ച്‌ റൂ​മി​ലേ​ക്കു​പോ​ലും പോ​കാ​തെ, നേ​രെ സൂ​ക്ക്‌ വാ​ഖി​ഫി​ലു​ള്ള ബി​ഗ്‌ സ്ക്രീ​നി​നു മു​ന്നി​ലേ​ക്കോ​ടാ​റു​ണ്ടാ​യി​രു​ന്ന എ​ന്നെ നോ​ക്കി ഖ​ത്ത​ർ ലോ​ക​ക​പ്പ്‌ പ്ര​ഖ്യാ​പി​ച്ച സ​മ​യം എ​ന്റെ ഓ​ഫി​സി​ലെ ജ​യേ​ട്ട​ൻ പ​റ​ഞ്ഞി​രു​ന്നു; നീ 2022​ലെ ലോ​ക​ക​പ്പ്‌ ക​ഴി​ഞ്ഞാ​ലേ ഖ​ത്ത​റി​ൽ​നി​ന്ന് പോ​കൂ​വെ​ന്ന്. അ​ത് അ​ക്ഷ​​രം​പ്ര​തി ശ​രി​യാ​യി. ലോ​ക​ത്ത്‌ ഏ​റ്റ​വും കൂ​ടു​ത​ൽ ആ​ളു​ക​ൾ ത​ത്സ​മ​യം സ്ക്രീ​നി​ൽ കാ​ണു​ന്ന മു​ഹൂ​ർ​ത്ത​ങ്ങ​ൾ​ക്ക് ഞാ​നും നേ​രി​ൽ സാ​ക്ഷി​യാ​യി​രി​ക്കു​ന്നു. അ​തി​നു​മ​പ്പു​റം, കാ​ല​ങ്ങ​ളാ​യി മ​ന​സ്സി​ൽ നീ​റ്റ​ലാ​യി കൊ​ണ്ടു​ന​ട​ന്നി​രു​ന്ന പ്രി​യ ടീം ​അ​ർ​ജ​ന്റീ​ന​യു​ടെ കി​രീ​ട വ​ര​ൾ​ച്ച​ക്ക്‌ ല​യ​ണ​ൽ മെ​സ്സി സ്വ​ന്തം ക​ൺ​മു​ന്നി​ൽ അ​വ​സാ​നം കു​റി​ക്കു​ന്ന അ​ന​ർ​ഘ നി​മി​ഷ​ത്തി​ന് സാ​ക്ഷി​യാ​കാ​നും ക​ഴി​ഞ്ഞി​രി​ക്കു​ന്നു.

ലോ​ക​ക​പ്പി​നു​വേ​ണ്ടി​യു​ള്ള കാ​ത്തി​രി​പ്പ്‌ അ​ന​ന്ത​മാ​യി​രു​ന്നെ​ങ്കി​ലും കി​ക്കോ​ഫി​നു ശേ​ഷം ക​ണ്ണ​ട​ച്ച്‌ തു​റ​ക്കും​മു​മ്പേ ക​ൺ​മു​ന്നി​ൽ​നി​ന്നും മാ​ഞ്ഞു​പോ​യ​ത്‌ ജീ​വി​താ​വ​സാ​നം വ​രെ ഓ​ർ​ത്തു​വെ​ക്കാ​നു​ള്ള ഒ​രാ​യി​രം സു​ന്ദ​ര നി​മി​ഷ​ങ്ങ​ളാ​യി​രു​ന്നു. എ​ന്റെ ലോ​ക​ക​പ്പി​നു വേ​ണ്ടി​യു​ള്ള ത​യാ​റെ​ടു​പ്പ്‌ ഖ​ത്ത​റി​നൊ​പ്പം​ത​ന്നെ തു​ട​ങ്ങി​യി​രു​ന്നു എ​ന്നു​പ​റ​യു​ന്ന​താ​വും ശ​രി. കാ​ണാ​ൻ ക​ഴി​യാ​വു​ന്ന​ത്ര​യും മ​ത്സ​ര​ങ്ങ​ൾ സ്റ്റേ​ഡി​യ​ത്തി​ൽ ഇ​രു​ന്നു​ത​ന്നെ കാ​ണ​ണ​മെ​ന്നു തു​ട​ക്ക​ത്തി​ലേ ആ​ഗ്ര​ഹി​ച്ചി​രു​ന്നു. അ​ർ​ജ​ന്റീ​ന, ബ്ര​സീ​ൽ, ഫ്രാ​ൻ​സ്‌, സ്പെ​യി​ൻ, ജ​ർ​മ​നി, ഉ​റു​ഗ്വാ​യ് തു​ട​ങ്ങി മു​ൻ ലോ​ക ചാ​മ്പ്യ​ന്മാ​രു​ടെ​യൊ​ക്കെ ക​ളി​ക​ൾ ക​ൺ​മു​ന്നി​ൽ കാ​ണാ​ൻ ക​ഴി​ഞ്ഞ​തു​ത​ന്നെ ഒ​രു വ്യാ​ഴ​വ​ട്ട​ക്കാ​ല​ത്തെ കാ​ത്തി​രി​പ്പി​ന്റെ ശു​ഭ പ​ര്യ​വ​സാ​ന​മാ​യി​രു​ന്നു.

ലോ​ക​ക​പ്പോ​ർ​മ​ക​ളി​ലെ ‌ഏ​റ്റ​വും സു​ന്ദ​ര​മാ​യ ഏ​ടാ​ണ് വ​ള​ന്റി​യ​റാ​യി സേ​വ​ന​മ​നു​ഷ്ഠി​ക്കാ​ൻ ല​ഭി​ച്ച അ​വ​സ​രം. ആ​ദ്യ ബാ​ച്ചി​ൽ​ത​ന്നെ ഇ​ന്റ​ർ​വ്യൂ അ​റ്റ​ൻ​ഡ് ചെ​യ്യാ​നു​ള്ള അ​വ​സ​ര​വും തു​ട​ക്ക​ത്തി​ൽ​ത​ന്നെ ക​ൺ​ഫ​ർ​മേ​ഷ​നും ല​ഭി​ച്ചു. ഹോ​സ്പി​റ്റാ​ലി​റ്റി സെ​ക്ഷ​നി​ലാ​യ​തു​കൊ​ണ്ട്‌, മ​ത്സ​ര​ങ്ങ​ൾ കാ​ണാ​ൻ ക​ഴി​യു​മെ​ന്ന പ്ര​തീ​ക്ഷ​യു​മു​ണ്ടാ​യി​രു​ന്നു.

സേ​വ​നം​ചെ​യ്ത​ത്‌ ലു​സൈ​ൽ സ്റ്റേ​ഡി​യ​ത്തി​ലാ​യി​രു​ന്ന​തു​കൊ​ണ്ടു​ത​ന്നെ, ലോ​ക​ക​പ്പ്‌ സാ​ക്ഷ്യം​വ​ഹി​ച്ച ഏ​റ്റ​വും നാ​ട​കീ​യ​വും ധ​ന്യ​വു​മാ​യ മു​ഹൂ​ർ​ത്ത​ങ്ങ​ൾ​ക്ക്‌ നേ​ർ​സാ​ക്ഷി​യാ​കാ​ൻ യോ​ഗ​മു​ണ്ടാ​യി. അ​ർ​ജ​ന്റീ​ന​യു​ടെ ക്വാ​ർ​ട്ട​റും സെ​മി​യും ഫൈ​ന​ലും ഉ​ൾ​പ്പെ​ടെ അ​ഞ്ച്‌ ക​ളി​ക​ൾ വൈ​കാ​രി​ക തീ​വ്ര​ത​യു​ടെ പാ​ര​മ്യ​ത്തി​ൽ​നി​ന്നു​കൊ​ണ്ടാ​ണ് ആ​സ്വ​ദി​ച്ച​ത്.

അ​ർ​ജ​ന്റീ​ന-​ക്രൊ​യേ​ഷ്യ സെ​മി ഫൈ​ന​ൽ ദി​വ​സം പ്ര​മു​ഖ മ​ല​യാ​ളി വ്യ​വ​സാ​യി സ​മ്മാ​നി​ച്ച ടി​ക്ക​റ്റി​ന്റെ പി​ൻ​ബ​ല​ത്തി​ലാ​ണ് ഗാ​ല​റി​യി​ൽ ഇ​ടം കി​ട്ടി​യ​ത്‌. വ​ള​ന്റി​യ​റാ​യി ക​ളി കാ​ണാ​നു​ള്ള അ​വ​സ​രം കൈ​യി​ലു​ണ്ടെ​ങ്കി​ലും ആ​രാ​ധ​ക​നാ​യി സ്റ്റേ​ഡി​യ​ത്തി​ന്റെ അ​ല​യൊ​ലി​ക​ൾ​ക്കൊ​പ്പം ക​ളി കാ​ണാ​ൻ ക​ഴി​യു​ക​യെ​ന്ന​ത്‌ പ​റ​ഞ്ഞ​റി​യി​ക്കാ​ൻ ക​ഴി​യാ​ത്ത അ​നു​ഭൂ​തി​യാ​യ​തി​നാ​ൽ വേ​ഗം അ​ത്‌ സ്വീ​ക​രി​ച്ചു. എ​നി​ക്കും ഒ​മാ​നി​ൽ നി​ന്നു​വ​ന്ന ഒ​രു മാ​ച്ചു​പോ​ലും കാ​ണാ​ൻ അ​വ​സ​രം ല​ഭി​ക്കാ​തി​രു​ന്ന സു​ഹൃ​ത്തി​നും ഈ ​ടി​ക്ക​റ്റ്‌ ല​ഭി​ച്ചു.

ഫൈ​ന​ൽ മ​ത്സ​ര​വും സ്പോ​ൺ​സേ​ഡ്‌ ഹോ​സ്പി​റ്റാ​ലി​റ്റി ടി​ക്ക​റ്റി​ൽ കാ​ണാ​ൻ ക​ഴി​ഞ്ഞു. ഇ​തി​നു​പു​റ​മെ, കു​ടും​ബ​വു​മൊ​ത്ത്‌ ര​ണ്ട്‌ മ​ത്സ​ര​ങ്ങ​ൾ സ്റ്റേ​ഡി​യ​ത്തി​ൽ ആ​സ്വ​ദി​ക്കാ​നും മ​റ്റു ചി​ല ക​ളി​ക​ൾ ഫാ​ൻ സോ​ണു​ക​ളി​ൽ​ചെ​ന്ന് കാ​ണാ​നും ക​ഴി​ഞ്ഞ​ത്‌ മ​റ​ക്കാ​നാ​കാ​ത്ത അ​നു​ഭ​വ​മാ​യി​രു​ന്നു.